୧ କରନ୍ତିୟ 15:34 - New Testament in Pengo Parja Language

³⁴ ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

³⁴ ସମାନ୍‌ ବାବ୍ରେ ଜାଗ୍ରତ୍‌ ଆଡ, ପାପ୍‌ କିମାଟ୍‌; ଇନାକିଦେଂକି ଇନେର୍‌ ଇନେର୍‌ ଇସ୍ୱର୍ତି ବିସ୍ରେ ଗିଆନ୍‌ ହିଲୁତ୍‌; ଆନ୍‌ ମିଙ୍ଗେଙ୍ଗ୍‌ ଲାଜୁ କାଜିଂ ଇ କାତା ଇଞ୍ଜ୍‌ନାଙ୍ଗା ।”

୧ କରନ୍ତିୟ 15:34 ပူးပေါင်းရင်းမြစ်များ

ମାତିଉ 22:29

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ଆରେ ଈଶ୍ୱର ଶାକ୍ତି ବିଷୟରେ ପୁନ୍‌ୱାତାଦେର୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ବୁଲ୍ ବୁଜାଆନାଦେରା।

ଜହନ୍‌ 5:14

ତାପାଚେ ଯୀଶୁଙ୍ଗ୍ ହେୱାନ୍ ଈଶ୍ୱର ମାନି ମନ୍ଦିର୍‌ ବିତ୍ରେ ହୁଡ଼୍‌ତାନ୍। ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ା ନଙ୍ଗୟ୍ ପୁରାପୁରି ହାର୍‌ଆତାଇନା। ଲାଗିଙ୍ଗ୍ ଏନେଙ୍ଗ୍ ଆରେ ପାପ୍ କାମାୟ୍ କିମା। ଏନେଙ୍ଗ୍ ଯଦି ପାପ୍ କାମାୟ୍ କିନାୟ୍, ଏନେଙ୍ଗ୍ ଆଦିକ୍ ଦୁକ୍‌କଷ୍ଟ ପାୟାଆନାୟ୍।”

ଜହନ୍‌ 8:11

ହେ କଗ୍‌ଲେ ୱେଚ୍‌ଚାତ୍, “ଆକାୟ୍ ମାପୃ, ହେୱାର୍ ବିତ୍ରେତାଙ୍ଗ୍ ଇନେର୍ ପା ନାଙ୍ଗେଙ୍ଗ୍ ଦଣ୍ଡ୍ ପାୟାଆନାୟ୍ ଇଞ୍ଜି ବିଚାର୍ କିଦ୍‌ୱାତାର୍।” ତାପାଚେ ଯୀଶୁ ୱେଚ୍‌ଚାନ୍, “ଲାଗିଙ୍ଗ୍ ଆନେଙ୍ଗ୍ ପା ନିଙ୍ଗେଙ୍ଗ୍ ଦଣ୍ଡ୍ ପାୟାଆନାୟ୍ ଇଞ୍ଜୁଙ୍ଗା। ଏନେଙ୍ଗ୍ ନଙ୍ଗୟ୍ ହାଲା, ମାତର୍ ଆରେ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିମା।”

ପକ୍ୟାତାକା 26:8

ଈଶ୍ୱର ହାଃତାକାରିଙ୍ଗ୍ ଜିବୁନ୍ କିଜି ନିକ୍‌ନାନ୍ ଇଞ୍ଜି ପାର୍ତି କିନାଦେରା, ମାତର୍ ଯୀଶୁ ହାଃତିତାଙ୍ଗ୍ ଆରେରଗ ଜିବୁନ୍ ଆନାନ୍ ଇଞ୍ଜି ଇନା କିଦେଙ୍ଗ୍ ଏପେଙ୍ଗ୍ ମାନି କିଉଦେରା?

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

ରୋମିୟ 13:11

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନାଟ୍, ଇନେସ୍‌କି ଏଚେକାଡ଼୍‌ଦ ଈଶ୍ୱର ମାଙ୍ଗେଙ୍ଗ୍ ଇ କରାପ୍ ପୁର୍ତିତାଙ୍ଗ୍ ଉଦାର୍ କିଦ୍‌ନାନ୍, ହେ ଦିନ୍ ୱାତାତେ। ଏଚେପାଦ୍ନା ଆପେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାପ୍, ହେଦାଙ୍ଗ୍ ନଙ୍ଗୟ୍ ଲାଗେ ୱାତାତେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇ ବିଷୟତିଙ୍ଗ୍ ବୁଜାଆଡ, ଆରେ ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍ ଆରେ ଜାଗ୍ରତ୍ ଆଜି କାସିମାନାଟ୍।

୧ କରନ୍ତିୟ 4:14

ଆନେଙ୍ଗ୍ ମିଙ୍ଗେଙ୍ଗ୍ ଲାଜ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଲେକିକିଉଙ୍ଗା। ମାତର୍ ଏପେଙ୍ଗ୍ ନା ମାଜିର୍‌ଲେକେ, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଆନେଙ୍ଗ୍ ଲେକିକିନାଙ୍ଗା।

୧ କରନ୍ତିୟ 6:5

ଆନେଙ୍ଗ୍ ମିଙ୍ଗେଙ୍ଗ୍ ଲାଜ୍ କିଦ୍‌ନି କାଜିଙ୍ଗ୍ ୱେଚ୍‌ଚାନାଙ୍ଗ୍, ପାକା ମି ବିତ୍ରେ ବୁଦି ମାନି ମାନାୟ୍ ମାନ୍‌ଗାନାନ୍ ହେୱାନ୍ ଇ ରିୟାର୍ ପାର୍ତିକିନି ଟଣ୍ଡାର୍ ବିତ୍ରେ ଇଲେକେ ବିଷୟତିଙ୍ଗ୍ ସମାଦାନ୍ କିଦେଙ୍ଗ୍ ଆଡ୍‌ନାନ୍।

୧ କରନ୍ତିୟ 8:7

ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍‌ୱାତାର୍‌ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍‌ଗୁତ୍ ଇନେସ୍‌କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍‌ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।