୧ କରନ୍ତିୟ 10:33 - New Testament in Pengo Parja Language

³³ ହେଲେକେ ଆନେଙ୍ଗ୍ ପା ୱିଜାରିଙ୍ଗ୍ ୱିଜୁ ନିପଣ୍ ସାର୍‌ଦା କିନି କାଜିଙ୍ଗ୍ ଉପାୟ୍ କିନାଙ୍ଗା। ଆନେଙ୍ଗ୍ ନା ଜାର୍ ହାର୍ କାଜିଙ୍ଗ୍ ଉପାୟ୍ କିଉଙ୍ଗା, ମାତର୍ ମାନାୟାର୍ ରକ୍ଷା ପାୟାଆନି କାଜିଙ୍ଗ୍ ଇମ୍‌ଣାକା ହାର୍ ହେଦାଙ୍ଗ୍ କିନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

³³ ଏପେଙ୍ଗ୍‌ ନା ଲାକେ ଚିନ୍ତା କିୟାଟ୍‌ ଆନ୍‌ ସବୁ ବିସ୍ରେ ୱିଜ଼ାରିଂ ପଟପାଞ୍ଜି କିଦେଙ୍ଗ୍‌ ସେସ୍ଟା କିନାଙ୍ଗା । ଜାର୍‌ ଚିନ୍ତା କିୱାଦାଂ, ବିନ୍‌ଲକାର୍‌ତି ମୁକ୍ତି ଲାବ୍‌ ଉଦେସ୍‌ତ ୱିଜ଼ାର୍‌ତି ମଙ୍ଗଲ୍‌ କିନାଙ୍ଗା ।

୧ କରନ୍ତିୟ 10:33 ပူးပေါင်းရင်းမြစ်များ

ରୋମିୟ 11:14

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଉପାୟ୍ କିନାଙ୍ଗା ଯେ, ବିନ୍‌ଜାତିନି ମାନାୟାର୍ ଇନେସ୍‌ଲେକେ ଉଦାର୍ ପାୟାଆତାର୍, ହେୱାର୍ ପା ମା ଯିହୁଦି ଜାତିନି କେତେକ୍ ମାନାୟ୍ ଈଶ୍ୱରତାକେ ମାନ୍‌ବାଦ୍‌ଲାୟ୍ କିଜି ଉଦାର୍ ପାୟା ଆଏର୍।

ରୋମିୟ 12:5

ହେଦାଙ୍ଗ୍ ପା ଇଲେକେ, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟଙ୍ଗ୍ ପାର୍ତି କିନାସା, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟ ଗାଗାଡ଼୍‌ନି ରଞ୍ଜି-ରଞ୍ଜି ଜିନିଷ୍, ଆରେ ଆସେଙ୍ଗ୍ ଜାର୍-ଜାର୍‌ବିତ୍ରେ ଜଡ଼ା ଆତାସ୍‌ନା। ଆରେ ଈଶ୍ୱର ମାଙ୍ଗେଙ୍ଗ୍ ଅଲଗା ଅଲ୍‌ଗା କାମାୟ୍ କିଦେଙ୍ଗ୍ ହିତ୍‌ତାନ୍‌ନା।

୧ କରନ୍ତିୟ 10:24

ଇନେର୍ ପା ଜାର୍ ହାର୍ କାଜିଙ୍ଗ୍ ନେ ଇନସ୍ତା କିମେନ୍, ମାତର୍ ଜେକନି ଖ୍ରୀଷ୍ଟାନ୍ ଟଣ୍ଡାର୍ କାଜିଙ୍ଗ୍ ପା ହାର୍ଦି ଚିନ୍ତା କିୟାଟ୍।

୧ କରନ୍ତିୟ 13:5

ହେୱାର୍ ଲବ୍ରା ଆଉର୍, ରିସା ଆଉର୍ ଆରେ ଆଗେ କିତି କରାପ୍ କାମାୟ୍‌ନି ଇସାବ୍ ଇଟୁର୍। ହେୱାର୍ ବିରଦ୍‌ତାକେ ଇନେର୍ ପା ପାପ୍ କିତିସ୍ ହେୱାର୍ ବେଗି କେମା କିନାର୍।

