୧ କରନ୍ତିୟ 14:16 - New Testament in Pengo Parja Language

¹⁶ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ମି ଆତ୍ମା ହୁଦାଙ୍ଗ୍ ନେ ଜୟ୍-ଜୟ୍ କିନାଦେର୍, ଆରେ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ହିନି ଦନ୍ଯବାଦ୍ ପାର୍ତାନାତିଙ୍ଗ୍ ମାନାୟାର୍ ବୁଜା ଆଉର୍, ଲାଗିଙ୍ଗ୍ ହେୱାର୍ ମିହୁଦାଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ ଆରେ ଦନ୍ଯବାଦ୍ କିଦେଙ୍ଗ୍ ଆଡୁର୍। ଇନେସ୍‌କି ହେୱାର୍ ଏପେଙ୍ଗ୍ ୱେଚ୍‌ଚି ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ସତ୍‌ ବଚନ୍‌ ପୁନି ନିୟମ୍‌

¹⁶ ହେଦାଂ ଆୱିତିସ୍‌ ଏପେଙ୍ଗ୍‌ ଜଦି ମି ଜିବୁନ୍‌ ହୁକେ ଜୁୱାର୍‌ ହିୟାଟ୍‌, ଲାଗିଂ ସାଦାସିଦା ମାନାୟ୍‌ ମି କାତା ବୁଜା ଆୱିତିସ୍‌ ଇନେସ୍‌ ମି ଦନ୍ୟବାଦ୍‌ତ ଆମେନ୍‌ ଇନାଦେର୍‌ ?

୧ କରନ୍ତିୟ 14:16 ပူးပေါင်းရင်းမြစ်များ

ମାତିଉ 15:36

ତାପାଚେ ହେ ସାତ୍‌ଗଟା ରୁଟି ଆରେ ହିରୁ ମିନ୍‌କୁକାଙ୍ଗ୍ ଆସ୍ତି ଯୀଶୁ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି, ହେ ରୁଟିଙ୍ଗ୍ ଆରେ ହିରୁ ମିନ୍‌କୁକାଙ୍ଗ୍ ଡ୍ରିପ୍‍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ଚେଲାହିରିଙ୍ଗ୍ ହିତାନ୍। ଚେଲାହିର୍ ହେ ରୁଟିଙ୍ଗ୍ ବୁଲାଇ କିଜି ହିତାର୍।

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ମାର୍କ 16:20

ତାପାଚେ ଚେଲାହିର୍ ୱିଜୁ ବାହାତାକେ ହାଲ୍‌ଜି ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିତାର୍, ମାପୃ ହେୱାରିଙ୍ଗ୍ ସାଇଜ କିତାନ୍, ଆରେ ଚାନିଆଆନି କାମାୟ୍ କିଜି ହେୱାନ୍ କାତା ସତ୍ ଇଞ୍ଜି ପାର୍ମାଣ୍ କିତାନ୍।

ଜହନ୍‌ 21:25

ଯୀଶୁ ଆରେ କେତେକ୍ କାମାୟ୍ କିଜି ମାଚାନ୍। ଆନେଙ୍ଗ୍ ମାନ୍ତ ବାବିକିନାଙ୍ଗା ଯେ, ଯୀଶୁନି ୱିଜୁ ବିଷୟ ଯଦି ସାସ୍ତର୍‌ତାକେ ଲେକାଆଜି ମାଚିସ୍, ଲାଗିଙ୍ଗ୍ ହେ ବହିଙ୍ଗ୍ ଇଡ଼୍‌ଦେଙ୍ଗ୍ ପୁର୍ତିତାକେ ପା ବାହା ହିଲ୍‌ୱାତାତ୍‌ମା।

ଜହନ୍‌ 7:15

ଯିହୁଦିର୍ ଚାନିଆ ଆଜି ହେୱାର୍ ୱେଚ୍‌ଚାର୍, “ଇୱାନ୍ ଦରମ୍ ସାସ୍ତର୍ ପଡ଼ିକିୱାଦାଙ୍ଗ୍, ଏଚେକ୍ ବିଷୟ ୱିଜୁ ଇନେସ୍‌କିଜି ହିକ୍ଷା ହିନାନା?”

