୧ କରନ୍ତିୟ 14:15 - New Testament in Pengo Parja Language

¹⁵ ହେଦାଙ୍ଗ୍ କାଜିଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିଦେଙ୍ଗ୍ ଇଚା କିନାଙ୍ଗା। ମାତର୍ ଆନେଙ୍ଗ୍ ଇଦାଙ୍ଗ୍ ପା ଇଚା କିନାଙ୍ଗା ଯେ ନା ୱିଜୁ କାତା ମାନାୟାର୍ ବୁଜା ଆଏର୍, ଆରେ ଆନେଙ୍ଗ୍ କେର୍‌କଣ୍ କେର୍‌ନିହିଙ୍ଗ୍ ପବିତ୍ର ଆତ୍ମା ହୁଦାଙ୍ଗ୍ କେର୍‌କଣ୍ କେର୍‌ଦେଙ୍ଗ୍ ଇଚା କିନାଙ୍ଗା। ମାତର୍ ଆନେଙ୍ଗ୍ କେର୍‌ତି କେର୍‌କଣ୍ ଅର୍ତତିଙ୍ଗ୍ ପା ମାନାୟାର୍ ବୁଜାଆନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹⁵ ଲାଗିଂ ନା କିନାକା ଇନାକା ? ଆନ୍‌ ଜିବୁନ୍‌ ହୁକେ ପାର୍ତାନା କିନାଙ୍ଗ୍‌; ଆରେ ବୁଦି ଲାହାଙ୍ଗ୍‌ ପା ପାର୍ତାନା କିନାଙ୍ଗ୍‌; ଜିବୁନ୍‌ ହୁକେ କେର୍‌ନାଙ୍ଗ୍‌, ଆରେ ବୁଦି ଲାହାଙ୍ଗ୍‌ ପା କେର୍‌ନାଙ୍ଗ୍‌ ।

୧ କରନ୍ତିୟ 14:15 ပူးပေါင်းရင်းမြစ်များ

ପକ୍ୟାତାକା 21:22

ନଙ୍ଗୟ୍ ଇନାକା କିଦେଙ୍ଗ୍ ଆନାତ୍? ଏନେଙ୍ଗ୍ ୱାତାୟ୍‌ନା ଇଞ୍ଜି ହେୱାର୍ ହାତ୍‌ପା ପୁନାର୍।

ରୋମିୟ 1:9

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଈଶ୍ୱରତିଙ୍ଗ୍ ୱିଜୁଦିନ୍ ନାଣା ୱେଡ଼ା ପାର୍ତାନା କିନାଙ୍ଗା ଯେ, ଯଦି ହେୱାନ୍ ଇଚା କିଦ୍‌ନାନ୍ ଲାଗିଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ରଦିନ୍ ୱାନାଙ୍ଗ୍।

ରୋମିୟ 3:5

ମାତର୍ କେତ୍‌ଜାଣ୍ ଇନାର୍ ମା ପାପ୍ କାମାୟ୍ କାଜିଙ୍ଗ୍ ହାର୍ ବିଷୟ ଗଟାଆନାତା, ଇନେସ୍‌କି ମାନାୟାର୍ ଈଶ୍ୱରତି ହାର୍ ବିଷୟତିଙ୍ଗ୍ ହୁଡ଼୍‌ନାର୍, ଏଚେପାଦ୍ନା ହେ ପାପିରିଙ୍ଗ୍ ଦରମ୍ ମାନାୟ୍ କିନାନ୍। ଲାଗିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ରିସାଆଜି ଦଣ୍ଡ୍ ହିଦ୍‌ନାକା ଟିକ୍ ଆକାୟ୍। ଇଲେକେ କେତେକ୍ ମାନାୟାର୍ ଇନାରା।

ରୋମିୟ 8:31

ଲାଗିଙ୍ଗ୍ ଇ ୱିଜୁ ବିଷୟରେ ଆସେଙ୍ଗ୍ ଇଲେକେ ୱେଚ୍‌ଚେଙ୍ଗ୍ ଆଡ୍‌ନାସ୍ ଯେ, ଈଶ୍ୱର ଯଦି ମା ହୁଦାଙ୍ଗ୍ ମାନାନ୍, ଲାଗିଙ୍ଗ୍ ଇନେର୍ ପା ମା ବିରଦ୍ କିଦେଙ୍ଗ୍ ଆଡ଼୍‌ଦୁର୍।

