Zephania 1:11 - Pennsylvania Dutch Bible

¹¹ Heilet, diah es am market-blatz rumm voonet, awl eiyah kawfah un fakawfah vadda doht gmacht, awl selli es handla in silvah vadda abkshnidda.

Zephania 1:11 ပူးပေါင်းရင်းမြစ်များ

Hiob 27:16

Even vann eah geld zammah sammeld vi da shtawb, un glaydah sammeld vi grund heifa,

Hiob 27:17

vass eah zammah sammeld, zayld gvoahra sei bei anri, un di unshuldicha fadayla sei silvah.

Jeremia 25:34

Brillet diah shohf-heedah, un heilet; rollet eich in di esh, diah foah-gengah funn di drubb. Eiyah zeit fa kshlacht sei is kumma; diah zaylet falla un fabrocha sei vi keshtlich ksha.

Jeremia 4:8

So doond sekk-glaydah oh un heilet un veinet, fa da shreklich zann fumm Hah is nett vekk gedrayt funn uns.

Ezekiel 21:12

Greish naus un heil, mensha-kind, fa's is geyyich mei leit, es is geyyich di evvahshti funn Israel. Si sinn ivvah-gedrayt zumm shvatt, mitt di ivvahricha funn mei leit. Fasell, shlakk uf dei hift.

Hosea 9:6

Gukket, si missa gay veil si faveesht vadda, Egypta dutt si zammah geddahra, un Memphis zayld si fagrawva. Iahra keshtlich silvah vatt ivvah-gvaxa mitt veetz, un iahra tents mitt danna.

Joel 1:13

Doond sekk-glaydah oh, diah preeshtah, heilet un veinet, diah deenah fumm awldah! Kummet, leiyet di gans nacht in sekk-glaydah, diah es deenet fannich meim Gott, fa di shpeis-opfahra un drink-opfahra vadda zrikk kohva fumm haus funn eiyah Gott.

Joel 1:5

Vekket uf, diah siffah, un veinet, heilet, awl diah es vei drinket. Heilet veil da sees vei vekk gnumma is funn eiyah maul.

Zephania 2:5

Vay zu selli es am say nohch voona, zu di Krethiddah leit! Em Hah sei vatt is geyyich eich Oh Kanaan, es land funn di Philishtah. “Ich zayl dich umbringa biss nimmand may ivvahrich is.”

Sacharia 14:21

Un alli kessel in Jerusalem un Juda zayld heilich sei zumm Awlmechticha Hah. Alli-ebbah es kumd fa opfahra zayld samm funn di kesla nemma fa kocha drinn. An selli zeit zayla kenn Kanaaniddah im Awlmechticha Hah sei haus sei.

Johannes 2:16

Un eah hott ksawt zu dee vo dauva fakawft henn, “Nemmet dee sacha vekk. Machet kenn kawf-haus aus meim Faddah seim haus.”

Jakobus 5:1

Kummet nau, diah reichi, veinet un heilet fa's aylend vo ivvah eich kumma zayld.