୧ କରନ୍ତିୟ 14:35 - New Testament in Pengo Parja Language

³⁵ ଯଦି ହେ କଗ୍‍ଲେକାଙ୍ଗ୍ ଇନା ପ୍ରଶ୍ନ ମାନ୍‌ଗାନାତ୍, ଲାଗିଙ୍ଗ୍ ଇଞ୍ଜ ହାଚି ପାଚେ ଜାର୍-ଜାର୍ ଡକ୍ରାହିରିଙ୍ଗ୍ ୱେନ୍‌ବିନି ଦର୍‌କାର୍, ଇନେସ୍‌କି କଗ୍‍ଲେକ୍ ମଣ୍ଡ୍‌ଲିତାକେ ବେଣ୍ କିନାକା ଟିକ୍ ବିଷୟ୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

³⁵ ହେୱେକ୍‌ ଜଦି ଇମ୍‌ଣି ବିସ୍ରେ ବୁଜାଆଦେଂ ମାନ୍‌କିନିକ୍‌, ତେବେ ଇଞ୍ଜ ଜାର୍‌ ଜାର୍‌ ଆଣ୍ଡ୍ରାକାଂ ୱେନ୍‌ବେକ୍‌, ଇନାକିଦେଂକି ମଣ୍ଡ୍‌ଲି ବିତ୍ରେ ବେଣ୍‌ ଇନାକା କଗ୍‌ଲେକ୍‌ ପାକ୍ୟାତ ଲାଜୁ ।

୧ କରନ୍ତିୟ 14:35 ပူးပေါင်းရင်းမြစ်များ

୧ କରନ୍ତିୟ 11:14

ଇ ପୁର୍ତିତାଙ୍ଗ୍ ହିକା ଆନାପା ଯେ, ଯଦି ଇମ୍‌ଣି ଆଣ୍ଡ୍ରେନ୍ କଗ୍‌ଲେ ଲେକେ ତେମୁଲ୍ ପିହ୍‌ନାନ୍, ହେଦାଙ୍ଗ୍ ତା କାଜିଙ୍ଗ୍ ଲାଜ୍‌ନି କାତା।

୧ କରନ୍ତିୟ 11:6

ଯଦି ହେ କଗ୍‌ଲେ କାପ୍ଡ଼ାତାକେ ଅଡ୍‌ଣା ହିଦେଙ୍ଗ୍ ମୁନା କିନାତ୍, ଲାଗିଙ୍ଗ୍ ତା କାପ୍‌ଡ଼ା କୁରାଇ କିଆୟେତ୍। ହେଦାଙ୍ଗ୍ ତା କାଜିଙ୍ଗ୍ ଲାଜ୍‌ନି ବିଷୟ, ହେଦାଙ୍ଗ୍ କାଜିଙ୍ଗ୍ ତା କାପ୍ଡ଼ାତାକେ ଅଡ୍‌ଣା କିନି ଦର୍‌କାର୍।

୧ କରନ୍ତିୟ 14:34

ମୋଶା ଲେକିକିତି ନିୟମ୍‌ନି ସାସ୍ତର୍ ଇଲେକେ ୱେଚ୍‌ନାତା, କଗ୍‍ଲେକ୍ କାତା ଆଜ୍ଞା ମାନିକିଜି ମାନି ଦର୍‌କାର୍। ହେୱେକ୍ ମଣ୍ଡ୍‌ଲିତାକେ ଚିମ୍ରା ଆଜି ମାନି ଦର୍‌କାର୍ ଆରେ ହେୱେକ୍ ମଣ୍ଡ୍‌ଲିତାକେ ବେଣ୍ କିନାକା ଟିକ୍ ଆକାୟ୍।

୧ କରନ୍ତିୟ 14:36

ଏପେଙ୍ଗ୍ ଇଲେକେ ବାବିକିମାଟ୍ ଯେ ଈଶ୍ୱର କାତା ମି ମଣ୍ଡ୍‌ଲିତାଙ୍ଗ୍ ଆରମ୍ ଆତାତ୍‌ନା। ଆରେ ଏପେଙ୍ଗ୍ ନେ ପାୟା ଆତାଦେର୍‌ନା।

ଏପିସିୟ 5:12

ଇନେସ୍‌କି ମାଜ୍‌ଗାତାକେ ମାନି ମାନାୟାର୍ ଇନାକା ୱିଜୁ ଡ଼ୁକ୍‌ଚି କିନାର୍, ହେ ୱିଜୁବେଣ୍ ୱେଚ୍‌ନାକା ପା ଲାଜୁନି ବିଷୟ।

୧ ପିତର 3:7

ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।