୧ କରନ୍ତିୟ 10:7 - New Testament in Pengo Parja Language

⁷ ଇନେସ୍‌କି ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ମୁର୍ତି ପୁଜା କିତାର୍, ଇନେସ୍‌କି ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ବିନ୍‌ଜାତିନି ମାନାୟାର୍‌ଲେକେ ମୁର୍ତିନି ଚାରିବେଣ୍‌ତାଙ୍ଗ୍ ଚିଚାର୍ ଉଟାର୍ ଆରେ ଏନ୍ଦ୍‌ନାରା।”

ସତ୍‌ ବଚନ୍‌ ପୁନି ନିୟମ୍‌

⁷ ଇନେସ୍‌ ହେୱାର୍‌ ବିତ୍ରେ କେତ୍‌ଜାଣ୍‌ ପୁତ୍‌ଡ଼ା ପୁଜା କିତାର୍‌, ହେ ଲାକେ ଏପେଙ୍ଗ୍‌ ପୁତ୍‌ଡ଼ା ପୁଜାକିନାକାର୍‌ ଆମାଟ୍‌; ସାସ୍ତର୍‌ତ ଇନେସ୍‌ ଲେକା ମାନାତ୍‌, ମାନାୟାର୍‌ ତିଞ୍ଜେଙ୍ଗ୍‌ କୁଚ୍‌ଚିସ୍‌, ଆରେ ବିନ୍‌ କାମାୟ୍‌ତ ହଚ୍‌ଚାର୍‌ ।

୧ କରନ୍ତିୟ 10:7 ပူးပေါင်းရင်းမြစ်များ

ପକ୍ୟାତାକା 15:20

ତା ବାଦୁଲ୍‌ରେ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍‌ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟରେ, ଆସେଙ୍ଗ୍ ହେୱାର୍ ଲାଗାୟ୍ ରଞ୍ଜାଙ୍ଗ୍ ଚିଟି ଲେକିକିଜି ୱେଚ୍‌ଚିସ୍ ଆନାତ୍‌।

୧ କରନ୍ତିୟ 10:14

ଲାଗିଙ୍ଗ୍ ଏ ନା ଟଣ୍ଡାର୍‌କାଦେର୍ ଏପେଙ୍ଗ୍ ର ବିପତ୍ ୱାତିସ୍ ଇନେସ୍ ହନ୍‌ଞ୍ଚି ହାନାଦେର୍, ହେଲେକେ ମୁର୍ତି ପୁଜା କିନିତାଙ୍ଗ୍ ଦେହା ମାନାଟ୍।

୧ କରନ୍ତିୟ 5:11

ମାତର୍ ଆନେଙ୍ଗ୍ ଲେକିକିତାକା ଇଲେକେ ଯେ, ଯଦି ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଦାରି କାମାୟ୍ କିନାନ୍, ଦନ୍ ସମ୍ଫତିତିଙ୍ଗ୍ ଲବ୍ ଆନାନ୍, ମୁର୍ତି ପୁଜା କିନାନ୍, ଲକାଙ୍ଗ୍ ନିନ୍ଦା କିନାନ୍, କାଲିଙ୍ଗ୍ ଉଣାନ୍ ଆରେ ଲକାର୍ ଦନ୍‌ତିଙ୍ଗ୍ ଚର୍ କିନାନ୍, ଇଲେକେ ମାନାୟ୍ ହୁଦାଙ୍ଗ୍ ମାହା ଆମାଟ୍ କି ତା ହୁଦାଙ୍ଗ୍ ମାହାଆଜି ତିନ୍‌ମାଟ୍‌।

୧ କରନ୍ତିୟ 6:9

ଏପେଙ୍ଗ୍ ତ ପୁଚାଦେର୍‌ନା ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍। ଏପେଙ୍ଗ୍ ଜାର୍‌ତିଙ୍ଗ୍ ଟକାୟ୍ କିୟାଆମାଟ୍। ଇନେସ୍‌କି ଇମ୍‌ଣି ମାନାୟାର୍ ହୁଞ୍ଜା ମାଗା ଆନି ପାପ୍, ମୁର୍ତି ପୁଜା, ଦାରି କାମାୟ୍, ଆଣ୍ଡ୍ରାଙ୍ଗ୍ ଦାରି କାମାୟ୍,

୧ କରନ୍ତିୟ 8:7

ମାତର୍ କେତେକ୍ ପାର୍ତିକିନି ଟଣ୍ଡାର୍ ଇ ବିଷୟତିଙ୍ଗ୍ ପୁନ୍‌ୱାତାର୍‌ନା ଯେ, ମୁର୍ତିକାଙ୍ଗ୍ ଶାକ୍ତି ହିଲ୍‌ଗୁତ୍ ଇନେସ୍‌କି ହେୱାର୍ ଆଗେତାଙ୍ଗ୍ ମୁର୍ତିକାଙ୍ଗ୍ ପୁଜାକିନି ଅବ୍ୟାସ୍ ମାନାତ୍। ଲାଗିଙ୍ଗ୍ ଏଚେପାଦ୍ନା ହେୱାର୍ ମୁର୍ତିତିଙ୍ଗ୍ ହିତି କାଦିତିଙ୍ଗ୍ ତିନାର୍, ହେୱାର୍ ନିଜେ ବୁଲ୍‌ରେ ବାବିକିନାର୍ ଯେ ଆପେଙ୍ଗ୍ ନଙ୍ଗୟ୍ ପାତେକ୍ ମୁର୍ତି ପୁଜା କିନାପା ଆରେ ପାପ୍ କିତାପ୍ ଇଞ୍ଜି ତା ମାନ୍ତ ଆଦିକ୍ ଚିନ୍ତା କିନାର୍।

୧ ଯୋହନ 5:21

ଏ କାଡ଼୍‌ଦେର୍, ମି ଗରବ୍ ବିତ୍ରେ ଈଶ୍ୱରତିଙ୍ଗ୍ ପିସ୍ତି, ଆରେ ମୁର୍ତି ପୁଜା କିନିତାଙ୍ଗ୍ ଦେହା ମାନାଟ୍।