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

୧ କରନ୍ତିୟ 14:14

ଇନେସ୍‌କି ଆନେଙ୍ଗ୍ ଯଦି ବୁଜାଆୱି ବାଷାତାଙ୍ଗ୍ ପାର୍ତାନା କିନାଙ୍ଗ୍, ଲାଗିଙ୍ଗ୍ ନା ଆତ୍ମା ପା ପାର୍ତାନା କିନାତ୍, ମାତର୍ ନା କାଜିଙ୍ଗ୍ ବେକାର୍ ଆନାତ୍ ଇନେସ୍‌କି ଆନେଙ୍ଗ୍ ବୁଜା ଆଦେଙ୍ଗ୍ ଆଡୁଙ୍ଗା।

୧ କରନ୍ତିୟ 14:2

ଇନେସ୍‌କି ଇନେର୍ ବୁଜାଆୱି ବାଷାତାଙ୍ଗ୍ ବେଣ୍ କିନାନ୍, ହେୱାନ୍ ମାନାୟାର୍ ହୁଦାଙ୍ଗ୍ ଆକାୟ୍, ମାତର୍ ଈଶ୍ୱର ହୁଦାଙ୍ଗ୍ ବେଣ୍ କିନାନା। ଇନେସ୍‌କି ମି ବେଣ୍ ଇନେର୍ ପା ବୁଜା ଆଉରା। ଏପେଙ୍ଗ୍ ଆତ୍ମାନି ଶାକ୍ତିତାଙ୍ଗ୍ ଡ଼ୁକ୍‌ତି ସତ୍ ବିଷୟରେ ବେଣ୍‌କିନାରା।

୧ କରନ୍ତିୟ 16:24

ମା ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତି ୱିଜାକାରିଙ୍ଗ୍ ନା ଗରବ୍ ହୁଦାଙ୍ଗ୍ ଲାଡ୍ କିଦ୍‌ନାଙ୍ଗା।

୨ କରନ୍ତିୟ 1:20

ଇନେସ୍‌କି ଈଶ୍ୱରତି ୱିଜୁ ପାର୍ମାଣ୍ ଖ୍ରୀଷ୍ଟତାକେ ପୁରା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଗୌରବ ହିତିହିଙ୍ଗ୍ “ଆମେନ୍” ଇଞ୍ଜି ଇନାପା।

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”

ହତ୍‌ତି 5:14

ଆରେ ଚାରିଗଟା ଜିବୁନ୍ ମାନି ପଶୁ ୱେଚ୍‌ଚାର, “ଆମେନ୍,” ଆରେ, ଚବିଶ୍ ଜାଣ୍ ପ୍ରାଚିନ୍‌ନାର୍ ମେଣ୍ଡାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍ ଆରେ ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍ ପୁଜା କିତାର୍।

ହତ୍‌ତି 7:12

ହେୱାର୍ ୱେଚ୍‌ଚି ମାଚାର୍, “ଏ ମା ଈଶ୍ୱର ଏନେଙ୍ଗ୍ ୱିଜୁଦିନ୍ ପୁଜା, ଦନ୍ଯବାଦ୍, ସନ୍‌ମାନ୍ ପାୟାଆନି ଯଗ୍ୟ ମାନାତ୍। ଆପେଙ୍ଗ୍ ହାର୍ କିଜି ପୁଚାପ୍‌ନା। ନିଙ୍ଗେଙ୍ଗ୍ ନେ ଜ୍ଞାନ୍ ମାନାତ୍, ଏନେଙ୍ଗ୍‍ନେ ୱିଜୁତାଙ୍ଗ୍ ଶାକ୍ତିମାନି ଲକ୍ ଆରେ ଏନେଙ୍ଗ୍‍ନେ ୱିଜୁଦିନ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାୟ୍! ଆମେନ୍।”