୧ କରନ୍ତିୟ 15:19 - New Testament in Pengo Parja Language

¹⁹ ଯଦି ଆସେଙ୍ଗ୍ ଖ୍ରୀଷ୍ଟଙ୍ଗ୍ ଇ ପୁର୍ତିତାକେ ଜିଦେଙ୍ଗ୍ ନେ ଆହା କିନାସା, ଲାଗିଙ୍ଗ୍ ମାନାୟାର୍ ପୁର୍ତିତାକେ ଇନେରିଙ୍ଗ୍ କାନିକରମ୍‌ ଆୱିଲେକେ ମା କାଜିଙ୍ଗ୍ କାନିକରମ୍‌ ଆନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ଜଦି କେବଲ୍‌ ଇ ଜିବୁନ୍‌ କାଜିଂ ଆସେଙ୍ଗ୍‌ କ୍ରିସ୍ଟତାକେ ବାର୍ସି କିତାପ୍‌ନା, ଲାଗିଂ ୱିଜ଼ାକାର୍‌ ମାନାୟାର୍‌ତାଂ ଆସେଙ୍ଗ୍‌ ଦୟା ନିକାପ୍‌ ।

୧ କରନ୍ତିୟ 15:19 ပူးပေါင်းရင်းမြစ်များ

ମାତିଉ 24:9

ହେ ପାଦ୍ନା ମାନାୟ୍ ମିଙ୍ଗେଙ୍ଗ୍ ଦୁଃକ୍ ପାୟାଆନି କାଜିଙ୍ଗ୍ ହେଲାଇ କିଦ୍‌ନାର୍ ଆରେ ମିଙ୍ଗେଙ୍ଗ୍ ମାର୍ନେ ଅସ୍ତାନାର୍, ଆରେ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍ ଏପେଙ୍ଗ୍ ୱିଜୁଜାତିର୍ କାଜିଙ୍ଗ୍ ଗିଣ୍ ଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:34

ଯୀଶୁ ଆରେରଗ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍। ଏପେଙ୍ଗ୍ କାଲିଙ୍ଗ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଆରେ ଜିଦେଙ୍ଗ୍ ଏପେଙ୍ଗ୍ ବାରବିନି ଚିନ୍ତା କିମାଟ୍। ମାତର୍ ଏପେଙ୍ଗ୍ ଜାଗ୍ରତ୍ ହିଲ୍‌ୱି ୱେଡ଼ାଲିଙ୍ଗ୍ ହେଦାପ୍ରେ ହେ ଦିନ୍ ୱାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:14

ଆରେ କେତେକ୍ ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ, ହେୱାର୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ୱାତିସ୍ ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କାତାତିଙ୍ଗ୍ ମାନିକିଉର୍।

ଜହନ୍‌ 16:2

ମିଙ୍ଗେଙ୍ଗ୍ ମାନାୟାର୍ ହେୱାର୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍। ଆଁ, ହେଲେକେ ସମୟ୍ ୱାନାତା, ଏଚେପାଦ୍ନା ମାନାୟାର୍ ବାବିକିନାର୍ ଯେ, ମିଙ୍ଗେଙ୍ଗ୍ ଆହ୍‌ନି କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ହେବାକିନାରା।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 2:4

ରକାନ୍ ସେନାଦଳ୍‌ନି କାମାୟ୍ କିନିହିଙ୍ଗ୍ ହେୱାନ୍ ଜେକ ଆରେ ର କାମାୟ୍ କିଉନ୍। ଇନେସ୍‌କି ହେୱାନ୍ ତା ଗାଜା ଅପିସର୍‌ତିଙ୍ଗ୍ ୱାରି କିୟିକିଦେଙ୍ଗ୍ ଇଚାକିନାନ୍।

୨ ତିମଥି 3:12

ସତ୍‌ରେ ଇମ୍‌ଣାକାନ୍ ଯୀଶୁ ଖ୍ରୀଷ୍ଟତାକେ ପାର୍ତିକିନାର୍ ଆରେ ଇନାକା ଈଶ୍ୱରତିଙ୍ଗ୍ ୱାରି କିୟିକିନାର୍ କି ହାର୍ ଲାଗ୍‌ଦାନାତ୍ ହେଦାଙ୍ଗ୍ କିଦେଙ୍ଗ୍ ଇଚାକିନାର୍, ହେୱାର୍ ଦୁକ୍‌କଷ୍ଟ ପାୟାଆନାର୍‌।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

ହତ୍‌ତି 14:13

ତାପାଚେ ସରଗ୍‌ତାକେ ଆରେ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ଇ ୱିଜୁ ବିଷୟତିଙ୍ଗ୍ ଲେକିକିୟାଟ୍। ‌ନଙ୍ଗୟ୍‌ତାଙ୍ଗ୍ ଇମ୍‌ଣି ମାନାୟାର୍ ମାପୃଙ୍ଗ୍ ପାର୍ତି କିଜି ହାଃନାର୍ ହେ ମାନାୟ୍ ଦନ୍ୟ, ଲାଗିଙ୍ଗ୍ ଆଁ, ଟିକ୍ କାତା ଇଞ୍ଜି ପବିତ୍ର ଆତ୍ମା ୱେଚ୍‌ଚାତ୍। ହେୱାର୍ ଦନ୍ୟ ଆନାର୍, ଇନେସ୍‌କି ହେୱାର୍ ତା କଷ୍ଟତାଙ୍ଗ୍ ଶାନ୍ତି ପାୟାଆନାର୍‌। ଆରେ ହେୱାର୍ ହାର୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ପୁରଷ୍କାର୍ ହିନାନ୍।”