୧ କରନ୍ତିୟ 1:26 - New Testament in Pengo Parja Language

²⁶ ଏ ଟଣ୍ଡାର୍‌କାଦେର୍, ଏପେଙ୍ଗ୍ ପୁଚାଦେର୍‌ନା ଯେ, ଈଶ୍ୱର ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟନି ଲକ୍ ଆଦେଙ୍ଗ୍ କୁକ୍ତିତିହିଙ୍ଗ୍ ମି ବିତ୍ରେତାଙ୍ଗ୍ କେତେକ୍ ହେନି ମାନାୟାର୍ ଇ ପୁର୍ତିନି ମାନାୟାର୍ ଆଗେ ବୁଦି କାଟାକାଦେର୍ ମାଚାଦେର୍। ଆରେ ଅଲପ୍ ମାନାୟ୍ ଶାକ୍ତି ମାନାକାଦେର୍ ମାଚାଦେର୍ ଆରେ ଅଲପ୍ ମାନାୟ୍ ହାଉକାର୍ କାଦେର୍ ମାଚାଦେର୍।

ସତ୍‌ ବଚନ୍‌ ପୁନି ନିୟମ୍‌

²⁶ ଏ ଟଣ୍ଡାର୍‌, ଆରି ତଣ୍‌ଦେକାଦେର୍‌ ଏଚେକାଡ଼୍‌ଦ ଇସ୍ୱର୍‌ କୁକ୍‌ତିନି ସମୁତ ଏପେଙ୍ଗ୍‌ ଇନେସ୍‌ ମାଚାଦେର୍‌, ସଁସାର୍‌ନି ବାବ୍‌ନାରେ ଆଦେକ୍‌ ଗିୟାନି, ଆଦେକ୍‌ ସାକ୍ତିକାଟାକାର୍‌ କି ଆଦେକ୍‌ ଗାଜାବଁସ୍‌ କୁକ୍ୟାୱାତାର୍ଣ୍ଣା;

୧ କରନ୍ତିୟ 1:26 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:3

ଆନେଙ୍ଗ୍ ପା ଇ ଗଟ୍‌ନା ବିଷୟରେ ମାନ୍‌ଦିୟାନ୍ କିଜି ପଡ଼ିକିତାଙ୍ଗ୍। ଆରେ ଇ ବିଷୟତିଙ୍ଗ୍ ମି କାଜିଙ୍ଗ୍ ଲାଇନ୍ ହିସାବ୍‌ରେ ଲେକିକିଦେଙ୍ଗ୍ ଆନେଙ୍ଗ୍ ଇଚା କିତାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:21

ତାପାଚେ ପବିତ୍ର ଆତ୍ମାକାଙ୍ଗ୍ ଯୀଶୁ ବେସି ୱାରିଆଜି ୱେଚ୍‌ଚାନ୍, “ଏ ଆବା, ବାଦାଡ଼୍ ଆରେ ପୁର୍ତିନି ମାପୃ। ଏପେଙ୍ଗ୍ ବୁଦିକାଟି ମାନାୟ୍‌ତାଙ୍ଗ୍ ଇୱିଜୁ ବିଷୟ ଡ଼ୁକ୍‌ଚି ହିରୁ ହିମ୍‌ଣାଙ୍ଗ୍‌ତାକେ ୱେଚ୍‌ଚାଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା। ଆଁ, ଆବା, ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍‍ନା।

ପକ୍ୟାତାକା 13:12

ହେ ରାଜା ଇ ଗଟ୍‌ନା ହୁଡ଼୍‌ଜି ଯୀଶୁ ମାପୃଙ୍ଗ୍ ଚାନିଆ ଆଜି ପାର୍ତି କିତାନ୍।

ପକ୍ୟାତାକା 13:7

ବର୍ଯିଶୁ ସେର୍ଗିୟ ପାଉଲ ରାଜା ହୁଦାଙ୍ଗ୍ ମାଚାନ୍। ହେ ରାଜା ରକାନ୍ ବୁଦିକାଟି ମାନାୟ୍ ମାଚାନ୍। ହେ ରାଜା ବର୍ଣ୍ଣବା ଆରେ ଶାଉଲତିଙ୍ଗ୍ କୁକ୍‌ଚି ଈଶ୍ୱର କାତା ୱେଞ୍ଜେଙ୍ଗ୍ ଇଚା କିତାନ୍।

