Shpricha 8:27 - Pennsylvania Dutch Bible

²⁷ Ich voah datt, vo eah di himla in iahra blatz ksetzt hott, un vo eah da himmel ivvah da deef say kshtrekt hott,

Shpricha 8:27 ပူးပေါင်းရင်းမြစ်များ

Hiob 26:10

Eah hott da ring fumm himmel auskshtrekt ivvah da deef say, fa di helling un's dunkla funn-nannah halda.

Psalm 103:19

Da Hah hott sei kaynich-shtool ufketzt im himmel, un sei Kaynich-Reich roold ivvah alles.

Psalm 136:5

deah es mitt veisheit di himla gmacht hott, fa sei shtandhaftichi-leevi bleibt ayvichlich;

Psalm 33:6

Da himmel voah gmacht bei's vatt fumm Hah, un alles es drinn is bei da ohften funn seim maul.

Shpricha 3:19

Bei veisheit hott da Hah di eaht kshaffa, un bei sei eisicht hott eah di himla in iahra blatz gedu.

Shpricha 8:26

eb Gott di eaht un di feldah gmacht hott, adda even da eahsht shtawb funn di veld.

Shpricha 8:28

vo eah di volka nuff in di hay ksetzt hott, un vo eah di shpringa fumm say uf gmacht hott.

Jesoiya 40:11

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Jeremia 10:12

Gott hott di eaht gmacht mitt sei graft; eah hott di veld gmacht deich sei veisheit, un di himla deich sei fashtand.

Kolosser 1:16

Fa bei eem is alles kshaffa vadda es im Himmel un uf di eaht is, dess vass ma sayna kann un vass ma nett sayna kann. Es macht nix aus eb's geishtlichi kaynich-shteel sinn adda geishtlichi kaynicha, adda geishtlichi ivvah-saynah, adda selli mitt geishtlichi gvald—awl di sacha voahra kshaffa bei eem un fa een.

Hebräer 1:2

Avvah an dee letshta dawwa hott eah kshvetzt zu uns deich sei Sohn, deah vo eah ufketzt hott fa alli sacha eahva, un deich deah es eah aw di veld gmacht hott.