୨ କରନ୍ତିୟ 12:14

ଇଦାଙ୍ଗ୍ ହୁଦାଙ୍ଗ୍ ତିନ୍‌ହଟ୍ ଆନାତ୍ ମିତାକେ ୱାନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ କଷ୍ଟ ହିଦ୍‌ଦେଙ୍ଗ୍ ଇଚା କିଉଙ୍ଗା। ଆନେଙ୍ଗ୍ ମିବେତାଙ୍ଗ୍ ଆରେ ସାଇଜ ପାୟା ଆଦେଙ୍ଗ୍ ଇଚା କିଉଙ୍ଗା, ମାତର୍ ମିଙ୍ଗେଙ୍ଗ୍ ଜାର୍ ଲକ୍ କିଦ୍‌ଦେଙ୍ଗ୍ ୱାନାଙ୍ଗା। ଇନେସ୍‌କି ହିମ୍‌ଣାଙ୍ଗ୍ ଆୟା ଆବାର୍‌ କାଜିଙ୍ଗ୍ କାଦି ରୁଣ୍ଡାୟ୍ କିଉର୍, ମାତର୍ ଆୟା ଆବାର୍‌ ହିମ୍‌ଣାଙ୍ଗ୍ କାଜିଙ୍ଗ୍ କାଦି ରୁଣ୍ଡାୟ୍ କିନାର୍।

୨ କରନ୍ତିୟ 12:19

ଏପେଙ୍ଗ୍ ବାବିକିଜି ମାନାଦେର୍ ଯେ, ମା ବିରୁଦ୍‌ତାକେ ୱେଚ୍‌ଚି ମାନି ୱିଜୁ ବିଷୟତିଙ୍ଗ୍ ବନ୍ଦ୍ କିଦେଙ୍ଗ୍ ଇ ୱିଜୁ ଲେକିକିନାଙ୍ଗା, ହେଲେକେ ଆକାୟ୍, ମାତର୍ ଆପେଙ୍ଗ୍ ଖ୍ରୀଷ୍ଟତାକେ ଚାକର୍ ଆଜିମାଚି କାଜିଙ୍ଗ୍ ଇ ୱିଜୁ ୱେଚ୍‌ଚାନାପା। ଇ ୱିଜୁ ଜିନିଷ୍ ମି ଲାବ୍ କାଜିଙ୍ଗ୍ କିନାପା, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ ଈଶ୍ୱର ମାଙ୍ଗେଙ୍ଗ୍ ୱେଞ୍ଜ୍‌ନାନା।

ଗାଲାତିୟ 1:10

ସତ୍‌ରେ ଆନେଙ୍ଗ୍ ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ଈଶ୍ୱରତିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା। ଯଦି ଆନେଙ୍ଗ୍ ନଙ୍ଗୟ୍ ପା ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ଖ୍ରୀଷ୍ଟ ଦାସ୍ ଆକାୟ୍।

ପିଲିପିୟ 2:21

ଇନେସ୍‌କି ୱିଜାକାର୍ ଯୀଶୁ ଖ୍ରୀଷ୍ଟ ଇଚା କିନାକା ପିସ୍ତି ଜାର୍ କାଜିଙ୍ଗ୍ ବେସି ଚିନ୍ତା କିନାରା।

୧ ଥେସଲନୀକିୟ 2:16

ଇନେସ୍‌କି ବିନ୍‌ଜାତିନି ମାନାୟାର୍ ରକ୍ଷା ପାୟାଆମେର୍ ଇଞ୍ଜି ହାର୍ଦିକାବୁର୍ ଶୁଣାୟ୍ କିତିଲେ, ହେୱାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା। ହେଲେକେ ହେୱାର୍ ପାପ୍ କିଜି ମାଚାର୍, ସେସ୍ ୱେଡ଼ାଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ କାତାନ୍‌ନା।