Shpricha 7:26 - Pennsylvania Dutch Bible

²⁶ See hott feel fashvetzt biss si kfalla sinn, un see is di shuld fa da doht funn en grohsi drubb.

Shpricha 7:26 ပူးပေါင်းရင်းမြစ်များ

2. Samuel 3:27

Vo da Abner zrikk an Hebron kumma is, hott da Joab een nayva anna gnumma an's doah. Eah hott ohglost es vann eah laynich shvetza vett zu eem. Un datt, fa's bloot auseeva funn sei broodah da Asahel, hott da Joab een in da bauch kshtocha es eah kshtauva is.

Nehemia 13:26

Voah's nett deich sacha vi dess es da Solomon, da kaynich funn Israel, ksindicht hott? Es voah kenn kaynich vi een unnich di feel heida. Eah voah beleebt bei sei Gott, un Gott hott een kaynich gmacht ivvah gans Israel. Avvah even eah voah in sinda nei kfiaht bei ausahri veibsleit.

Shpricha 2:18

Iahra haus fiaht nunnah zumm doht, un iahra pawda zu di geishta funn di dohda.

Shpricha 23:28

see leit am voahra vi en rawvah, un macht feel mansleit nett eahlich sei zu iahra veivah.

Shpricha 6:33

Eah vatt vay gedu un vatt fashand, un sei shand vatt nett ausgrivva.

Shpricha 7:27

Iahra haus is da vayk zumm grawb, un's fiaht nunnah zumm doht.

Shpricha 9:18

Avvah leit vissa nett es alli-ebbah um kumd es zu iahra gayt, un es selli es see psucha shund im deefa grawb sinn.

1. Korinther 10:8

Loss uns aw nett huahrahrei dreiva vi samm funn eena henn, un in ay dawk sinn drei un zvansich dausend umkumma.

2. Korinther 12:21

Ich feicht vann ich viddah kumm, dutt mei Gott mich daymeedich macha fannich eich. Un no muss ich bedreebt sei ivvah feel funn selli vo difoah ksindicht henn un henn nett boos gedu fa unreinichkeit, huahrahrei un ungerechtichkeit es si gedu katt henn.

1. Petrus 2:11

Leevi breedah, ich famohn eich es auslendah un fremdi leit in di veld, gevvet nett ei zu eiyah flayshlichah lusht vo shtreit macht geyyich di sayl.

Richtah 16:21

No henn di Philishtah een gnumma un henn sei awwa raus kshtocha, un henn een nunnah an Gaza gebrocht. Si henn een gebunna mitt bronze kedda, un datt henn si een gmacht frucht mawla in di jail.