୧ କରନ୍ତିୟ 1:29 - New Testament in Pengo Parja Language

²⁹ ଲାଗିଙ୍ଗ୍ ଇନେର୍ ପା ଈଶ୍ୱର ମୁମ୍‌ଦ ଆନେଙ୍ଗ୍ ଗାଜାକାଙ୍ଗ୍ ଇଞ୍ଜି ଚଞ୍ଜିଆ ଆଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

²⁹ ଆରେ ଇନାକା ପୁର୍ତି କାଣ୍‌କୁକାଙ୍ଗ୍‌ ମାନିନି ମାନାୟ୍‌, ହେ ସବୁତିଂ ପଲ୍ୟା କିନି କାଜିଂ ଇସ୍ୱର୍‌ ପୁର୍ତିନି ହାରୁକାନ୍‌ ଆରି ଗ୍ଡାଇନି ବିସ୍ରେନିକିଂ, ଆଁ, ଗାଣାକିଦେଂଆଡ୍‌ୱି ବିସ୍ରେନିକିଂ ବାଚି କିତାନ୍‌ ।

୧ କରନ୍ତିୟ 1:29 ပူးပေါင်းရင်းမြစ်များ

ରୋମିୟ 15:17

ଯୀଶୁ ହୁଦାଙ୍ଗ୍ ମାହାଆଜି ଈଶ୍ୱରତି ହେବା କିତି କାଜିଙ୍ଗ୍ ଆନେଙ୍ଗ୍ ୱାରିୟା ଆନାଙ୍ଗା।

ରୋମିୟ 3:19

ଲାଗିଙ୍ଗ୍ ଆପେଙ୍ଗ୍ ପୁଚାପ୍‌ନା ଯେ, ମଶା ଲେକିକିତି ଦରମ୍ ସାସ୍ତରନି ନିୟମ୍ ଇମ୍‌ଣି ମାନାୟାରିଙ୍ଗ୍ ହିତାତ୍‌ନା। ହେଦାଙ୍ଗ୍ ପୁର୍ତିନି ୱିଜୁ ମାନାୟାର୍ ମାନିକିନି ଦର୍‌କାର୍। ଏଚେଜାଣ୍ ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା। ହେୱାର୍ ୱିଜାକାର୍ ଈଶ୍ୱର ଆଗେ ଚିମ୍ରା ଆଜି ମାନାର୍ ଆରେ ଈଶ୍ୱର ହେୱାରିଙ୍ଗ୍ ତା ପାପ୍ କାମାୟ୍ କାଜିଙ୍ଗ୍ ଦଣ୍ଡ୍ ହିନାତ୍।

ରୋମିୟ 3:27

ଲାଗିଙ୍ଗ୍ ଆପେଙ୍ଗ୍ ଈଶ୍ୱର ହୁଦାଙ୍ଗ୍ ଟିକ୍ ମାନାୟ୍ ଆତାପ୍‌ନା ଇଞ୍ଜି ଗାର୍‌ବି ଆଦେଙ୍ଗ୍ ଆଡୁପ୍, ଇନେସ୍‌କି ମା ହାର୍ କାମାୟ୍ କାଜିଙ୍ଗ୍ ଈଶ୍ୱର ଆଗେ ଟିକ୍ ମାନାୟ୍ ଆୱାତାପ୍‌ନା। ମାତର୍ ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍,

ରୋମିୟ 4:2

ଯଦି ଅବ୍ରାହାମ ତା ହାର୍ କାମାୟ୍ କାଜିଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଦରମ୍ ଆତାନ୍‌ନା, ଲାଗିଙ୍ଗ୍ ହେୱାନ୍ ଗାର୍‌ବି ଆନାକା ଟିକ୍। ମାତର୍ ଈଶ୍ୱର ଆଗେ ହାର୍ କାମାୟ୍ କିତାଙ୍ଗ୍‌ନା ଇଞ୍ଜି ଗାର୍‌ବି ଆଦେଙ୍ଗ୍ ଆଡୁନ୍।

୧ କରନ୍ତିୟ 1:31

ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ତାକେ ଲେକା ମାନାତ୍ ଯେ, “ଇମ୍‌ଣି ମାନାୟ୍ ଗାର୍‌ବି ଆଦେଙ୍ଗ୍ ଇଚା କିନାନା, ହେୱାନ୍ ମାପୃ ତା କାଜିଙ୍ଗ୍ ଇନାକା କିତାତ୍‌ନା ହେଦାଙ୍ଗ୍ କାଜିଙ୍ଗ୍ ଗାର୍‌ବି ଆନି ଦର୍‌କାର୍।”

୧ କରନ୍ତିୟ 4:7

ଇନେର୍ ପା ମିଙ୍ଗେଙ୍ଗ୍ ଗାଜାକାର୍ କିଦ୍‌ୱାତାର୍‌ନା। ଈଶ୍ୱର ମିଙ୍ଗେଙ୍ଗ୍ ୱିଜୁ ଜିନିଷ୍ ହିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବାଟ୍‌ପାଣ୍ ଆନି ଅଦିକାର୍ ହିଲେତ୍, ଇନେସ୍‌କି ଇନାକା ୱିଜୁ ପାୟା ଆତାଦେର୍‌ନା ହେ ୱିଜୁ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

୧ କରନ୍ତିୟ 5:6

ଲାଗିଙ୍ଗ୍ ଏପେଙ୍ଗ୍ ଇଲେକେ ବାଟ୍‌ପାଣ୍ ଆନାକା ହାର୍ ଆକାୟ୍। ଏପେଙ୍ଗ୍ ପୁଚାଦେର୍‌ନା ଯେ, ଇଚୁକ୍ ସଡ଼ାକାର୍ ୱିଜୁ ମଇଦାତିଙ୍ଗ୍ ପୁଲାଇ କିନାତ୍, ହେଲେକେ ଯଦି ର ମାନାୟ୍ ପାପ୍ କାମାୟ୍ କିଜି ମାନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ମୁନା କିଉଦେର୍ ଲାଗିଙ୍ଗ୍ ୱିଜାର୍ ମାନାୟ୍ ତା ଲେକେ ପାପ୍ କାମାୟ୍ କିଦେଙ୍ଗ୍ ହିକାଆନାର୍।

ଏପିସିୟ 2:9

ଏପେଙ୍ଗ୍ ଇମ୍‌ଣି ହାର୍ଦି କାମାୟ୍ କିତି କାଜିଙ୍ଗ୍ ଉଦାର୍ ପାୟାଆୱାତାସ୍‌ନା, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ବାଟ୍‌ପାଣ୍ ଆମାଟ୍।