୧ କରନ୍ତିୟ 15:44 - New Testament in Pengo Parja Language

⁴⁴ ମା ଇ ପୁର୍ତିନି ଗାଗାଡ଼୍ ନଷ୍ଟ ଆନାତ୍, ମାତର୍ ଏଚେପାଦ୍ନା ଈଶ୍ୱର ମାଙ୍ଗେଙ୍ଗ୍ ଆରେରଗ ଜିବୁନ୍ କିଦ୍‌ନାନ୍, ଖ୍ରୀଷ୍ଟଙ୍ଗ୍ ମାଚି ଗୌରବନି ଗାଗାଡ଼୍ ଲେକେ ମାନ୍‌ଙ୍ଗାନାତ୍। ହେ ଗାଗାଡ଼୍ ଇ ପୁର୍ତିନି ଗାଗାଡ଼୍ ଲେକେ ଆରେ ଗୌରବନି ଗାଗାଡ଼୍ ଲେକେ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

⁴⁴ ହାତ୍‌ପା ଗାଗାଡ଼୍‌ ୱିତ୍‍ୟାନାତ୍, ଆତ୍ମିକ୍‌ ଗାଗାଡ଼୍‌ ନିଙ୍ଗ୍‌ନାତ୍‌ । ଜଦି ହାତ୍‌ପା ଗାଗାଡ଼୍‌ ମାନାତ୍‌, ୱାଟିଙ୍ଗ୍‌ ଆତ୍ମିକ୍‌ ଗାଗାଡ଼୍‌ ପା ମାନାତ୍‌ ।

୧ କରନ୍ତିୟ 15:44 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:31

ହେପାଦ୍ନା ଈଶ୍ୱର ହେୱାରିଙ୍ଗ୍ ଚିନ୍ କିଦେଙ୍ଗ୍ ସାଇଜ କିତାନ୍। ଆରେ ହେୱାର୍ ଯୀଶୁଙ୍ଗ୍ ଚିନ୍ କିଦେଙ୍ଗ୍ ଆଡ଼୍‌ତାର୍। ମାତର୍ ଯୀଶୁ ହେୱାର୍ ମୁମ୍‌ଦ ହେଦାପ୍ରେ ମାୟାଁ ଆତାନ୍।

ଜହନ୍‌ 20:19

ହେ ଦିନ୍ ରଇବାର୍ ମାଚାତ୍। ମିକାହାରେସ୍ ଚେଲାହିର୍ ରବେ ଆତାର୍। ଯିହୁଦି ନେତାର୍ ପାଣ୍ଡ୍ରୁତିଙ୍ଗ୍ ଚେଲାହିର୍ ଇଲ୍‌ନି ୱିଜୁ କାପାଟିଙ୍ଗ୍ ଗେସ୍ତାର୍। ତାପାଚେ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍ ଆରେ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ଶାନ୍ତି ଆୟେତ୍।”

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୧ କରନ୍ତିୟ 2:14

ମାତର୍ ବିନ୍‌ଜାତିନି ମାନାୟାର୍ ଇ ସତ୍ ବିଷୟତିଙ୍ଗ୍ ଈଶ୍ୱର ଆତ୍ମାତାଙ୍ଗ୍‌ ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ ହେୱାର୍ କାଜିଙ୍ଗ୍ ବେକାର୍ ଆନାତ୍, ଇନେସ୍‌କି ଇମ୍‌ଣି ମାନାୟ୍‌ତିଙ୍ଗ୍ ପବିତ୍ର ଆତ୍ମା ମାନାତ୍ ହେୱାନ୍‌ନେ ଈଶ୍ୱର ବିଷୟରେ ବୁଜା ଆଦେଙ୍ଗ୍ ପବିତ୍ର ଆତ୍ମା ସାଇଜ କିନାତ୍।