୧ କରନ୍ତିୟ 14:20 - New Testament in Pengo Parja Language

²⁰ ଏ ଟଣ୍ଡାର୍‌କାଦେର୍, ଇ ୱିଜୁ ବିଷୟ ବୁଜା ଆଦେଙ୍ଗ୍ ଏପେଙ୍ଗ୍ ହିମ୍‌ଣାଙ୍ଗ୍ ଲେକେ ଆମାଟ୍। ପାପ୍ ବିଷୟରେ ପୁନ୍‌ୱି ହିମ୍‌ଣା ଲେକେ ଆଡ, ମାତର୍ ଇଲେଗ୍‌ଦି ବିଷୟତିଙ୍ଗ୍ ବୁଜା ଆଦେଙ୍ଗ୍ ଗାଜାକାର୍‌ଲେକେ ଆଡ।

ସତ୍‌ ବଚନ୍‌ ପୁନି ନିୟମ୍‌

²⁰ ଏ ଟଣ୍ଡାର୍‌, ବୁଦିତ ହିମ୍‌ଣା ଲାକେ ଆମାଟ୍‌, ଇଚିସ୍‌ ବାନ୍ୟା ବିସ୍ରେ ହିରୁହିମ୍‌ଣା ଲାକେ ଆଡୁ, ମତର୍‌ ବୁଦିତ ଏପେଙ୍ଗ୍‌ ଗାଜାକାର୍‌ ଆଡୁ ।

୧ କରନ୍ତିୟ 14:20 ပူးပေါင်းရင်းမြစ်များ

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ମାତିଉ 18:3

ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ହିରୁ ହିମ୍‌ଣା ଲେକେ ଆୱିତିସ୍ ଈଶ୍ୱର ସାସନ୍ କିନି ରାଜିତାକେ କେତେକ୍ ଉପାୟ୍ କିତିସ୍ ପା ହାଞ୍ଜେଙ୍ଗ୍ ଆଡୁଦେର୍।

ମାତିଉ 19:14

ମାତର୍ ଯୀଶୁ ୱେଚ୍‌ଚାନ୍, “ହିରୁ-ହିରୁ ଗାଡ଼୍‌ଚେ ହିମ୍‌ଣାକାଙ୍ଗ୍ ନା ଲାଗେ ତାହିୱାଦେଙ୍ଗ୍ ପିସ୍ତି ହିୟାଟ୍, ହେୱାରିଙ୍ଗ୍ ନା ଲାଗେ ୱାଦେଙ୍ଗ୍ ମୁନା କିମାଟ୍। ଇନେସ୍‌କି ଈଶ୍ୱର ସାସନ୍ କିନି ରାଜି ଇ ଗାଡ଼୍‌ଚେ ହିମ୍‌ଣାଙ୍ଗ୍ ତି ଲେକେ।”

ମାତିଉ 19:4

ହେୱାନ୍ ୱେଚ୍‌ଚାନ୍, “ଏପେଙ୍ଗ୍ ଇନାକା ସାସ୍ତର୍‌ତାକେ ପଡ଼ି କିୱାତାଦେର୍‍ନା ଈଶ୍ୱର ହେୱାରିଙ୍ଗ୍ ଆଗେ ଆଣ୍ଡ୍ରେନ୍ ଆରେ କଗ୍‌ଲେ କିଜି ରସ୍ତାନ୍।

ମାର୍କ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:17

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇନେର୍ ପା ହିରୁ ହିମ୍‌ଣା ଲେକେ ଈଶ୍ୱର ଆଦିକାର୍‌ତିଙ୍ଗ୍ ମାନିକିଉନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ରୋମିୟ 1:13

ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ନାଙ୍ଗା ଯେ, ଆନେଙ୍ଗ୍ ମିତାକେ ୱାଦେଙ୍ଗ୍ ବେସି ଦିନ୍‌ତାଙ୍ଗ୍ ଉପାୟ୍ କିଜି ମାଚାଙ୍ଗ୍, ମାତର୍ ନଙ୍ଗୟ୍ ପାତେକ୍ ମିତାକେ ୱାଦେଙ୍ଗ୍ ଆଡ୍‌ୱାତାଙ୍ଗ୍‌ନା। ଇନେସ୍‌କି ବିନ୍‌ଜାତିନି ମାନାୟ୍‌ତିଙ୍ଗ୍ ଯୀଶୁଙ୍ଗ୍ ପାର୍ତି କିଦେଙ୍ଗ୍ ସାଇଜ କିତିଲେକେ ମିଙ୍ଗେଙ୍ଗ୍ ପା ଆଦିକ୍ ପାର୍ତି କିଦେଙ୍ଗ୍ ସାଇଜ କିଦ୍‌ଦେଙ୍ଗ୍ ଆଡ଼୍‌ତାଙ୍ଗ୍‌ମା।

ରୋମିୟ 16:19

ମାତର୍ ୱିଜାର୍ ମାନାୟାର୍ ପୁଚାର୍‌ନା ଏପେଙ୍ଗ୍ ମାପୃକାତାତିଙ୍ଗ୍ ମାନି କିନାଦେରା। ଇଦାଙ୍ଗ୍ ନାଙ୍ଗେଙ୍ଗ୍ ବେସି ୱାରି କିଦ୍‌ନାତା। ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ହାର୍ ବିଷୟରେ ବୁଦି ଆଡ ଆରେ କରାପ୍ କାମାୟ୍ କିନିତାଙ୍ଗ୍ ଦେହା ମାନାଟ୍।

