Shpricha 6:19 - Pennsylvania Dutch Bible

¹⁹ En falshah zeiyah es leekt, un ebbah es druvvel uf shtatt unnich breedah.

Shpricha 6:19 ပူးပေါင်းရင်းမြစ်များ

Psalm 27:12

Du mich nett ivvah-drayya zumm villa funn mei feinda, fa leit es falshi zeiyah sinn, sinn ufkshtanna geyyich mich, un si doon miah shawda.

Psalm 35:11

Falshi zeiya kumma foah; si frohwa mich sacha es ich nix vays diveyya.

2. Mosi 20:16

Du solsht kenn falshi zeiknis gevva veyyich dei nochbah.

2. Mosi 23:1

“Du solsht kenn leeya drawwa veyyich anri leit. Helf en ungettlichah mann nett bei en falsh zeiknis gevva fa een.

Shpricha 12:17

Veah di voahheit sawkt, sawkt vass recht is, avvah en falshah zeiyah sawkt leeya.

Shpricha 14:5

En shtandhaftichah zeiyah dutt nett leeya, avvah en falshah zeiyah dutt immah leeya.

Shpricha 16:28

En gottlohsah mensh shtroit shtreit, un aynah es kshvetzah drawkt kumd zvishich leit es freind sinn.

Shpricha 19:5

En falshah zeiyah zayld nett unkshtrohft gay, un sellah es leeya sawkt zayld nett frei gay.

Shpricha 19:9

Sellah es falshi zeiya gebt, zayld nett unkshtrohft gay, un sellah es leeya sawkt kumd um.

Shpricha 21:28

En falshah zeiyah zayld umkumma, avvah veah goot abheicht, sei zeiknis bleibt ayvichlich.

Shpricha 22:10

Dreib da shpoddah naus, un shtreit gayt aw naus, no vatt's zarres un veeshti kshvetzah aw kshtobt.

Shpricha 25:18

En mann es falshi zeiya drawkt veyyich sei nochbah, is vi en shpiah, en shvatt adda en shaufah arrow.

Shpricha 26:20

Unni hols gayt's feiyah aus, un unni kshvetzah, shtobt da shtreit.

Shpricha 6:14

diveil es eah am sich rishta is fa evil du mitt falshheit im hatz, un fa shtreit shtroiya.

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Matthäus 15:19

Fa aus em hatz kumma shlechti gedanka, maddahrei, aybruch, huahrahrei, shtaylahrei, falshi zeiya, leshtahra.

Matthäus 26:59

Nau di hohchen-preeshtah un di eldishti un di gans Council henn gegukt fa falshi zeiknis geyyich Jesus, so es si een doht macha kenna.

Di Apostelgeschichte 6:13

No henn si leit grikt fa en falsh zeiknis gevva geyyich een. Si henn ksawt, “Deah mann heaht nett uf leshtah-vadda sawwa geyyich deah heilich-blatz un's Ksetz.

2. Timotheus 2:23

Hald dich aus dummi un unaydichi eiyahnisa. Du vaysht es selli yusht shtreit macha.

Jakobus 3:18

Di frucht funn gerechtichkeit vatt ksayt im fridda bei selli vo fridda macha.