୧ କରନ୍ତିୟ 15:12 - New Testament in Pengo Parja Language

¹² ମାତର୍ ନଙ୍ଗୟ୍ ଏପେଙ୍ଗ୍ ନାଙ୍ଗେଙ୍ଗ୍ ୱେଚ୍‌ଚାଟ୍ ଯଦି ମିଙ୍ଗେଙ୍ଗ୍ ଆପେଙ୍ଗ୍ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ନିଙ୍ଗ୍‌ତାନ୍ ଇଞ୍ଜି ଶୁଣାୟ୍ କିତାପ୍‌ନା। ଲାଗିଙ୍ଗ୍ ଇନାକିଦେଙ୍ଗ୍ ମି ବିତ୍ରେତାଙ୍ଗ୍ କେତ୍‌ଜାଣ୍ ଇନାରା ହାଃତି ମାନାୟାର୍ ଆରେରଗ ଜିବୁନ୍ ଆଉର୍।

ସତ୍‌ ବଚନ୍‌ ପୁନି ନିୟମ୍‌

¹² ଲାଗିଂ କ୍ରିସ୍ଟ ଜେ ହାତାକାର୍‌ ବିତ୍ରେତାଂ ଆରେ ନିଂନାକା, ଇଦାଂ ଜଦି ସୁଣାୟ୍‌ କିୟାନାତା, ଲାଗିଂ ହାତାକାର୍‌ତି ନିଙ୍ଗ୍‌ନାକା ଆକାୟ୍‌ ଇଞ୍ଜି ମି ବିତ୍ରେ ଇନେର୍‌ ଇନେର୍‌ ଇନେସ୍‌ ଇନାର୍‌ ?

୧ କରନ୍ତିୟ 15:12 ပူးပေါင်းရင်းမြစ်များ

ପକ୍ୟାତାକା 17:32

ଆରୟପାଗ ବାହାତାକେ କୁଚ୍‌ଚି ମାଚି ମାନାୟାର୍ ହାଃତାକାର୍ ଆରେରଗ ଜିବୁନ୍‌ଆନି କାତା ୱେନ୍‌ଞ୍ଜି, ହେୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ଗାଇଜି ଇନସ୍ତା କିତାର୍। ମାତର୍ କେତ୍‌ଜାଣ୍ ୱେଚ୍‌ଚାର୍, “ଇ କାତା ନିବେତାଙ୍ଗ୍ ଆରେ ଆଦିକ୍ ୱେଞ୍ଜେଙ୍ଗ୍ ଆପେଙ୍ଗ୍ ଇଚା କିନାପା।”

ପକ୍ୟାତାକା 23:8

ଇନେସ୍‌କି ସାଦୁକିଦଳ୍‌ନି ମାନାୟାର୍ ହାଃତାକାର୍ ଆରେରଗ ଜିବୁନ୍ ଆନାକା, ଦୁତ୍ କି ବୁତ୍ଆତ୍ମା ହିଲେତ୍ ଇଞ୍ଜି ୱେଚ୍‌ନାର୍। ମାତର୍ ପାରୁସିଦଳ୍‍ନି ମାନାୟାର୍ ହେ ୱିଜୁ ବିଷୟରେ ପାର୍ତିକିନାର୍।

ପକ୍ୟାତାକା 26:8

ଈଶ୍ୱର ହାଃତାକାରିଙ୍ଗ୍ ଜିବୁନ୍ କିଜି ନିକ୍‌ନାନ୍ ଇଞ୍ଜି ପାର୍ତି କିନାଦେରା, ମାତର୍ ଯୀଶୁ ହାଃତିତାଙ୍ଗ୍ ଆରେରଗ ଜିବୁନ୍ ଆନାନ୍ ଇଞ୍ଜି ଇନା କିଦେଙ୍ଗ୍ ଏପେଙ୍ଗ୍ ମାନି କିଉଦେରା?

୧ କରନ୍ତିୟ 15:11

ଲାଗିଙ୍ଗ୍ ଆନେଙ୍ଗ୍ ଆୟେଙ୍ଗ୍ କି, ଜେକନି ଚେଲାର୍ ଆୟେର୍ ଆପେଙ୍ଗ୍ ର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନାପା, ଇମ୍‌ଣାକା କି ଏପେଙ୍ଗ୍ ଆଗେ ପାର୍ତି କିତାଦେର୍‌ନା।

୨ ଥେସଲନୀକିୟ 2:17

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା ଈଶ୍ୱର ନିଜେ ମିଙ୍ଗେଙ୍ଗ୍ ସାସ୍ ହିଦେନ୍, ଆରେ ମିଙ୍ଗେଙ୍ଗ୍ ହାର୍ କାମାୟ୍ କିଦେଙ୍ଗ୍ ଆରେ ୱେଚ୍‌ଚେଙ୍ଗ୍ ଶାକ୍ତି ହିଦେନ୍।

୨ ତିମଥି 2:18

ହେୱାର୍ ସତ୍ କାତାତିଙ୍ଗ୍ ପିସ୍ତି ଜେକନି ହାଜ୍‌ଦିଙ୍ଗ୍ ହାନାରା। ହେୱାର୍ ଆରେରଗ ଜିବୁନ୍‌ଆଜି ନିଙ୍ଗ୍‌ତାରେ ଇଞ୍ଜି ୱେଚ୍‌ଚି, କେତେକ୍ ପାର୍ତି କିନାକାର୍ ପାର୍ତିତିଙ୍ଗ୍ ବାଙ୍ଗାଇ କିନାରା।