୧ କରନ୍ତିୟ 13:5 - New Testament in Pengo Parja Language

⁵ ହେୱାର୍ ଲବ୍ରା ଆଉର୍, ରିସା ଆଉର୍ ଆରେ ଆଗେ କିତି କରାପ୍ କାମାୟ୍‌ନି ଇସାବ୍ ଇଟୁର୍। ହେୱାର୍ ବିରଦ୍‌ତାକେ ଇନେର୍ ପା ପାପ୍ କିତିସ୍ ହେୱାର୍ ବେଗି କେମା କିନାର୍।

ସତ୍‌ ବଚନ୍‌ ପୁନି ନିୟମ୍‌

⁵ ଇନେରିଂ ଇନ୍‌ୱି ଚିନ୍ତା କିଉନ୍‌, ନିଜ୍‌ତିଂ ସେସ୍ଟା କିଉନ୍‌, ରିସା ଆଉନ୍‌, ନାହାୟ୍‌କିନି ଏତୁତ ଇଟୁନ୍‌,

୧ କରନ୍ତିୟ 13:5 ပူးပေါင်းရင်းမြစ်များ

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ମାତିଉ 9:4

ଯୀଶୁ ହେୱାର୍ ମାନ୍ତି ବାବ୍‌ନା ପୁନ୍‌ଞ୍ଜି ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ଇଲେକେ ବାବିକିନାଦେରା?

ମାର୍କ 3:5

ହେବେତାଙ୍ଗ୍ ଯୀଶୁ ହେୱାର୍ ଗରବ୍‌ନି ଆଟ୍‌ୱା ବୁଦି ହୁଡ଼୍‌ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍‌ତାଙ୍ଗ୍ ହୁଡ଼୍‌ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍‌ତିଙ୍ଗ୍ ୱେଚ୍‌ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:39

ଇମ୍‌ଣି ପାରୁସି ଯୀଶୁଙ୍ଗ୍ ତାଞ୍ଜ କୁକ୍‌ଚି ମାଚାନ୍, ହେୱାନ୍ ଇୱିଜୁ ହୁଡ଼୍‌ତାନ୍। ଆରେ ହେୱାନ୍ ତା ମାନ୍ତ ବାବିକିତାନ୍, “ଯୀଶୁ ଯଦି ହାତ୍‌ପା ରକାନ୍ ଭବିଷ୍ଯତବକ୍ତା ଆତାନ୍‌ମା, ଲାଗିଙ୍ଗ୍ ହେୱାନ୍ ହାତ୍‌ପା ପୁଚାନ୍‌ମା ଯେ, ହେୱାନ୍ ପୁଚାନ୍‌ମା ହେୱାନିଙ୍ଗ୍ ଇନେସ୍ ଲେଗ୍‌ଦି କଗ୍‌ଲେ ଆସ୍‌ପାତାତ୍ ହେଦାଙ୍ଗ୍ ପୁଚାନ୍‌ମା। ଇନେସ୍‌କି ହେଦେଲ୍ ରଞ୍ଜେଲ୍ ପାପି କଗ୍‌ଲେ ମାଚାତ୍।”

୧ କରନ୍ତିୟ 10:24

ଇନେର୍ ପା ଜାର୍ ହାର୍ କାଜିଙ୍ଗ୍ ନେ ଇନସ୍ତା କିମେନ୍, ମାତର୍ ଜେକନି ଖ୍ରୀଷ୍ଟାନ୍ ଟଣ୍ଡାର୍ କାଜିଙ୍ଗ୍ ପା ହାର୍ଦି ଚିନ୍ତା କିୟାଟ୍।

୧ କରନ୍ତିୟ 10:33

ହେଲେକେ ଆନେଙ୍ଗ୍ ପା ୱିଜାରିଙ୍ଗ୍ ୱିଜୁ ନିପଣ୍ ସାର୍‌ଦା କିନି କାଜିଙ୍ଗ୍ ଉପାୟ୍ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଉପାୟ୍ କିଉଙ୍ଗା, ମାତର୍ ମାନାୟାର୍ ରକ୍ଷା ପାୟାଆନି କାଜିଙ୍ଗ୍ ଇମ୍‌ଣାକା ହାର୍ ହେଦାଙ୍ଗ୍ କିନାଙ୍ଗା।

୧ କରନ୍ତିୟ 11:18

ହେଦାଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିଦେଙ୍ଗ୍ ମଣ୍ଡ୍‌ଲିତାକେ ରୁଣ୍ଡା ଆତିହିଙ୍ଗ୍ ମି ବିତ୍ରେତାଙ୍ଗ୍ ବାଗ୍-ବାଗ୍ ଆଜି ବିରଦ୍ କିବାଆନାଦେରା। ଆନେଙ୍ଗ୍ ପାର୍ତି କିନାଙ୍ଗା, ଇନେସ୍‌କି କେତ୍‌ଜାଣ୍ ନାଙ୍ଗେଙ୍ଗ୍ ୱେଚ୍‌ଚାନାରା।

