୧ କରନ୍ତିୟ 10:16 - New Testament in Pengo Parja Language

¹⁶ ଆପେଙ୍ଗ୍ ଏଚେପାଦ୍ନା ପ୍ରବୁବଜ୍ କିଦେଙ୍ଗ୍ ରବେ ରୁଣ୍ଡା ଆନାପ୍‌, ହେପାଦ୍ନା ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ହେ ଗିଲାସ୍‌ନି ଅଙ୍ଗୁର୍ ରାସ୍‌ତିଙ୍ଗ୍ ଉଣାପ୍‌। ହେ ଅଙ୍ଗୁର୍ ରାସ୍ ଯୀଶୁ ଖ୍ରୀଷ୍ଟତି ନେତେର୍ ଉଟିଲେକେ ଆନାତ୍‌, ଆରେ ଏଚେପାଦ୍ନା ଆପେଙ୍ଗ୍ ରୁଟି ଚିଞ୍ଜେଙ୍ଗ୍ ଡ୍ରିକ୍‌ତାପ୍, ହେ ରୁଟି ଯୀଶୁ ଖ୍ରୀଷ୍ଟତି ଗାଗାଡ଼୍‌ତିଙ୍ଗ୍ ଚିଚିଲେକେ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଇମ୍‌ଣି ଆସିର୍ବାଦ୍‌ନି ବାହାତିଂ ଆସେଙ୍ଗ୍‌ ଆସିର୍ବାଦ୍‌ କିନାସ୍‌, ହେଦାଂକି କ୍ରିସ୍ଟତି ନେତେର୍‌ନି ମେହାଣ୍‌ ଆକାୟ୍‌ ? ଇମ୍‌ଣି ରୁଟି ଆସେଙ୍ଗ୍‌ ଡ୍ରିକ୍‌ନାସ୍‌, ହେଦାଂକି କ୍ରିସ୍ଟତି ଗାଗାଡ଼୍‌ନି ମେହାଣ୍‌ ଆକାୟ୍‌ ?

୧ କରନ୍ତିୟ 10:16 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:17

ତାପାଚେ ଯୀଶୁ ର ଗିନାତାକେ ଅଙ୍ଗୁର୍ ରାସ୍ ଅତାନ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍। ଆରେ ୱେଚ୍‌ଚାନ୍, “ଇ ଗିନା ଅୱାଟ୍, ଇବେ ମାନି ଅଙ୍ଗୁର୍ ରାସ୍ ୱିଜାକାରିଙ୍ଗ୍ ହିୟାଟ୍।”

ପକ୍ୟାତାକା 2:42

ହେଦିନ୍‌ତାଙ୍ଗ୍ ବାଚିକିତି ଚେଲାହିର୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ମେହାଆତାର୍। ଆରେ ରୁଟି ଡିକ୍‍ତେଙ୍ଗ୍ ଆରେ ପାର୍ତାନା କିଦେଙ୍ଗ୍ ରୁଣ୍ଡାଆଜି ମାଚାର୍।

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 20:11

ତାପାଚେ ହେୱାନ୍ ଜପ୍‌ଣି ପାଉଜ୍‌ତାକେ ହାଲ୍‌ଜି ପ୍ରବୁବଜ୍ ଚିଚାନ୍ ଆରେ କାଦି ପା ଚିଚାନ୍। ତାପାଚେ ହେୱାନ୍ ହେୱାର୍ ହୁଦାଙ୍ଗ୍ ଅଜଡ଼୍ ଆନି ପାତେକ୍ ବେସି କାତାବାର୍ତା କିଜି ହେବେତାଙ୍ଗ୍ ହସିହାଚାନ୍।

ପକ୍ୟାତାକା 20:7

ସାତ୍‌ଦିନ୍‌ନି ପାର୍ତୁମ୍ ନାଞ୍ଜିଙ୍ଗ୍ ଆପେଙ୍ଗ୍ ପ୍ରବୁବଜ୍ ଚିଞ୍ଜେଙ୍ଗ୍ ରବେ ରୁଣ୍ଡାଆଜି ମାଚାପ୍। ହେପାଦ୍ନା ପାଉଲ ମାନାୟାରିଙ୍ଗ୍ ଶୁଣାୟ୍ କିତାନ୍। ହେୱାନ୍ ୱିଗାଲିଙ୍ଗ୍ ହାନାକା ମାଚିଲେ ମାଦିମାଦାନାଣା ପାତେକ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

୧ କରନ୍ତିୟ 1:9

ଈଶ୍ୱର ମିଙ୍ଗେଙ୍ଗ୍ ତା ମେହି ମା ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆଦେଙ୍ଗ୍ ବାଚି କିତାନ୍‌ନା, ଆରେ ଈଶ୍ୱର ଇମ୍‌ଣାକା କିନାଙ୍ଗ୍ ଇଞ୍ଜି ୱେଚ୍‌ନାନ୍ ହେଦାଙ୍ଗ୍ ପୁରା କିନାନ୍। ଲାଗିଙ୍ଗ୍ ଏପେଙ୍ଗ୍ ହାର୍ କିଜି ପୁନ୍‌ଞ୍ଜି ମାନାଟ୍ ଯେ, ଈଶ୍ୱର ହେ କାମାୟ୍ କିନାନ୍।

୧ କରନ୍ତିୟ 10:15

ଆନେଙ୍ଗ୍ ବୁଦି କାଟାକାରିଙ୍ଗ୍ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଇନାକା ୱେଚ୍‌ଚାନାଙ୍ଗା ହେଦାଙ୍ଗ୍ ସତ୍ କି ଆକାୟ୍ ଇଞ୍ଜି ଏପେଙ୍ଗ୍ ବିଚାର୍ କିୟାଟ୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

୧ ଯୋହନ 1:3

ଆପେଙ୍ଗ୍ ଇମ୍‌ଣାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା ହେଦାଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା, ଲାଗିଙ୍ଗ୍ ଏପେଙ୍ଗ୍ ମା ହୁଦାଙ୍ଗ୍ ମାହାଆଦ୍ନାଦେର୍। ଆରେ ଆପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତାପ୍‌ନା।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।