ପକ୍ୟାତାକା 17:34

ମାତର୍ କେତେକ୍ ମାନାୟାର୍ ପାଉଲ ପାଚେ ହାଚାର୍, ଆରେ ମାପୃତିଙ୍ଗ୍ ପାର୍ତି କିତାର୍। ଇୱାର୍ ବିତ୍ରେତାଙ୍ଗ୍ ଆରୟପାଗ ବିଚାର୍‌କିନି ଦିୟନୁସିୟ ତର୍‍ଦାକାନ୍ ରକାନ୍ ମେମର୍ ମାଚାନ୍, ଆରେ ଦାମାରି ତର୍‌ଦି ରଞ୍ଜେଲ୍ ଗକ୍‌ଲେ ଆରେ କେତେକ୍ ମାନାୟ୍ ମାଚାର୍।

ରୋମିୟ 11:29

ଇନେସ୍‌କି ଈଶ୍ୱର ହିତି ଦାନ୍ ଆରେ ହେୱାନ୍ ବାଚିକିତି ମାନାୟାରିଙ୍ଗ୍ ହିତି କାତା ଇନାୱେଡ଼ାଙ୍ଗ୍ ପା ଅଲ୍‌ଗା କିଉନ୍।

୧ କରନ୍ତିୟ 1:20

ଲାଗିଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପା ଯେ, ପୁର୍ତିନି ବୁଦିକାଟି ମାନାୟାର୍ ବୁଦି ଇନା ଲାବ୍ ଆକାୟ୍। ଇମ୍‌ଣି ପଣ୍ଡିତ୍‌ ପା ହେୱାନ୍ ବୁଜାଆନି ଶାକ୍ତି ପା ଇନା ଲାବ୍ ଆକାୟ୍, ଆରେ ଇମ୍‌ଣି ମାନାୟାର୍ ଚାଲାକି ଆଜି କାତା ୱେଚ୍‌ଚେଙ୍ଗ୍ ପୁନାର୍ ହେୱାର୍ କାତା ପା ଇନା ଲାବ୍, ଇନେସ୍‌କି ଈଶ୍ୱର ହେୱାରିଙ୍ଗ୍ ବକୁୱା ଆରେ ହେୱାର୍ ବୁଦିତିଙ୍ଗ୍ ବେକାର୍ ଇଞ୍ଜି ଚଚ୍‌ଚାନ୍‌ନା।

୧ କରନ୍ତିୟ 2:13

ଆରେ ଆପେଙ୍ଗ୍ ଇ ୱିଜୁ ବିଷୟ ଜେକନିକାରିଙ୍ଗ୍ ୱେଚ୍‌ନାପା, ଆପେଙ୍ଗ୍ ଇ ୱିଜୁ ବିଷୟ ୱେଚ୍‌ନି କାଜିଙ୍ଗ୍ ପୁର୍ତିନି ମାନାୟାର୍ ବୁଦିତାଙ୍ଗ୍ ୱେଚ୍‌ଚି କାତାଲେକେ ୱେଚ୍‌ଚୁପା। ମାତର୍ ମାଙ୍ଗେଙ୍ଗ୍ ପବିତ୍ର ଆତ୍ମା ଇମ୍‌ଣି କାତା ୱେଚ୍‌ଚେଙ୍ଗ୍ ହିତ୍‌ତାନ୍‌ନା, ଆରେ ଆପେଙ୍ଗ୍ ହେ ଆତ୍ମା ସାଇଜତାଙ୍ଗ୍ ସତ୍ ବିଷୟତିଙ୍ଗ୍ ବୁଜାୟ୍ କିନାପା।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

ପିଲିପିୟ 4:22

ମହା ରାଜାନି ରାଜ୍ ମହଲ୍‌ତାକେ ମାନି ସାଦୁ ମାନାୟାର୍ ୱିଜାକାର୍ ଜୱାର୍ କିଦ୍‌ନାରା।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

୨ ଯୋହନ 1:1

ଆନେଙ୍ଗ୍ ଯୋହନ, ଆରେ ଆନେଙ୍ଗ୍ ର ମଣ୍ଡ୍‌ଲିନି ପ୍ରାଚିନ୍‌। ଆନେଙ୍ଗ୍ ଇ ଚିଟି ଈଶ୍ୱର ବାଚିକିତି କଗ୍‌ଲେଙ୍ଗ୍ ଆରେ ତା ମେହିର୍ କାଜିଙ୍ଗ୍ ଲେକିକିନାଙ୍ଗା। ଆନେଙ୍ଗ୍ ଇନେସ୍‌କି ଈଶ୍ୱର ସତ୍‌ତିଙ୍ଗ୍ ପୁଚି ମାନାୟାରିଙ୍ଗ୍‌ ପା ଲାଡ୍ କିନାଙ୍ଗା, ହେଲେକେ ଆନେଙ୍ଗ୍ ହେ କଗ୍‌ଲେଙ୍ଗ୍ ତା ମେହିରିଙ୍ଗ୍ ଲାଡ୍ କିନାଙ୍ଗା।