୧ କରନ୍ତିୟ 15:51 - New Testament in Pengo Parja Language

⁵¹ ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ର ଚାନିଆଆନି ଡ଼ୁକ୍‌ତି ବିଷୟ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା। ଆସେଙ୍ଗ୍ ୱିଜାକାସ୍ ହାଃଉସ୍, ମାତର୍ ଈଶ୍ୱର ମା ଗାଗାଡ଼୍‌ନି ରୁପ୍‌ତିଙ୍ଗ୍ ବାଦ୍‌ଲାୟ୍ କିନାନ୍‌।

ସତ୍‌ ବଚନ୍‌ ପୁନି ନିୟମ୍‌

⁵¹ ହୁଡ଼ାଟ୍‌, ଆନ୍‌ ମିଙ୍ଗେଙ୍ଗ୍‌ ର ହାର୍ଦି ବେରଣ୍‌ ଇଞ୍ଜ୍‌ନାଙ୍ଗା, ମତର୍‌ ଆସେଙ୍ଗ୍‌ ୱିଜ଼ାକାସ୍‌ ହୁଞ୍ଜୁସ୍‌,

୧ କରନ୍ତିୟ 15:51 ပူးပေါင်းရင်းမြစ်များ

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।

୧ କରନ୍ତିୟ 15:18

ଯଦି ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ନିଙ୍ଗ୍‌ୱାତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତି କିଜି ହାଃତାର୍‌ନା। ହେୱାର୍ ୱିଜୁଦିନ୍ କାଜିଙ୍ଗ୍ ଈଶ୍ୱରତାଙ୍ଗ୍ ହେୱାର୍‌ ନଷ୍ଟ ଆତାର୍‌ନା।

୧ କରନ୍ତିୟ 15:20

ମାତର୍ ଖ୍ରୀଷ୍ଟ ଆରେରଗ ଜିବୁନ୍ ଆତାନ୍‌ନା। ହେୱାନ୍ ନେ ର ଗାଜା ତାସ୍‌ଲେକେ ପାର୍ତୁମ୍ ହାଃତାକାର୍‌ତାଙ୍ଗ୍ ଜିବୁନ୍ ଆତାନ୍‌ନା।

୧ କରନ୍ତିୟ 15:6

ତାପାଚେ ହେୱାନ୍ ରମାଟ୍ ପାଞ୍ଚ୍‌ଶଜାଣ୍ ଚେଲାହିରିଙ୍ଗ୍ ଚଞ୍ଜିଆଆଜି ମାଚାନ୍, ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ହାଃତାର୍‌ନା ଆରେ କେତ୍‌ଜାଣ୍ ନଙ୍ଗୟ୍ ପାତେକ୍ ଜିବୁନ୍ ମାନାର୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

୧ କରନ୍ତିୟ 4:1

ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆରେ ଆପୋଲତିଙ୍ଗ୍ ଖ୍ରୀଷ୍ଟନି ଦାସ୍ ଇଞ୍ଜି ବାବିକିନି ଦର୍‌କାର୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଡ଼ୁକ୍‌ତି ସତ୍ ବିଷୟତିଙ୍ଗ୍ ବୁଜାୟ୍ କିନି କାମାୟ୍ ହିତ୍‌ତାନ୍‌ନା।

୨ କରନ୍ତିୟ 5:2

ଆସେଙ୍ଗ୍ ନଙ୍ଗୟ୍ ଇ ଗାଗାଡ଼୍ କାଜିଙ୍ଗ୍ ବେସି ଦୁଃକ୍ କଷ୍ଟ ପାୟାଆନାସା, ଆରେ ଆସେଙ୍ଗ୍ ର ପୁନି ହେନ୍ଦ୍ରା ଉସ୍‌ପିତିଲେକେ ସରଗ୍‌ନି ପୁନି ଗାଗାଡ଼୍‌ତିଙ୍ଗ୍ ଉସ୍‌ପେଦେଙ୍ଗ୍ ହେ ଦିନ୍‌ତିଙ୍ଗ୍ କାନାସା।

୨ କରନ୍ତିୟ 5:4

ମା ହାଃନି ଗାଗାଡ଼୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାତା। ମାତର୍ ଆସେଙ୍ଗ୍ ପୁର୍ତିତାକେ ମାନି ଗାଗାଡ଼୍‌ତିଙ୍ଗ୍ ପିସ୍ତେଙ୍ଗ୍ ଇଚା କିଉସା, ଆସେଙ୍ଗ୍ ଇଚା କିନାସା ଯେ, ଈଶ୍ୱର ମାଙ୍ଗେଙ୍ଗ୍ ସରଗ୍‌ନି ଗାଗାଡ଼୍ ହିଦେନ୍। ଲାଗିଙ୍ଗ୍ ମା ପୁନି ଗାଗାଡ଼୍, ମା ହାଃନି ଗାଗାଡ଼୍‌ତିଙ୍ଗ୍ ୱିଜୁଦିନ୍ କାଜିଙ୍ଗ୍ ବାଦ୍‌ଲାୟ୍ କିନାତ୍।

ଏପିସିୟ 1:9

ଈଶ୍ୱର ତା ଇଚାତାଙ୍ଗ୍ ଆଗେତାଙ୍ଗ୍ କିଜିମାଚି ଡ଼ୁକ୍‌ତି ଜଜ୍‌ନା ମାବେ ଚଚ୍‌ଚାତାନ୍‌ନା। ଆରେ ହେ ଜଜ୍‌ନା ଖ୍ରୀଷ୍ଟତାଙ୍ଗ୍ କିନି କାଜିଙ୍ଗ୍ ହେୱାନ୍ ଇଚା କିଜି ମାଚାନ୍।

ଏପିସିୟ 3:3

ଈଶ୍ୱର ନାଙ୍ଗେଙ୍ଗ୍ ତା ଡ଼ୁକ୍‌ତି ଜଜ୍‌ନା ୱେଚ୍‌ଚାତାନ୍‌ନା, ଇମ୍‌ଣି ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ଆଗେତାଙ୍ଗ୍ ଅଲପ୍ ଲେକିକିତାଙ୍ଗ୍‌ନା।

ଏପିସିୟ 5:32

ଇଦାଙ୍ଗ୍‌ ନେ ବେସି କଷ୍ଟନି ଅର୍ତ ମାନାତ୍, ମାତର୍ ଆନେଙ୍ଗ୍ ଖ୍ରୀଷ୍ଟ ଆରେ ମଣ୍ଡ୍‌ଲି ବିଷୟରେ ହାମାନ୍ କିଜି ୱେଚ୍‌ଚାନାଙ୍ଗା।

ପିଲିପିୟ 3:21

ହେୱାନ୍‌ତାକେ ଶାକ୍ତି ମାନାତ୍ ଆରେ ହେ ସାକ୍ତିତାଙ୍ଗ୍ ୱିଜୁ ବିଷୟତିଙ୍ଗ୍ ତା ତାରେନ୍ କିଜି ଇଟ୍‌ନାନ୍, ହେ ସାକ୍ତିତାଙ୍ଗ୍ ମା ଚିକ୍‌ଲାନି ଗାଗାଡ଼୍‌ତିଙ୍ଗ୍ ତା ଲେକେ ଗୌରବ କିଦ୍‌ନାନ୍।