୧ କରନ୍ତିୟ 15:49 - New Testament in Pengo Parja Language

⁴⁹ ନଙ୍ଗୟ୍ ଆସେଙ୍ଗ୍ ଇ ପୁର୍ତିନି ମାନାୟାର୍ ଆଦମଲେକେ ଚଞ୍ଜ୍‌ନାସା ଇନେରିଙ୍ଗ୍ ଈଶ୍ୱର ଚିକ୍‌ଲାତାଙ୍ଗ୍ ରସ୍ତାନ୍‌ନା। ହେଲେକେ ରଦିନ୍ ୱାନାତ୍ ଆସେଙ୍ଗ୍ ଖ୍ରୀଷ୍ଟ ଲେକେ ଚଞ୍ଜ୍‌ନାସ୍, ଇନେର୍ ସରଗ୍‌ତାଙ୍ଗ୍ ୱାଜିମାଚାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁹ ଆରେ ଆପେଂ ଇନେସ୍‌କି ଚିକ୍‌ଲାତ ରଚ୍ୟାତାକାପ୍‌ ହେ ମାନାୟ୍‌ତି ଡ଼ିଗା ଆସ୍ତାପ୍‌ନା, ହେ ଲାକେ ହେ ସାର୍ଗେନି ମୁଣିକାତି ଡ଼ିଗା ପା ଆହ୍‌ନାସ୍‌ ।

୧ କରନ୍ତିୟ 15:49 ပူးပေါင်းရင်းမြစ်များ

ମାତିଉ 13:43

ଈଶ୍ୱର ସାସନ୍ କିନି ରାଜିତାକେ ଦରମ୍ ମାନାୟାର୍ ୱେଡ଼ାଲେକେ ଅଜଡ଼୍ ଆନାର୍। ଇମ୍‌ଣାକାର୍ ଇବେଣ୍ ୱେଚାଦେର୍ ହେ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ବୁଜାଆଡ। ”

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

ପିଲିପିୟ 3:21

ହେୱାନ୍‌ତାକେ ଶାକ୍ତି ମାନାତ୍ ଆରେ ହେ ସାକ୍ତିତାଙ୍ଗ୍ ୱିଜୁ ବିଷୟତିଙ୍ଗ୍ ତା ତାରେନ୍ କିଜି ଇଟ୍‌ନାନ୍, ହେ ସାକ୍ତିତାଙ୍ଗ୍ ମା ଚିକ୍‌ଲାନି ଗାଗାଡ଼୍‌ତିଙ୍ଗ୍ ତା ଲେକେ ଗୌରବ କିଦ୍‌ନାନ୍।

୧ ଯୋହନ 3:2

ଏ ନା ଲାଡ୍‌ନି ସାଙ୍ଗ କାଦେର୍, ନଙ୍ଗୟ୍ ଆସେଙ୍ଗ୍ ଈଶ୍ୱର ମେହିକାସ୍ ଆତାସ୍‌ନା। ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଆସେଙ୍ଗ୍ ଇନେସ୍ ଚଞ୍ଜିଆ ଆନାତ୍ ହେଦାଙ୍ଗ୍ ପୁନ୍‌ୱାତାସ୍‌ନା। ମାତର୍ ଇଦାଙ୍ଗ୍ ଆସେଙ୍ଗ୍ ପୁଚାସ୍‌ନା, ହେୱାନ୍ ଏଚେପାଦ୍ନା ଆରେରଗ ୱାନାନ୍ ଆସେଙ୍ଗ୍ ତା ଲେକେ ଆନାସ୍, ଇନେସ୍‌କି ହେୱାନ୍ ଇନେସ୍‌ଲେକେ ସତ୍ ହେଲେକେ ତାଙ୍ଗେଙ୍ଗ୍ ହୁଡ଼୍‌ୟା ଆନାତ୍‌।