୧ କରନ୍ତିୟ 13:11

ହେଦାଙ୍ଗ୍ କାଜିଙ୍ଗ୍ ଇଲେକେ ଯେ, ଆନେଙ୍ଗ୍ ଏଚେପାଦ୍ନା ହିରୁକାଙ୍ଗ୍ ମାଚାଙ୍ଗ୍, ହିରୁ ହିମ୍‌ଣାଙ୍ଗ୍ ଲେକେ କାତା ୱେଚ୍‌ଚି ମାଚାଙ୍ଗ୍, ମାନ୍ତି କାତା, ଆରେ ହିରୁ ହିମ୍‌ଣା ଲେକେ ବାବିକିଜି ମାଚାଙ୍ଗ୍। ମାତର୍ ଆନେଙ୍ଗ୍ ଏଚେପାଦ୍ନା ଗାଜାକାଙ୍ଗ୍‌ ଆତାଙ୍ଗ୍, ହିରୁ ହିମ୍‌ଣା ଲେକେ ବ୍ଯବହାର୍ କିୱାଦାଙ୍ଗ୍ ଗାଜାକାନ୍‌ଲେକେ ବ୍ଯବହାର୍ କିତାଙ୍ଗ୍।

୧ କରନ୍ତିୟ 14:19

ମାତର୍ ଯଦି ଆନେଙ୍ଗ୍ ମଣ୍ଡ୍‌ଲିତାକେ ପାର୍ତି କିନାକାରିଙ୍ଗ୍ ହିକାୟ୍ କିନି କାଜିଙ୍ଗ୍ ଦସ୍ ହାଜାର୍ ବୁଜାଆୱି ବାଷାତାଙ୍ଗ୍ ବୁଜାଆନି ପାଞ୍ଚ୍‌ଗଟା କାତା ୱେଚ୍‌ନାକା ହାର୍, ଇମ୍‌ଣାକା ହେୱାରିଙ୍ଗ୍ ୱିଜୁ ପର୍‌କାର୍ ସାଇଜ କିନାତ୍।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

ଏପିସିୟ 4:13

ଆସେଙ୍ଗ୍ ଈଶ୍ୱର ମେହି ବିଷୟରେ ପୁନ୍‌ଞ୍ଜି ପାର୍ତିତାକେ ରବେ ଆନି ପାତେକ୍, ଆରେ ଆସେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆଜି ପାର୍ତିତାକେ ଗାଜା ମାନାୟ୍ ଲେକେ ଟିକ୍‌ଆଜି ମାନି ପାତେକ୍।

ପିଲିପିୟ 1:9

ଆନେଙ୍ଗ୍ ମି କାଜିଙ୍ଗ୍ ଇ ପାର୍ତାନା କିନାଙ୍ଗା, ଜ୍ଞାନ୍ ଆରେ ବୁଦିତାଙ୍ଗ୍ ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ ବେସି ଲାଡ୍ କିବା ଆଡ।

ପିଲିପିୟ 3:15

ଲାଗିଙ୍ଗ୍ ଆସେଙ୍ଗ୍ ଏଚେଜାଣ୍ ବେସି ପାର୍ତି କିନାସା ଇ ଲେକେ ବାବିକିନି ଦର୍‌କାର୍। ଯଦି ମି ବିତ୍ରେତାଙ୍ଗ୍ ଇମ୍‌ଣାକାନ୍ ଜେକନିକା ବାବିକିନାନ୍, ହେୱାନିଙ୍ଗ୍ ଈଶ୍ୱର ସତ୍ ବିଷୟ ପୁଞ୍ଜେଙ୍ଗ୍ ସାଇଜ କିନାନ୍।

୧ ପିତର 2:2

ଏପେଙ୍ଗ୍ ପୁନ୍-ପୁନ୍ ଜନମ୍ ଆତି କଗେହିମ୍‌ଣା ଲେକେ ଆଡ, ହେୱାନ୍ ଆପ୍‌କା ତେହି ମାଁୟ୍ ନେ ଉଣ୍ଡେଙ୍ଗ୍ ଇଚାକିନାନ୍। ହେଲେକେ ଏପେଙ୍ଗ୍ ପା ଈଶ୍ୱର କାତାତିଙ୍ଗ୍ ହିକାଆଦେଙ୍ଗ୍ ଇଚାକିନି ଦର୍‌କାର୍, ଆରେ ଏପେଙ୍ଗ୍ ଗାଜା କାଦେର୍ ଆନାଦେର୍। ଲାଗିଙ୍ଗ୍ ସେସ୍ ୱେଡ଼ାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରାପୁରି ବାବ୍‌ରେ ଇ ପୁର୍ତିନି କରାପ୍ ଜିନିଷ୍‌ତାଙ୍ଗ୍ ଉଦାର୍ କିଦ୍‌ନାନ୍।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।