୧ କରନ୍ତିୟ 10:11 - New Testament in Pengo Parja Language

¹¹ ଇମ୍‌ଣି ମାନାୟାର୍ ଇ ପୁର୍ତି ସେସ୍ ଆନିହିଙ୍ଗ୍ ଜିବୁନ୍ ମାନାର୍। ଇ ୱିଜୁ ବିଷୟ ମାଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଆରେ ମାଙ୍ଗେଙ୍ଗ୍ ଜାଗ୍ରତ୍ ଆନି କାଜିଙ୍ଗ୍ ଲେକାଆତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹¹ ଇ ୱିଜ଼ୁ କାତା ଲାକେ ହେୱାର୍‌ କାଜିଂ ଗିଟା ଆତାତ୍‌, ଆରେ ଇମ୍‌ଣାକାର୍‌ ଜୁଗ୍‌ ୱିଜ଼୍‌ନି କାଡ଼୍‌ ବାହା କିତାସ୍‌ନା, ଏଲେଙ୍ଗ୍‌ ଜେ ଆସେଙ୍ଗ୍‌ ମା ଚେତ୍‌ନା କାଜିଂ ହେ ୱିଜ଼ୁ ଲେକା ଆତାତ୍‌ନ୍ନା ।

୧ କରନ୍ତିୟ 10:11 ပူးပေါင်းရင်းမြစ်များ

ମାତିଉ 13:39

ଇମ୍‌ଣି ଶାତ୍ରୁ କାଚ୍ରା ୱିତ୍‌ନାନ୍ ହେୱାନ୍‌ନେ ଶୟତାନ। ତାସ୍ ତେଜ୍‌ନି ଦିନ୍‌ନି ଅର୍ତ ଆନାତା ଯୁଗ୍‌ଶେସ୍। ଆରେ ତେଜ୍‌ନାକାର୍‌ ଈଶ୍ୱର ଦୁତ୍‌କୁ।

ମାତିଉ 13:40

ଇନେସ୍‌କି ଯୁଗ୍‌ଶେସ୍ ଆନିହିଙ୍ଗ୍ କାଚ୍ରାତିଙ୍ଗ୍ ରବେକିଜି ନାଣି ଆହିକିୟି ଆନାତ୍, ହେଲେକେ ଯୁଗ୍‌ଶେସ୍ ଆନାତ୍।

ରୋମିୟ 13:11

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନାଟ୍, ଇନେସ୍‌କି ଏଚେକାଡ଼୍‌ଦ ଈଶ୍ୱର ମାଙ୍ଗେଙ୍ଗ୍ ଇ କରାପ୍ ପୁର୍ତିତାଙ୍ଗ୍ ଉଦାର୍ କିଦ୍‌ନାନ୍, ହେ ଦିନ୍ ୱାତାତେ। ଏଚେପାଦ୍ନା ଆପେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାପ୍, ହେଦାଙ୍ଗ୍ ନଙ୍ଗୟ୍ ଲାଗେ ୱାତାତେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇ ବିଷୟତିଙ୍ଗ୍ ବୁଜାଆଡ, ଆରେ ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍ ଆରେ ଜାଗ୍ରତ୍ ଆଜି କାସିମାନାଟ୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

ରୋମିୟ 15:4

ମାଙ୍ଗେଙ୍ଗ୍ ହିକାୟ୍ କିନି କାଜିଙ୍ଗ୍ ଇ ୱିଜୁ ବିଷୟ ବେସି ଆଗେ ଦର୍‌ମ୍ ସାସ୍ତର୍‌ତାକେ ଲେକାଆତାତ୍‌ନା, ଏଚେପାଦ୍ନା ଆପେଙ୍ଗ୍ ଈଶ୍ୱର ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ସାସ୍ ଆଜି କାନାପା, ହେପାଦ୍ନା ମାଙ୍ଗେଙ୍ଗ୍ ଇଦାଙ୍ଗ୍ ସାସ୍ ଆରେ ଆହା ହିଦ୍‌ନାତ୍।

ରୋମିୟ 4:23

ହେୱାନ୍ ପାର୍ତିକିତି କାଜିଙ୍ଗ୍ ଦରମ୍ ମାନାୟ୍ ଆତାନ୍। ୱାରା ତା କାଜିଙ୍ଗ୍ ନେ ଆକାୟ୍,

୧ କରନ୍ତିୟ 10:6

ଇ ୱିଜୁଗଟ୍‌ନା ମାଙ୍ଗେଙ୍ଗ୍ ସାବ୍‌ଦାନ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଲାଗିଙ୍ଗ୍ ଆସେଙ୍ଗ୍ ହେୱାର୍ କିତିଲେକେ କରାପ୍ ଚିନ୍ତା କିଉସ୍।

