Zephania 2:5 - Pennsylvania Dutch Bible

⁵ Vay zu selli es am say nohch voona, zu di Krethiddah leit! Em Hah sei vatt is geyyich eich Oh Kanaan, es land funn di Philishtah. “Ich zayl dich umbringa biss nimmand may ivvahrich is.”

Zephania 2:5 ပူးပေါင်းရင်းမြစ်များ

Jesoiya 14:29

Froiyet eich nett, diah Philishtah, veil da shtokk es eich shlakt fabrocha is. Fa aus di vatzel funn di shlang kumd en giftichi shlang, iahra frucht zayld en shlang sei es fleekt.

Jesoiya 14:30

Selli es es oahmsht sinn zayla essa, un selli in noht zayla fridda havva. Avvah dei vatzel zayld hungahs-noht havva, dess zayld awl dee es ivvahrich sinn doht macha.

Jeremia 47:7

Avvah vi kann's shvatt roowa vann da Hah's gebott gevva hott, vann eah's gebott gevva hott fa Askalon shlauwa am say nohch?”

Ezekiel 25:16

dann dess is vass da Awlmechtich Hah sawkt: Ich zayl mei hand naus shtrekka geyyich di Philishtah, zayl di Krethiddah leit abshneida un di ivvahricha leit doht macha es am say nohch voona.

Amos 3:1

Heichet's vatt es da Hah auskshprocha hott geyyich eich, diah Kinnah-Israel—geyyich di gans family es ich ruff aus Egypta gebrocht habb:

Amos 5:1

Heichet zu dee vadda, diah funn Israel, dess leicht-leet es ich sing veyyich eich:

Zephania 1:11

Heilet, diah es am market-blatz rumm voonet, awl eiyah kawfah un fakawfah vadda doht gmacht, awl selli es handla in silvah vadda abkshnidda.

Zephania 3:6

“Ich habb gansi heida-lendah zu nix gebrocht, un iahra shteiki vanda nunnah grissa. Ich habb iahra shtrohsa leah gmacht, un nimmand gayt may deich si. Iahra shtett sinn zammah grissa, un nimmand voond may drinn.

Sacharia 1:6

Henn nett mei vadda un mei gebodda, dee es ich zu mei gnechta di brofayda gevva habb, eiyah foah-eldra gedroffa? Si henn no boos gedu un henn ksawt, ‘Da Awlmechtich Hah hott gedu zu uns grawt vass miah fadeend henn deich unsah vayya un verka. Eah hott dess gedu grawt vi eah ksawt hott es eah du zayld.’”

Markus 12:12

Di hohchen-preeshtah, di shrift-geleahrah un di eldishti henn no gegukt vi si een fesht nemma kenda, avvah si henn sich kfeicht veyyich di leit. Si henn fanumma es eah dess gleichnis ksawt katt hott veyyich eena. No sinn si vekk ganga un henn een gay glost.

Joshua 13:2

Dess is es land es noch ivvahrich is: Awl's land funn di Philishtah un di Gessuriddah.

Joshua 13:3

Es land fumm Sihor Revvah east funn Egypta zu's land funn Ekron in di natt is awl Kanaaniddish land. Es heaht zu di fimf Philishtah kaynicha in Gaza, Asdod, Ashkelon, Gath un Ekron—un aw noch di Avviddah.

Richtah 3:3

Dee heida voahra di roolahs funn di fimf shtett funn di Philishtah, awl di Kanaaniddah, di Sidoniddah un di Heffiddah es in di hivla gvoond henn fumm Berg Baal-Hermon biss an Lebo-Hamath.

1. Samuel 30:14

Miah henn's land funn di Kareddah in di saut funn Juda grawbt, un aw's sauda-land funn Kaleb. Un miah henn Ziklag nunnah gebrend mitt feiyah.”