୧ କରନ୍ତିୟ 1:28 - New Testament in Pengo Parja Language

²⁸ ଇ ପୁର୍ତିନି ମାନାୟାର୍ ଇମ୍‌ଣାକାଦିଙ୍ଗ୍ ମୁକ୍ଯ ଇଞ୍ଜି ବାବିକିନାରା, ହେଦାଙ୍ଗ୍ ବେକାର୍ ଇଞ୍ଜି ପୁନିକିଦେଙ୍ଗ୍ ଈଶ୍ୱର ପୁର୍ତିନି ଇମ୍‌ଣି ମାନାୟାରିଙ୍ଗ୍ ଇନସ୍ତା କିନାରା, ହେୱାରିଙ୍ଗ୍ କିଜ୍ରାଇ କିନାରା ଆରେ ବେକାର୍ ଇଞ୍ଜି ୱେଚ୍‌ନାରା ହେୱାରିଙ୍ଗ୍ ବାଚି କିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁸ ଇଦାଂ କାଜିଂ ଇସ୍ୱର୍‌ ଗିଆନିରିଂ ଲାଜ୍‌କିନି କାଜିଂ ପୁର୍ତିନି ମୁରୁକ୍‌ ବିସ୍ରେ ସବୁ ବାଚି କିତାନ୍‌, ଆରେ ସାକ୍ତି ବିସ୍ରେ ସବୁ ଲାଜ୍‌କିନି କାଜିଂ ଇସ୍ୱର୍‌ ପୁର୍ତିନି ନାଦାର୍‌ ବିସ୍ରେ ସବୁ ବାଚି କିତାନ୍‌,

୧ କରନ୍ତିୟ 1:28 ပူးပေါင်းရင်းမြစ်များ

ରୋମିୟ 4:17

ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଆନେଙ୍ଗ୍ ନିଙ୍ଗେଙ୍ଗ୍ ବେସିହେନି ଜାତିନି ଲାତ୍ରାହି କିତ୍‌ତାଙ୍ଗ୍।” ଅବ୍ରାହାମ ଇମ୍‌ଣି ଈଶ୍ୱରତିଙ୍ଗ୍ ପାର୍ତି କିତାନ୍, ହେୱାନ୍ ହାଃତି ମାନାୟ୍‌ତିଙ୍ଗ୍ ଜିବୁନ୍ କିନାନ୍ ଆରେ ହିଲ୍‌ୱି ଜିନିସ୍‌ତିଙ୍ଗ୍ ହେୱାନ୍ ରହ୍‌ନାନ୍, ହେ ଈଶ୍ୱର ଅବ୍ରାହାମତିଙ୍ଗ୍ ତା ଆଗେ ମା ଆବା କିତାନ୍‌ନା।

୧ କରନ୍ତିୟ 1:20

ଲାଗିଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପା ଯେ, ପୁର୍ତିନି ବୁଦିକାଟି ମାନାୟାର୍ ବୁଦି ଇନା ଲାବ୍ ଆକାୟ୍। ଇମ୍‌ଣି ପଣ୍ଡିତ୍‌ ପା ହେୱାନ୍ ବୁଜାଆନି ଶାକ୍ତି ପା ଇନା ଲାବ୍ ଆକାୟ୍, ଆରେ ଇମ୍‌ଣି ମାନାୟାର୍ ଚାଲାକି ଆଜି କାତା ୱେଚ୍‌ଚେଙ୍ଗ୍ ପୁନାର୍ ହେୱାର୍ କାତା ପା ଇନା ଲାବ୍, ଇନେସ୍‌କି ଈଶ୍ୱର ହେୱାରିଙ୍ଗ୍ ବକୁୱା ଆରେ ହେୱାର୍ ବୁଦିତିଙ୍ଗ୍ ବେକାର୍ ଇଞ୍ଜି ଚଚ୍‌ଚାନ୍‌ନା।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

୨ କରନ୍ତିୟ 12:11

ଆନେଙ୍ଗ୍ ବକ୍‌ୱା ଲେକେ ବ୍ୟବହାର୍ କିନାଙ୍ଗା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହେଲେକେ କିଦେଙ୍ଗ୍ ବାଦ୍ୟ କିତ୍‌ତାଦେର୍। ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାକା ମାଚାତ୍, ଲାଗିଙ୍ଗ୍ ଆନେଙ୍ଗ୍ ବେକାର୍ ଆଜି ମାଚିସ୍ ପା, ଆନେଙ୍ଗ୍ ଗାଜା ବାଚିକିତି ଚେଲାର୍‌ତାଙ୍ଗ୍ ହିରୁକାଙ୍ଗ୍ ଆକାୟ୍।

୨ ଥେସଲନୀକିୟ 2:8

ହେପାଦ୍ନା ହେ ଅଦରମ୍‌ ମାନାୟ୍ ଚଞ୍ଜିଆ ଆନାନ୍, ଆରେ ଏଚେପାଦ୍ନା ମାପୃ ଯୀଶୁ ୱାନାନ୍, ହେ ଅଦରମ୍‌ ମାନାୟ୍‌ତିଙ୍ଗ୍ ତା ଆଦେସ୍‌ତାଙ୍ଗ୍ ମାର୍ନେ ଅହ୍‌ନାନ୍।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

ହତ୍‌ତି 18:17

ମାତର୍ ର ଗଣ୍ଟା ବିତ୍ରେ ହେ ସହର୍‌ନି ୱିଜୁ ଜିନିଷ୍ ବିନାସ୍ ଆତାତ୍, ଆରେ ଜାଜ୍ ଚାଲାଇ କିନି ଡାଇବରାର୍, ପାସିଞ୍ଜେର୍, ଜାଜ୍ ମାଲିକାର୍ ଆରେ ହାମ୍‌ଦୁର୍‌ତାକେ ବେପାର୍ କିନାକାର୍ ଦେହା ନିଲ୍‌ଚି ମାଚାର୍।”