୧ କରନ୍ତିୟ 13:3 - New Testament in Pengo Parja Language

³ ଯଦି ଆନେଙ୍ଗ୍ ନାସ୍‌କି ନିକାରିଙ୍ଗ୍‌ ନା ଦନ୍ ସମ୍ପତି ହିନାଙ୍ଗ୍, ଆରେ ଯଦି ଆନେଙ୍ଗ୍ ନା ଗାଗାଡ଼୍‌ତିଙ୍ଗ୍ କାଡିକିଦେଙ୍ଗ୍ ହିନାଙ୍ଗ୍, ହେ ବିଷୟ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆନାଙ୍ଗ୍। ମାତର୍ ଯଦି ଜେକନିକାରିଙ୍ଗ୍ ଲାଡ୍ କିଉଙ୍ଗ୍ ଇ ୱିଜୁ ନା କାଜିଙ୍ଗ୍ ଇନା ମୁଲ୍ୟ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

³ ଆରେ, ଜଦି ଆନ୍‌ ଅର୍କିତ୍‌ ଲଗାଂ ତିଚ୍‌ପି କିନି କାଜିଂ ନା ୱିଜ଼େ ହିଦେଂ କିନାଙ୍ଗ୍‌, ଆରେ ଜଦି ଆନ୍‌ ନାଦାଂ ଗାଗାଡ଼୍‌ତିଂ ହୁଡ଼୍‌ଜ଼ି ଆନି କାଜିଂ ହେଲାୟ୍‌ କିନାଙ୍ଗ୍‌, ମତର୍‌ ନା ଜିଉନନାକା ହିଲ୍‌ୱିତିସ୍‌, ୱାଟିଙ୍ଗ୍‌ ନାଦି ମୁଡ଼୍‌କେ ଲାବ୍‌ ଆକାୟ୍‌ ।

୧ କରନ୍ତିୟ 13:3 ပူးပေါင်းရင်းမြစ်များ

ମାତିଉ 23:5

“ମାତର୍ ହେୱାର୍ ମାନାୟ୍‌ତିଙ୍ଗ୍ ଚଚ୍‌ଚେଙ୍ଗ୍ ୱିଜୁ ହାର୍ କାମାୟ୍ କିନାର୍। ହୁଡ଼ାଟ୍, ଜାର୍‌ତିଙ୍ଗ୍ ଦରମ୍ ଚଚିୟାଆନି କାଜିଙ୍ଗ୍ ଗାଜାଗାଜା ଡଙ୍ଗ୍‌ରୁ ମାରାତ ଗାଚିଆ ଆନାର୍, ଆରେ ଜାର୍ ପାର୍ତାନା କିନିହିଙ୍ଗ୍ ଉସ୍‌ପିତି ହେନ୍ଦ୍ରା ବେସି ଲାମାୟ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:22

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନି ଦନ୍ ସମ୍ପତି ୱିଜେ ପସି ଗରିବ୍‌ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ ଏଲେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:28

ହେବେତାଙ୍ଗ୍ ପିତର ଯୀଶୁଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ଆପେଙ୍ଗ୍ ଜାର୍-ଜାର୍ ୱିଜୁ ପିସ୍ତି ନି ପାଚେ-ପାଚେ ୱାତାପ୍ ଆରେ ନି ଚେଲା ଆତାପ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:8

ଜକିୟ ନିଲ୍‌ଚି ଯୀଶୁଙ୍ଗ୍ ୱେଚ୍‌ଚାନ୍, “ଏ ମାପୃ ଦୟାକିଜି ନା କାତା ୱେନା! ଆନେଙ୍ଗ୍ ପାର୍ମାଣ୍ କିନାଙ୍ଗା ନା ଦନ୍ ସମ୍ଫିତିତାଙ୍ଗ୍ ଅଦା ବାଗ୍ ଗରିବ୍ ମାନାୟାରିଙ୍ଗ୍ ବାଟାକିଜି ହିନାଙ୍ଗ୍। ଆନେଙ୍ଗ୍ ଯଦି ଇନେରିଙ୍ଗ୍ ଟକାଇ କିଜିମାନ୍‌ଗାନାଙ୍ଗ୍, ହେୱାନିଙ୍ଗ୍ ଚାରିଗୁଣ୍ ଦନ୍ ହିନାଙ୍ଗ୍।”

ଜହନ୍‌ 12:43

ହେ ମାନାୟାର୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟାଆନି ବାଦୁଲ୍ ମାନାୟାର୍ ଜୟ୍-ଜୟ୍ ପାୟା ଆଦେଙ୍ଗ୍ ମାନ୍ କିଜି ମାଚାର୍।

ଜହନ୍‌ 13:37

ପିତର ୱେନ୍‌ବାତାନ୍, “ମାପୃ, ଆନେଙ୍ଗ୍ ନଙ୍ଗୟ୍ ଇନା କିଦେଙ୍ଗ୍ ନି ପାଚେ-ପାଚେ ୱାଦେଙ୍ଗ୍ ଆଡୁଙ୍ଗ୍? ଆନେଙ୍ଗ୍ ନି କାଜିଙ୍ଗ୍ ହାଃଦେଙ୍ଗ୍ ପା ରେଡି ମାନାଙ୍ଗ୍।”

ଜହନ୍‌ 15:13

ଜାର୍ ସାଙ୍ଗର୍ କାଜିଙ୍ଗ୍ ଜିବୁନ୍ ହିଜି ଲାଡ୍‌କିନି ଦର୍‌କାର୍। ହେବେତାଙ୍ଗ୍ ଆରେ ଆଦିକ୍ ଇନାକା ଆକାୟ୍।

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ପକ୍ୟାତାକା 21:13

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଆଡ଼୍‌ବିସ୍‌ ମାନ୍ ବାଙ୍ଗାୟ୍ କିଦ୍‍ନାଦେରା? ଆନେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଯିରୁଶାଲାମ ସହର୍‌ତାକେ ଗାଚିଆଦେଙ୍ଗ୍ ଆରେ ହାଃଦେଙ୍ଗ୍ ପା ରେଡି ମାନାଙ୍ଗ୍।”

ଗାଲାତିୟ 5:26

ଆରେ ଜାର୍‌ତିଙ୍ଗ୍ ମାନ୍ ଗାର୍‌ବିୟା ଆମାଟ୍, ଜାର୍-ଜାର୍‌ତିଙ୍ଗ୍ ରିସା ଆମାଟ୍ ଆରେ ଜାର୍-ଜାର୍‌ତିଙ୍ଗ୍ ଆକାର୍ ଆମାଟ୍।

ପିଲିପିୟ 2:3

ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

୧ ତିମତି 4:8

ଇନେସ୍‌କି ଏକ୍ସେସାଇଜ୍ କିତିସ୍ ଆପ୍‌କା ନି ଗାଗାଡ଼୍‌ତିଙ୍ଗ୍ ନେ ଲାବ୍ ଆନାତ୍। ମାତର୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟିକିତିସ୍‌ ଈଶ୍ୱର ଇମ୍‌ଣି ଜିବୁନ୍ ହିଦ୍‌ଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେଦାଙ୍ଗ୍ ନଙ୍ଗୟ୍‌ନି ଯୁଗ୍‌ଦ ଆରେ ୱାନି ଯୁଗ୍‌ଦ ଏନେଙ୍ଗ୍ ହେ ଜିବୁନ୍ ପାୟାଆନାୟ୍।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।