Shpricha 6:17 - Pennsylvania Dutch Bible

¹⁷ Shtolsi awwa, falshi zunga, hend es unshuldich bloot fageesa,

Shpricha 6:17 ပူးပေါင်းရင်းမြစ်များ

2. Kaynicha 21:16

Un vass may is, da Manasse hott so feel unshuldich bloot fagossa es es bloot gloffa is in di shtrohsa funn Jerusalem funn aym end biss an's anra. Nayvich awl demm, hott eah Juda gmacht sindicha so es si gedu henn vass evil voah in di awwa fumm Hah.

2. Kaynicha 24:4

un aw fa's unshuldich bloot es eah fagossa hott. Eah hott Jerusalem kfild katt mitt unshuldich bloot, un da Hah voah nett villing fa sell fagevva.

Psalm 10:4

Da gottlohs in sei shtolsheit sucht nett fa een; awl sei gedanka sinn, “Es hott kenn Gott.”

Psalm 101:5

Ich zayl ennich ebbah shtill macha es hinna rumm shvetzt veyyich sei nochbah. Ich vill nix zu du havva mitt ebbah es grohs-feelich un hohchmeedich is.

Psalm 131:1

Mei hatz is nett shtols, oh Hah, un ich hayb mei awwa nett hohch uf. Ich hald mich nett uf mitt grohsi sacha, adda sacha es zu vundahboah sinn fa mich.

Psalm 18:27

Du helfsht leit es daymeedich sinn, avvah di shtolsa bringsht du nunnah.

Psalm 31:18

Mach shtill di leftz es leeya, selli es hohchmeedich shvetza geyyich di gerechta mitt grohs-feelichi un shtolsi kshvetzah.

Psalm 5:6

Du bringsht selli um es leeya; da Hah hast bloot-fageesah un uneahlichi mennah.

Psalm 5:7

Avvah deich dei grohsi leevi, kann ich in dei haus kumma; ich deen dich in deim heilicha tempel, un bikk mich nunnah zu diah in furcht.

Shpricha 1:11

Vann si sawwa, “Kumm mitt uns; vella uns fashtekla un voahra fa ebbah sei bloot fageesa, vella uf ebbah unshuldiches lohs gay unni uahsach;

Shpricha 1:16

Iahra fees shpringa zumm evila, si sinn kshvind am bloot fageesa.

Shpricha 12:22

Da Hah hast meilah es leeya, avvah eah hott frayt mitt di shtandhafticha.

Shpricha 14:5

En shtandhaftichah zeiyah dutt nett leeya, avvah en falshah zeiyah dutt immah leeya.

Shpricha 16:5

Ebbah mitt en shtols hatz is grausam zumm Hah, un eah zayld geviss nett unkshtrohft gay.

Shpricha 17:7

Es shtayt en dummah mann nett goot oh fa grohs shvetza, un noch feel vennichah sett en roolah leeya.

Shpricha 21:4

Hohch-oahrichi awwa un en shtols hatz— di lichtah funn di gottlohsa—sinn sinda.

Shpricha 26:28

En falshi zung hast selli leit es see vay dutt, un gladdi leftz bringa yusht fadeahves.

Shpricha 28:17

Ebbah es mensha-bloot shuldich is, zayld sich fashtekkeld halda biss an's grawb; loss nimmand eem helfa.

Shpricha 30:13

selli es iahra awwa hohch uf hayva, un gukka so grohs-feelich rumm;

Shpricha 6:16

Es sinn sex sacha es da Hah hast, un sivva es eah nett shtenda kann:

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Jesoiya 2:11

Di hohcha awwa fumm mann vadda gedaymeedicht, un di shtolsa mennah vadda niddah gebrocht; Da Hah laynich zayld hohch ufkohva sei in sellah dawk.

Jesoiya 3:16

Da Hah sawkt, “Di veibsleit funn Zion sinn shtols, si lawfa mitt iahra kebb in di hay, un mitt lusht in di awwa, si lawfa rumm mitt katzi shritt, un macha di rings klingla an iahra fees.

Jesoiya 3:9

Da vayk vi iahra ksichtah gukka zeikt geyyich si; si veisa iahra sinda fanna rumm es vi Sodom, si fashtekla si nett. Vay zu eena! Si henn grohsah druvvel uf sich selvaht gebrocht.

Jeremia 26:15

Avvah seind shuah funn demm, vann diah mich doht machet, dann sind diah am unshuldich bloot uf eich selvaht un uf dee shtatt bringa. Un dess gayt aw fa selli es in di shtatt voona, veil da Hah mich kshikt hott fa awl dee vadda sawwa es diah awl si heahra kennet.”

Johannes 8:44

Diah sind funn eiyahm faddah, da Deivel, un diah vellet eiyahm faddah sei falanga ausfiahra. Eah voah en doht-shlayyah fumm ohfang un eah hott nix zu du mitt di voahheit, veil kenn voahheit in eem is. Vann eah leeya sawkt, shvetzt eah noch sei aykni naduah, veil eah en leeyah is, un da faddah funn leeya is.

5. Mosi 19:10

Dess is so es unshuldich bloot nett fagossa vatt in eiyah land es da Hah eiyah Gott am eich gevva is fa en eahbshaft, un so es diah nett shuldich sind funn bloot fageesa.

5. Mosi 27:25

“Faflucht is ennich ebbah es geld nemd fa en unshuldichah mensh doht macha.” No sella awl di leit sawwa, “Amen!”

1. Petrus 5:5

In en gleichlichah vayk, diah vo yingah sind, gevvet eich unnich selli vo eldah sinn. Glaydet eich mitt daymoot geyyich nannah, fa “Gott veaht sich geyyich di shtolsa, avvah gebt gnawt zu di daymeedicha.”

Di Offenbarung 22:15

Autseit sinn di hund, di hexah, dee vo huahrahrei dreiva, di doht-shlayyah, dee vo abgettah ohbayda, un awl selli es di falshheit gleicha un es leeya doon.