୧ କରନ୍ତିୟ 15:25 - New Testament in Pengo Parja Language

²⁵ ଇନେସ୍‌କି ଈଶ୍ୱର ଖ୍ରୀଷ୍ଟନି ଶତ୍ରୁରିଙ୍ଗ୍ ଆରାୟ୍ କିଜି ତା କାଲ୍‌ପାନା ତାରେନ୍ ତାୱି ପାତେକ୍ ହେୱାନ୍ ରାଜାଆଜି ପୁର୍ତିତାକେ ସାସନ୍ କିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

²⁵ ଇନାକିଦେଂକି ହେୱାନ୍‌ ୱିଜ଼ୁ ସାତ୍ରୁରିଂ ନିଜ୍‌ ପାନା ତାରେନ୍‌ ଇଟ୍‌ୱି ପାତେକ୍‌ ତାଙ୍ଗେଙ୍ଗ୍‌ ଆତିସ୍‌ପା ରାଜ୍‌ କିଦେଙ୍ଗ୍‌ ଆନାତ୍‌ ।

୧ କରନ୍ତିୟ 15:25 ပူးပေါင်းရင်းမြစ်များ

ମାତିଉ 22:44

ଈଶ୍ୱର ନା ମାପୃଙ୍ଗ୍ ୱେଚ୍‌ଚାନ୍, ଆନେଙ୍ଗ୍ ମି ଶାତ୍ରୁରିଙ୍ଗ୍ ନି କାଲ୍‌କୁ ତାରେନ୍‌ ତାନି ପାତେକ୍ ଏନେଙ୍ଗ୍ ନା ତିନାବାଗାୟ୍ କୁଚା।”

ମାର୍କ 12:36

ଦାଉଦ ପା ଏଚେପାଦ୍ନା ପବିତ୍ର ଆତ୍ମାତାଙ୍ଗ୍ ୱେଚ୍‌ଚାନ୍, ‘ଈଶ୍ୱର ନା ମାପୃତିଙ୍ଗ୍ ୱେଚ୍‌ଚାନ୍, ନା ଲାଗାୟ୍ ଆଦିକାର୍‌ତାଙ୍ଗ୍ ଆରେ ସନ୍‌ମାନ୍‌ତାଙ୍ଗ୍ ତିନାବାଗାୟ୍ କୁଚା ଇଞ୍ଜି, ହେପାଦ୍ନା ପାତେକ୍ ମି ୱିଜୁ ଶାତ୍ରୁରିଙ୍ଗ୍ ମି କାଲ୍‌କୁ ତାରେନ୍ ଇଟ୍‌ନାନ୍।’

ପକ୍ୟାତାକା 2:34

ଦାଉଦ ରାଜା ସରଗ୍‌ତାକେ ହାଲ୍‌ୱାଦାଙ୍ଗ୍ ମାଚାନ୍। ମାତର୍ ହେୱାନ୍ ନିଜେ ୱେଚ୍‌ଚାତାନ୍‌ନା, ‘ମାପୃ ନା ମାପୃଙ୍ଗ୍ ୱେଚ୍‌ଚାନ୍,

ଏପିସିୟ 1:22

ଈଶ୍ୱର ୱିଜୁ ବିଷୟ ଖ୍ରୀଷ୍ଟ କାଲ୍‌ପାନା ତାରେନ୍ ଇଡ଼୍‌ତାନ୍‌ନା, ଆରେ ଖ୍ରୀଷ୍ଟଙ୍ଗ୍ ମଣ୍ଡ୍‌ଲିନି ହାର୍ କାଜିଙ୍ଗ୍ ୱିଜୁ ବିଷୟରେ ନେତା କିଜି ବାଚି କିତାନ୍‌ନା।

ଏବ୍ରି 1:13

ଆରେ ଈଶ୍ୱର ଦୁତ୍‌କୁ ବିତ୍ରେତାଙ୍ଗ୍ ଇନେରିଙ୍ଗ୍ ଇନାୱେଡ଼ାଙ୍ଗ୍ ପା ଇଦାଙ୍ଗ୍ ୱେଚ୍‌ୱାତାନ୍‌ନା ଯେ, “ଆପେଙ୍ଗ୍ ଏଚେପାଦ୍ନା ପାତେକ୍ ମି ଶତ୍ରୁକାଙ୍ଗ୍, ମି କାଲ୍‌ପାନା ତାରେନ୍ ତାସି ୱାୱାତାପ୍‌ନା। ହେପାଦ୍ନା ପାତେକ୍ ମା ତିନାବାଗାୟ୍ କୁଚ୍‌ଚି ମାନାଟ୍।”

ଏବ୍ରି 2:8

ଏପେଙ୍ଗ୍ ହେୱାନିଙ୍ଗ୍ ୱିଜୁ ବିଷୟରେ ଅଦିକାର୍ ହିତାଦେର୍‌ନା।” ଇଦାଙ୍ଗ୍‌ନି ଅର୍‌ତ ଯେ ଈଶ୍ୱର ମାନାୟ୍‌ନି କଣ୍ଟ୍ରୁଲ୍‌ତାକେ ୱିଜୁ ବିଷୟ ହିତାନ୍‌ନା। ଇଲେକେ ଇମ୍‌ଣି ବିଷୟ ହିଲେତ୍, ଇନାକାକି ତା କଣ୍ଟ୍ରୁଲ୍‌ତାକେ ଆକାୟ୍। ମାତର୍ ଆସେଙ୍ଗ୍ ହୁଡ଼୍‌ନାସା ଯେ ୱିଜୁ ବିଷୟ ନଙ୍ଗୟ୍ ପାତେକ୍ ମାନାୟାର୍ କଣ୍ଟ୍ରୁଲ୍‌ତାକେ ହିଲେତ୍।