୧ କରନ୍ତିୟ 15:52 - New Testament in Pengo Parja Language

⁵² ହେଦାଙ୍ଗ୍ କାଣ୍‌କୁ ମିଟ୍‌କା ଇଡ଼୍‌ତିଲେକେ ହଟାତ୍ ୱାନାତ୍, ଏଚେପାଦ୍ନା ସେସ୍ ମରିନି ସବଦ୍ ଆନାତ୍ ହେପାଦ୍ନା ଏଚେଜାଣ୍ ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାର୍‌ନା ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଆରେରଗ ଜିବୁନ୍ କିନାନ୍। ଆରେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନାସ୍, ହେୱାନ୍ ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍।

ସତ୍‌ ବଚନ୍‌ ପୁନି ନିୟମ୍‌

⁵² ମାତର୍‌ ର ମାନ୍ତ, କାଣ୍‌ଙ୍ଗାମିଟ୍‌ ଇଚ୍‌ୱାଦାଂ, ହାରିହାରା ମରି ଗାଜାର୍‌ତ ଆସେଙ୍ଗ୍‌ ୱିଜ଼ାକାସ୍‌ ମାନ୍‌ବାଦ୍‌ଲାୟ୍‌ କିନାସ୍‌; ଇନାକିଦେଂକି ମରି ଆଡ଼୍‌ନାତ୍‌, ଆରେ ହାତାକାର୍‌ ଜିରାୱିତ ବାଚାଆଜ଼ି ନିଙ୍ଗ୍‌ନାର୍‌, ଆରେ ଆସେଙ୍ଗ୍‌ ବାଦ୍‌ଲା ଆନାସ୍‌ ।

୧ କରନ୍ତିୟ 15:52 ပူးပေါင်းရင်းမြစ်များ

ମାତିଉ 24:31

ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍‌କୁକାଙ୍ଗ୍ ପୁର୍ତିତାକେ ପକ୍‌ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍‌ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।

ଜହନ୍‌ 5:25

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ର ସମୟ୍ ୱାନାତା ହାଃତାକାର୍ ମାନାୟ୍ ଈଶ୍ୱର ମେହି ବେଣ୍ ୱେନାର୍। ଆରେ ମେହି ବେଣ୍ ୱେନ୍‌ଞ୍ଜି ଆସ୍ତାକାର୍ ୱିଜ୍‌ୱି ଜିବୁନ୍ ପାୟାଆନାର୍‌। ନଙ୍ଗୟ୍ ହେ ସମୟ୍ ପା ଏକାତାତ୍‌ନା।

ଜହନ୍‌ 5:28

ଏପେଙ୍ଗ୍ ଚାନିଆ ଆମାଟ୍। ଇଲେଗ୍‌ଦି ସମୟ୍ ୱାନାତା, ହେପାଦ୍ନା ହାଃଜି ଦୁଗେର୍‌ତ ମୁଚିଆ ଆତାକାର୍ ୱିଜାକାର୍ ତା ବେଣ୍ ୱେନାର୍।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 15:42

ଟିକ୍ ହେଲେକେ ହାଃତିତାଙ୍ଗ୍ ଆରେରଗ ଜିବୁନ୍ ଆନାକା। ଏଚେପାଦ୍ନା ଆସେଙ୍ଗ୍ ହାଃନାସ୍ ମା ଇ ଗାଗାଡ଼୍ ଜମିତାକେ ରୁସ୍ତି ମାଞ୍ଜି ଲେକେ ଆତାତ୍‌ନା, ମାତର୍ ହେୱାରିଙ୍ଗ୍ ଈଶ୍ୱର ୱିଜୁଦିନ୍ କାଜିଙ୍ଗ୍ ଜିବୁନ୍ କିନାନ୍।

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

ହତ୍‌ତି 8:13

ତାପାଚେ ଆନେଙ୍ଗ୍ ଆରେରଗ ହୁଡ଼୍‌ତିହିଙ୍ଗ୍, ବାଦାଡ଼୍‌ତାକେ ର ମୁକ୍‌ରି ଗାଜାକାଟ୍ କିଜି ଉମ୍‌ଜି-ଉମ୍‌ଜି ୱେଚ୍‌ଚି ମାଚାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ୱେଚ୍‌ଚି ମାଚାତ୍, “ହାୟ୍! କି ବୟାଙ୍କାର୍! ଜେକନି ତିନ୍‌ଗଟା ଦୁତ୍ ମରି ତୁବ୍‌ତିସ୍ ପୁର୍ତିନି ମାନାୟାର୍ ଅବସ୍ତା କେତେ ବୟାଙ୍କାର୍ ଆନାତ୍!”

ହତ୍‌ତି 8:2

ଆରେ ସାତ୍‌ଗଟା ସରଗ୍‌ନି ଦୁତ୍‌କୁ ଈଶ୍ୱର ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍, ହେୱାରିଙ୍ଗ୍ ସାତ୍‌ଗଟା ମରିଙ୍ଗ୍ ହିଜିମାଚାନ୍।‌