୧ କରନ୍ତିୟ 10:19

ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍‌ ୱେଚ୍‌ଚେଦେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ହେବାକିନି ମାପୃ ସତ୍ ଆକାୟ୍ ଆରେ ହେୱାର୍ ଇମ୍‌ଣି ମୁର୍ତିତିଙ୍ଗ୍ ବଳି ପୁଜା ହିନାର୍ ହେଦାଙ୍ଗ୍ ଇନା ମୁଲ୍ଯ ଆକାୟ୍।

୧ କରନ୍ତିୟ 14:14

ଇନେସ୍‌କି ଆନେଙ୍ଗ୍ ଯଦି ବୁଜାଆୱି ବାଷାତାଙ୍ଗ୍ ପାର୍ତାନା କିନାଙ୍ଗ୍, ଲାଗିଙ୍ଗ୍ ନା ଆତ୍ମା ପା ପାର୍ତାନା କିନାତ୍, ମାତର୍ ନା କାଜିଙ୍ଗ୍ ବେକାର୍ ଆନାତ୍ ଇନେସ୍‌କି ଆନେଙ୍ଗ୍ ବୁଜା ଆଦେଙ୍ଗ୍ ଆଡୁଙ୍ଗା।

୧ କରନ୍ତିୟ 14:19

ମାତର୍ ଯଦି ଆନେଙ୍ଗ୍ ମଣ୍ଡ୍‌ଲିତାକେ ପାର୍ତି କିନାକାରିଙ୍ଗ୍ ହିକାୟ୍ କିନି କାଜିଙ୍ଗ୍ ଦସ୍ ହାଜାର୍ ବୁଜାଆୱି ବାଷାତାଙ୍ଗ୍ ବୁଜାଆନି ପାଞ୍ଚ୍‌ଗଟା କାତା ୱେଚ୍‌ନାକା ହାର୍, ଇମ୍‌ଣାକା ହେୱାରିଙ୍ଗ୍ ୱିଜୁ ପର୍‌କାର୍ ସାଇଜ କିନାତ୍।

୧ କରନ୍ତିୟ 14:26

ଲାଗିଙ୍ଗ୍ ଏ ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ରୁଣ୍ଡା ଆତିହିଙ୍ଗ୍ ଇଲେକେ କିୟାଟ୍। ରକାନ୍ କେର୍‌କଣ୍ କେରେନ୍, ରକାନ୍ ହିକ୍ଷା ହିୟେନ୍, ରକାନ୍ ଈଶ୍ୱର କାତାତିଙ୍ଗ୍ ୱେଚେନ୍, ରକାନ୍ ବୁଜାଆୱି ବାଷା ଇନାନ୍ ଆରେ ରକାନ୍ ହେ ବାଷାନି ଅର୍ତତିଙ୍ଗ୍ ବୁଜାୟ୍ କିଏନ୍‌। ମାତର୍ ଏପେଙ୍ଗ୍ ଇନାକା ୱିଜୁ କିନାଦେର୍ ହେଦାଙ୍ଗ୍ ମିଙ୍ଗେଙ୍ଗ୍ ଈଶ୍ୱରତିଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିଦ୍‌ନି ଦର୍‌କାର୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 1:18

ଇନାକା ଆତାତ୍ ଯେ? ଆକାର୍ ମାନ୍‌ତାଙ୍ଗ୍ ଆୟେତ୍ କି ହାର୍ଦି ମାନ୍‌ତାଙ୍ଗ୍ ଆୟେତ୍, ଇନେସ୍ କିଜି ପା ଆୟେତ୍ ଖ୍ରୀଷ୍ଟ ବିଷୟରେ ଶୁଣାୟ୍ କିୟିଆନାତା। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ସତ୍‌ତାଙ୍ଗ୍ ୱାରି କିନାଙ୍ଗା, ଆଁ ୱାରି କିଜି ମାନାଙ୍ଗ୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ଜାକ୍‌ବ 5:13

ଯଦି ମି ବିତ୍ରେତାଙ୍ଗ୍ ଇନେର୍ ଦୁକ୍‌ତାକେ ମାନାନ୍, ହେୱାନ୍ ଈଶ୍ୱରତାକେ ପାର୍ତାନା କିୟେନ୍। ଯଦି ଇନେର୍ ୱାରିତାଙ୍ଗ୍ ମାନାର୍, ହେୱାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିୟେନ୍।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।