୧ କରନ୍ତିୟ 7:29

ଏ ଟଣ୍ଡାର୍‌କାଦେର୍, ମା କାଜିଙ୍ଗ୍ ପୁର୍ତିତାକେ ବେସିଦିନ୍ ହିଲେତ୍। ହେଦାଙ୍ଗ୍ କାଜିଙ୍ଗ୍ ଡକ୍ରି ମାନାତ୍ କି ଆକାୟ୍ ଇଞ୍ଜି ଚିନ୍ତା କିମାଟ୍। ମାତର୍ ମାପୃ ଯୀଶୁଙ୍ଗ୍ ହେବା କିଦେଙ୍ଗ୍ ଚିନ୍ତା କିୟାଟ୍।

୧ କରନ୍ତିୟ 9:10

ମାତର୍ ମା କାଜିଙ୍ଗ୍ ପା ୱେଚ୍‌ଚାନାନା। ହେଲେକେ ଇମ୍‌ଣି ମାନାୟ୍ ଡ଼ୁନାନ୍ କି ତଗିକିନାନ୍ ହେୱାନ୍ ତା ବାଗ୍ ପାୟା ଆଦେଙ୍ଗ୍ ଆହା କିଜି କାମାୟ୍ କିନାନ୍, ହେଲେକେ ଈଶ୍ୱରତି କାମାୟ୍ ମାନାୟାର୍ ପା ମି ତାକେତାଙ୍ଗ୍ ସାଇଜ ପାୟାଆନି ଅଦିକାର୍ ମାନାତ୍।

ଗାଲାତିୟ 4:24

ଇ ୱିଜୁ କାତାନି ଅର୍ତ ମାନାତ୍, ଇ ରିଣ୍ଡେକ୍ କଗ୍‍ଲେକ୍ ଈଶ୍ୱରତି ରିଣ୍ଡାଙ୍ଗ୍ ନିୟମ୍ ଲେକେ। ପାର୍ତୁମ୍ ନିୟମ୍ ପାର୍ତୁମ୍ କଗ୍‌ଲେ ହାଗାର ଲେକେ। ଈଶ୍ୱର ଇ ନିୟମ୍ ସିନୟ ମାଡ଼ିତାକେ ହିଜିମାଚାନ୍, ଆରେ ଇ ନିୟମ୍‌ତିଙ୍ଗ୍ ମାନିକିନି ମାନାୟାର୍ ଦାସ୍ ଲେକେ ମାଚାର୍।

ପିଲିପିୟ 4:5

ଏପେଙ୍ଗ୍ ହାର୍ଦି କାମାୟ୍ କିୟାଟ୍, ଇନେସ୍ ମିଙ୍ଗେଙ୍ଗ୍ ଦରମ୍ ମାନାୟ୍ ଇଞ୍ଜି ମାନାୟାର୍ ପୁଞ୍ଜ୍‌ନାର୍। ଇନେସ୍‌କି ଏପେଙ୍ଗ୍ ମାନ୍ତ ଇଟାଟ୍ ଯେ ମାପୃ ଇକାତାନେ।

ଏବ୍ରି 10:25

ଜେକନିକାର୍ ଲେକେ ଆସେଙ୍ଗ୍ ମାପୃଙ୍ଗ୍ ରବେ ହେବା କିନାକା ବନ୍ଦ୍ କିଉସ୍। ମାତର୍ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଜି ଜାଗ୍ରତ୍ ଆନାସ୍, ଇନେସ୍‌କି ମାପୃ ଆରେରଗ ୱାନିଦିନ୍ ଲାଗେ ୱାନାତା।

ଏବ୍ରି 10:37

ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଆରେ ଅଲପ୍ ସମୟ୍ ପାଚେ, ଇନେର୍ ୱାନାକା ମାନାତ୍, ହେୱାନ୍ ୱାନାନ୍ ଆରେ ଲେଟ୍ କିଉନ୍।

୧ ଯୋହନ 2:18

ଏ କାଡ଼୍‌ଦେର୍, ପୁର୍ତିନି ସେସ୍ ଜୁଗ୍ ଲାଗେ ୱାତାତେ। ଆପେଙ୍ଗ୍ ମିଙ୍ଗେଙ୍ଗ୍ ଆଗେ ୱେଚ୍‌ଚି ମାଞ୍ଚାପ୍, ପୁର୍ତି ସେସ୍ ଆନିହିଙ୍ଗ୍ ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ୱାନାରା, ଆରେ ନଙ୍ଗୟ୍ ଖ୍ରୀଷ୍ଟଙ୍ଗ୍ ବିରଦ୍ କିଦେଙ୍ଗ୍ ବେସିହେନି ମାନାୟାର୍ ହତ୍‌ତାରେ। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ପୁଚାପେ ଯେ, ପୁର୍ତି ସେସ୍‌ ଆନିଦିନ୍ ୱାତାତେ।