୧ କରନ୍ତିୟ 12:25

ଈଶ୍ୱର ଇଲେକେ କିତାନ୍, ଇନେସ୍‌କି ଗାଗାଡ଼୍‌ନି ଜିନିଷ୍ ହେୱାର୍ ବିତ୍ରେ ଜିକାଟାଣା ଆମେର୍, ଲାଗିଙ୍ଗ୍ ହେୱାର୍ ଜାର୍-ଜାର୍‌ବିତ୍ରେ ଜାତୁନ୍ ଆନାର୍।

୧ କରନ୍ତିୟ 7:36

ମି ବିତ୍ରେତାଙ୍ଗ୍ ଇନେର୍ ଯଦି ତା ଗାଡ଼୍‍ହିଙ୍ଗ୍ ବିବା କିଜି ହିଉନେ, ଆରେ ହେୱାନ୍ ଟିକ୍ କିଉନା ଇଞ୍ଜି ବାବିକିନାନା, ଲାଗିଙ୍ଗ୍ ହେୱାନ୍ ଟିକ୍ ବାବିକିନି ବିଷୟତିଙ୍ଗ୍ କିନି ଦର୍‌କାର୍ ଯଦି ହେଦେଲ୍ ବିବା ଆଦେଙ୍ଗ୍ ମାନ୍ କିନାତା, ହେଦେଲ୍ ପାପ୍ କିଉତା। ହେୱାନ୍ ତା ଗାଡ଼୍‍ହିଙ୍ଗ୍ ବିବା କିଦେଙ୍ଗ୍ ଆଣ୍ଡ୍ରେନ୍ ଦାହ୍‌ନି ଦର୍‌କାର୍।

୨ କରନ୍ତିୟ 5:19

ଇନେସ୍‌କି ଈଶ୍ୱର ଖ୍ରୀଷ୍ଟ ବିତ୍ରେ ମାଚାନ୍, ଆରେ ହେୱାନ୍ ନିଜେ ପୁର୍ତିନି ମାନାୟାରିଙ୍ଗ୍ ତା ହୁଦାଙ୍ଗ୍ ମାହାୟ୍ କିନାନା, ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ତା ବିରଦ୍‌ତାଙ୍ଗ୍ ଗାଣା କିଉନ୍। ଇ ଚାନିଆଆନି ହାର୍ଦିକାବୁର୍ ହେୱାନ୍ ମାଙ୍ଗେଙ୍ଗ୍ ମାନାୟାରିଙ୍ଗ୍ ୱେଚ୍‌ନି କାଜିଙ୍ଗ୍ ହିତ୍‌ତାନ୍‌ନା।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ପିଲିପିୟ 2:21

ଇନେସ୍‌କି ୱିଜାକାର୍ ଯୀଶୁ ଖ୍ରୀଷ୍ଟ ଇଚା କିନାକା ପିସ୍ତି ଜାର୍ କାଜିଙ୍ଗ୍ ବେସି ଚିନ୍ତା କିନାରା।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

୨ ଥେସଲନୀକିୟ 3:7

ଏପେଙ୍ଗ୍ ପୁଚାଦେର୍‌ନା ଯେ, ଇଲେକେ ବ୍ଯବହାର୍ କିନି ଦର୍‌କାର୍, ଇନେସ୍‌ଲେକେ ଆପେଙ୍ଗ୍ କିଜି ମାଚାପ୍। ଆପେଙ୍ଗ୍ ଏଚେକାଡ଼୍‌ଦ ମିତାକେ ମାଚାପ୍ ଆଡ଼୍‌ସାୟ୍ ଆୱାଦାଙ୍ଗ୍ କାମାୟ୍ କିଜି ମାଚାପ୍।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

୨ ତିମଥି 4:16

ନା ବିଚାର୍ ଆନି ଦିନ୍‌ନି ପାର୍ତୁମ୍ ଶୁଣାୟ୍ କିନିହିଙ୍ଗ୍ ଇନେର୍ ପା ନା ସପଟ୍ ଆଦ୍‌ୱାତାର୍, ମାତର୍ ୱିଜାକାର୍ ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାର୍। ଇଦାଙ୍ଗ୍ ହେୱାର୍ ବିରଦ୍‌ତାକେ ଈଶ୍ୱର ଗାଣା କିମେନ୍।

ଜାକ୍‌ବ 1:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ୱିଜାକାଦେର୍ ୱେନି କାଜିଙ୍ଗ୍ ବେସି ଇଚା କିୟାଟ୍, ମାତର୍ ୱେଚ୍‌ଚେଙ୍ଗ୍ ଆରେ ରିସା ଆଦେଙ୍ଗ୍ ଦିରେ ଆଡ।