୧ କରନ୍ତିୟ 15:4 - New Testament in Pengo Parja Language

⁴ ତାଙ୍ଗେଙ୍ଗ୍ ମୁଚ୍‍ଚାର୍, ଆରେ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ତିନ୍‌ଦିନ୍‌ତାଙ୍ଗ୍ ନିକ୍ତାନ୍। ଇନେସ୍ ଦରମ୍ ସାସ୍ତର୍ ଲେକାଆତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁴ ମୁଚ୍‌ୟାତାନ୍‌ ଆରି ସାସ୍ତର୍‌ ଇସାପ୍‌ତାଂ ତିନି ଦିନ୍‌ତାଂ ନିଙ୍ଗ୍‌ତାନ୍‌;

୧ କରନ୍ତିୟ 15:4 ပူးပေါင်းရင်းမြစ်များ

ମାତିଉ 12:40

ହେଲେକେ ଭବିଷ୍ଯତବକ୍ତା ଯୁନସ୍‌ ତିନ୍‌ଦିନ୍ ଆରେ ତିନ୍‌ରାତି ର ଗାଜା ମିନ୍ ପଟତ ମାଚାନ୍, ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତିନ୍‌ଦିନ୍ ଆରେ ତିନ୍‌ରାତି ମେଦ୍‌ନି ବିତ୍ରେ ମାନ୍‌ଗାନାନ୍।

ମାତିଉ 16:21

‌ନଙ୍ଗୟ୍‌ତାଙ୍ଗ୍ ଯୀଶୁ ଖ୍ରୀଷ୍ଟ ତା ଚେଲାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଲାଗାତାନ୍, ଆନେଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ଆନାତ୍। ହେବେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ନାଙ୍ଗେଙ୍ଗ୍ ହିନସ୍ତାକିଜି ମାର୍ନେ ଅସ୍ତାନାର୍। ମାତର୍ ଆନେଙ୍ଗ୍ ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାଙ୍ଗ୍।

ମାତିଉ 20:19

ଆରେ ହେୱାର୍ ହେୱାନିଙ୍ଗ୍ ଜିବୁନ୍ ହିଲାଦାଙ୍ଗ୍ ମାଡ୍‌ହିଜି ଇନସ୍ତାକିଜି କୋରଡା ହୁଦାଙ୍ଗ୍ ଟ୍ରାକ୍‌ଚି ପାଗ୍‌ନାର୍। କୃଶକାଟ୍‌ତାକେ ଦୁପ୍‌ଚି ଅସ୍ତେଙ୍ଗ୍ ବିନ୍‌ଜାତିର୍ କେଇଦ ଆହିକିନାର୍। ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଯିବୁନ୍ ପାୟା ଆନାନ୍।”

ମାର୍କ 9:31

ଯୀଶୁ ତା ଚେଲାର୍ ହୁଦାଙ୍ଗ୍ ମାନ୍‌ଞ୍ଜି ହିକ୍ଷାହିଦେଙ୍ଗ୍ ମାନ୍ କିଜି ମାଚାନ୍। ଆରେ ହେୱାନ୍ ୱେଚ୍‌ଚାନ୍, “ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍, ଆରେ ହେୱାର୍ ହେୱାନିଙ୍ଗ୍ ମାର୍ନେ ଅହ୍‌ନାର୍, ଆରେ ହେୱାନ୍ ହାଃତି ପାଚେ ତିନ୍‌ଦିନ୍‌ତାଙ୍ଗ୍ ଆରେରଗ ଯିବୁନ୍ ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:46

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାନ୍ ଆରେ ହାଃତିତାଙ୍ଗ୍ ତିନ୍‌ଦିନ୍ ପାଚେ ଆରେରଗ ଜିବୁନ୍‌ଆନି କାତା ସାସ୍ତରତାକେ ଲେକା ମାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:22

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଚେଲାହିଙ୍ଗ୍ ୱେଚ୍‌ଚାନ୍, “ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କାଜିଙ୍ଗ୍ ହିନସ୍ତା ପାୟାଆଜି ହାଃଦେଙ୍ଗ୍ ଆନାତ୍, ଆରେ ହେୱାନ୍ ହାଃଜି ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାନ୍।”

ଜହନ୍‌ 19:38

ତାପାଚେ ହାରାମାତିଆନି ଯୋଷେପ ତର୍‍ଦାକାନ୍ ରକାନ୍ ମାନାୟ୍ ପାଣ୍ଡ୍ରା ଆୱାଦାଙ୍ଗ୍ ରମିୟ ସର୍‌କାର୍ ପିଲାତତାକେ ହାଲ୍‌ଜି ଯୀଶୁ ହାଃତି ମାଡ଼ାତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ମୁଚ୍‍ଚେଙ୍ଗ୍ ଅନୁମତି ଏନ୍ତାନ୍। ଯୋଷେପ ଯୀଶୁ ଚେଲାହି ମାଚାନ୍। ମାତର୍ ହେୱାନ୍ ମାନାୟାରିଙ୍ଗ୍ ହେଦାଙ୍ଗ୍ ୱେଚ୍‌ୱାତାନ୍, ଇନେସ୍‌କି ହେୱାନ୍ ଯିହୁଦିରିଙ୍ଗ୍ ପାଣ୍ଡ୍ରାଆଜି ମାଚାନ୍। ପିଲାତ ଗବର୍‌ନର୍ ଯୋଷେପତିଙ୍ଗ୍ ଯୀଶୁ ଗାଗାଡ଼୍‌ତିଙ୍ଗ୍ ଅଦେଙ୍ଗ୍ ଆଦିକାର୍ ହିତାନ୍। ଲାଗିଙ୍ଗ୍ ଯୋଷେପ ୱାଜି ଯୀଶୁ ହାଃତି ଗାଗାଡ଼୍‌ତିଙ୍ଗ୍ ଅତାନ୍।

