Shpricha 8:17 - Pennsylvania Dutch Bible

¹⁷ Ich leeb selli es mich leeva, un selli es mich sucha zayla mich finna.

Shpricha 8:17 ပူးပေါင်းရင်းမြစ်များ

2. Chronik 34:3

Im achta yoah funn sei kaynich-reich, diveil es eah noch yung voah, hott eah ohkfanga seim foah-faddah Dawfit sei Gott sucha. Im zvelfda yoah hott eah ohkfanga Juda un Jerusalem reinicha funn di hohcha-bletz, di Ashera-poshta, di abgettah un di gleichnisa.

Psalm 91:14

“Veil eah mich leeb hott, dann zayl ich een frei macha,” sawkt da Hah; “veil eah mei nohma vayst, dann zayl ich een heeda.

Shpricha 1:28

no zayla si roofa zu miah, avvah ich zayl kenn andvat gevva; si zayla mich oahrich sucha, avvah si zayla mich nett finna,

Shpricha 2:4

un vann du sell suchsht es vi fa silvah, un guksht difoah es vi fa keshtlich fashtekkeld sach,

Shpricha 2:5

no zaylsht du di furcht fumm Hah fashtay, un zaylsht di vissaheit funn Gott finna.

Shpricha 4:6

Faloss di veisheit nett, un see gebt acht uf dich; hald see leeblich, un see vatsht ivvah dich.

Shpricha 8:16

Deich mich doon di evvahshta roola, un aw awl di richtah uf di eaht.

Breddichah 12:1

Fagess nett deah es dich kshaffa hott diveil es du noch yung bisht, un eb di evila dawwa kumma un di yoahra nayksht kumma vann du sawksht, “Si kfalla miah nett”—

Hohches Leet 3:4

Grawt noch demm es ich si falossa habb, habb ich sellah kfunna es mei hatz leeb hott. Ich habb een kohva un habb nett gay glost funn eem biss ich een zu mei maemm iahra haus gebrocht habb, an di shtubb es ich geboahra voah drinn.

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Jesoiya 55:6

Suchet da Hah diveil es eah kfunna sei kann, roofet zu eem diveil es eah nayksht is.

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

Markus 10:14

Vo Jesus dess ksenna hott voah eah ausfix un hott eena ksawt, “Losset di kinnah zu miah kumma un fahinnahret si nett. Es Kaynich-Reich funn Gott is uf gmacht funn sohwichi.

Johannes 14:21

Deah vo mei gebodda hott, un si hald, deah dutt mich leeva. Un mei Faddah dutt deah leeva vo mich leebt, un ich du een leeva un du mich veisa zu eem.”

Johannes 14:23

Jesus hott eem ksawt, “Vann ebbah mich leeb hott, hald eah mei Vatt. Un mei Faddah leebt een, un miah kumma zu eem un macha unsah haymet bei eem.

Johannes 16:27

Da Faddah selvaht leebt eich veil diah mich gleebt hend, un geglawbt hend es ich fumm Faddah kumma binn.

Johannes 5:4

Fa alsamohl is en engel nunnah in's vassah ganga un hott's uf kshtatt. Veah-evvah es seahsht in's vassah ganga is noch demm es es uf kshtatt voah is kayld vadda funn sei granket.

Johannes 7:37

Uf'm letshta un em grayshta dawk fumm fesht is Jesus ufkshtanna un hott eahnshtlich ksawt, “Vann ennich ebbah dashtich is, loss een zu miah kumma un drinka.

Jakobus 1:5

Vann ennich ebbah veisheit brauch unnich eich, loss een frohwa funn Gott, deah vo reichlich un geahn gebt zu awl mensha unni faylah finna, un dess vatt eem no gevva.

1. Johannes 4:19

Miah leeva een veil eah uns seahsht gleebt hott.

1. Samuel 2:30

Fasell sawkt da Hah Gott funn Israel, ‘Ich habb fashprocha es dei haus-halding un dei faddah sei haus-halding fannich miah lawfa sella fa'immah.’ Avvah nau sawkt da Hah, ‘'Sis veit funn miah; selli es mich eahra, zayl ich eahra; avvah selli es mich fa'achta zayla fa'acht vadda.