ପକ୍ୟାତାକା 1:3

ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

ପକ୍ୟାତାକା 17:31

ପୁର୍ତିନି ନ୍ୟାୟ୍‌ତିଙ୍ଗ୍ ବିଚାର୍ କିଦେଙ୍ଗ୍ ହେୱାନ୍ ରକାନିଙ୍ଗ୍ ବାଚି କିତାନ୍‌ନା, ଆରେ ଦିନ୍ ପା ରସ୍ତାନ୍‌ନା। ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ୱିଜାକାର୍‌ତାକେ ସତ୍ ଇଞ୍ଜି ଚଚ୍‌ଚାନ୍‌ନା।”

ରୋମିୟ 6:4

ଏଚେପାଦ୍ନା ଆସେଙ୍ଗ୍ ଡୁବନ୍ ଅତାସ୍, ହେପାଦ୍ନା ଆସେଙ୍ଗ୍ ତା ହୁଦାଙ୍ଗ୍ ହାଃତାସ୍ ଆରେ ମାଙ୍ଗେଙ୍ଗ୍ କବର୍ ହିତ୍‌ତାର୍‌ନା। ଆରେ ଇନେସ୍‌ଲେକେ ଆବା ଈଶ୍ୱର ତା ଗୌରବନି ଶାକ୍ତିତାଙ୍ଗ୍ ତାଙ୍ଗେଙ୍ଗ୍ ଆରେରଗ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍, ହେଲେକେ ଆସେଙ୍ଗ୍ ପା ପୁନି ଜିବୁନ୍ ପାୟାଆତାସ୍‌ନା।

କଲସିୟ 2:12

ଖ୍ରୀଷ୍ଟଙ୍ଗ୍ ଇନେସ୍ ମୁଚ୍‍ଚାର୍ ହେଲେକେ ନେ ମି ପାପ୍‌ନି ଗୁଣ୍ ପା ମୁନ୍‌ଞ୍ଚାତ୍, ଏଚେପାଦ୍ନା ଏପେଙ୍ଗ୍ ଡୁବନ୍ ଅତାଦେର୍। ଖ୍ରୀଷ୍ଟ ଇନେସ୍ ପୁନି ଜିବୁନ୍ ପାୟାଆଜି ନିଙ୍ଗ୍‌ତାନ୍ ହେଲେକେ ଏପେଙ୍ଗ୍ ପା ପୁନି ଗୁଣ୍ ପାୟାଆଜି ନିଙ୍ଗ୍‌ତାଦେର୍‌ନା। ଇନେସ୍‌କି ଏପେଙ୍ଗ୍ ପାର୍ତି କିନାଦେରା ଯେ, ଈଶ୍ୱର ତା ଶାକ୍ତିତାଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା।

ଏବ୍ରି 13:20

ଇମ୍‌ଣି ଶାନ୍ତି ହିଦ୍‌ନି ଈଶ୍ୱର ମା ମାପୃ ଯୀଶୁଙ୍ଗ୍ ହାଃତାକାର୍ ବିତ୍ରେତାଙ୍ଗ୍ ନିକ୍‌ଚି ତାତାନ୍‌ନା, ହେୱାନ୍ ତା ଇଚା ପୁରା କିଦେଙ୍ଗ୍ ମିଙ୍ଗେଙ୍ଗ୍ ରେଡି କିଦେନ୍। ଯୀଶୁ ଖ୍ରୀଷ୍ଟତି ଶାକ୍ତିତାଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ ହେୱାନ୍ ମିତାକେ ରେଡି କିଦେନ୍। ୱିଜୁଦିନ୍ ମାନି ପାର୍ମାଣ୍‌ତିଙ୍ଗ୍ ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ସାଇନ୍ କିଜି, ମେଣ୍ଢାକାଙ୍ଗ୍ ହାରାଇକିନି ମୁଡ଼୍‌ଦାକାନ୍ ଆତାନ୍‌ନା। ଯୁଗ୍-ଯୁଗ୍ ହେୱାନ୍‌ତି ଗୌରବ ଆୟେତ୍, ଆମେନ୍।

୧ ପିତର 1:11

ଆରେ ହେୱାର୍ ବିତ୍ରେ ଖ୍ରୀଷ୍ଟତି ଆତ୍ମା ମାନ୍‌ଞ୍ଜି ହେୱାରିଙ୍ଗ୍ ୱେଚ୍‌ଚି ମାଚାତ୍। ଖ୍ରୀଷ୍ଟ ଇନେସ୍ ଦୁକ୍‌କଷ୍ଟ ଆରେ ସନ୍‌ମାନ୍ ପାୟା ଆନାନ୍, ଲାଗିଙ୍ଗ୍ ହେୱାର୍ ଖ୍ରୀଷ୍ଟ ଇନେର୍ ଆନାର୍ ଆରେ ଇନାୱେଡ଼ାଙ୍ଗ୍ ଇ ଗଟ୍‌ନା ଗଟାଆନାତ୍ ଇଞ୍ଜି ପୁଞ୍ଜେଙ୍ଗ୍ ଉପାୟ୍ କିତାର୍।