Shpricha 6:16 - Pennsylvania Dutch Bible

¹⁶ Es sinn sex sacha es da Hah hast, un sivva es eah nett shtenda kann:

Shpricha 6:16 ပူးပေါင်းရင်းမြစ်များ

2. Kaynicha 21:16

Un vass may is, da Manasse hott so feel unshuldich bloot fagossa es es bloot gloffa is in di shtrohsa funn Jerusalem funn aym end biss an's anra. Nayvich awl demm, hott eah Juda gmacht sindicha so es si gedu henn vass evil voah in di awwa fumm Hah.

Hiob 5:19

Aus em druvvel nemd eah dich sex mohl; even sivva mohl dutt evil diah kenn shawda.

Psalm 11:5

Da Hah broviaht di gerechta un di gottlohsa aus, un selli es gvald gleicha dutt em Hah sei sayl hassa.

Psalm 5:7

Avvah deich dei grohsi leevi, kann ich in dei haus kumma; ich deen dich in deim heilicha tempel, un bikk mich nunnah zu diah in furcht.

Shpricha 11:1

Da Hah hast en vohk es uneahlich veekt, avvah en eahlich gvicht is eem kfellich.

Shpricha 11:20

Da Hah hast mensha mitt falshi hatza, avvah eah hott frayt mitt selli es unshuldich lawfa.

Shpricha 12:22

Da Hah hast meilah es leeya, avvah eah hott frayt mitt di shtandhafticha.

Shpricha 17:15

Di shuldicha frei gay lossa, adda di unshuldicha shtrohfa— da Hah hast si awl zvay.

Shpricha 20:10

Dess sinn zvay sacha es da Hah hast, uneahlichi gvichtah fa veeya, un uneahlichi ksharra fa messa.

Shpricha 20:23

Da Hah hast unnahshidlichi gvichtah fa veeya, un en falshi vohk is nett goot.

Shpricha 21:4

Hohch-oahrichi awwa un en shtols hatz— di lichtah funn di gottlohsa—sinn sinda.

Shpricha 3:32

Da Hah hast ebbah es evil dutt, avvah eah is en freind zumm ufrichticha.

Shpricha 30:18

Drei sacha sinn zu vundahboah fa mich, fiahda doon ich nett fashtay:

Shpricha 30:21

Di eaht shiddeld unnich drei sacha, un unnich fiahda kann see's nett shtenda:

Shpricha 30:24

Fiah dingah uf di eaht sinn glay, avvah si henn grohsi veisheit:

Shpricha 30:29

Es sinn drei dingah es shtols lawfa, fiahra es lawfa mitt iahra kebb in di hay:

Shpricha 6:15

Fasell kumd druvvel uf een, bletzlich unni vanning; uf aymol kumd fadauves uf een es nett kayld sei kann.

Shpricha 6:17

Shtolsi awwa, falshi zunga, hend es unshuldich bloot fageesa,

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Jeremia 26:15

Avvah seind shuah funn demm, vann diah mich doht machet, dann sind diah am unshuldich bloot uf eich selvaht un uf dee shtatt bringa. Un dess gayt aw fa selli es in di shtatt voona, veil da Hah mich kshikt hott fa awl dee vadda sawwa es diah awl si heahra kennet.”

Amos 1:11

Dess is vass da Hah sawkt: “Fa di feel sinda funn di leit funn Edom, even fa drei adda fiah, dann dray ich nett vekk funn si shtrohfa. Veil si iahra broodah Israel nohch ganga sinn mitt em shvatt, un henn kenn bamhatzichkeit gvissa, veil si veedich bays voahra di gans zeit, un iahra zann nett zrikk kohva henn,

Amos 1:3

Dess is vass da Hah sawkt: “Fa di shtatt Damascus iahra feel sinda, even fa drei adda fiah, dann dray ich nett vekk funn si shtrohfa. Veil si Gilead gedrosha henn bei en shlayf mitt eisichi zay ivvah si zeeya,

Amos 1:6

Dess is vass da Hah sawkt: “Fa di shtatt Gaza iahra feel sinda, even fa drei adda fiah, dann dray ich nett vekk funn si shtrohfa. Veil si en gans folk vekk gnumma henn funn haym, un di leit fakawft henn zumm land Edom,

Amos 1:9

Dess is vass da Hah sawkt: “Fa di shtatt Tyrus iahra feel sinda, even fa drei adda fiah, dann dray ich nett vekk funn si shtrohfa. Veil si awl di leit in em land kfanga henn un si fakawft henn zumm land Edom, un's bund nett kalda henn es breedah henn zu nannah,

Amos 2:1

Dess is vass da Hah sawkt: “Fa di feel sinda funn di leit funn Moab, even fa drei adda fiah, dann dray ich nett vekk funn si shtrohfa. Veil si di gnocha funn Edom iahra kaynich fabrend henn zu esh,

Amos 2:4

Dess is vass da Hah sawkt: “Fa di feel sinda funn di leit funn Juda, even fa drei adda fiah, dann dray ich nett vekk funn si shtrohfa. Veil si em Hah sei ksetz nunnah gedrayt henn, un sei gebodda nett kalda henn, veil si sich fafiahra glost henn bei falshi abgettah, di abgettah es iahra foah-feddah nohch ganga sinn,

Amos 2:6

Dess is vass da Hah sawkt: “Fa di feel sinda funn di leit funn Israel, even fa drei adda fiah, dann dray ich nett vekk funn si shtrohfa. Si fakawfa di gerechta fa geld, un di oahma fa en poah shoo.

Sacharia 8:17

Machet nett aus in eiyah hatza fa nannah evil du, un lohvet nett falshi zeiknis. Dee sinn di sacha es ich hass,” sawkt da Hah.

5. Mosi 23:18

Diah sellet's huahra-lohn-geld funn en manskal adda veibsmensh huah nett in's haus fumm Hah eiyah Gott bringa, even fa en fashprechnis-opfah. Da Hah hast si awl zvay.

5. Mosi 24:4

no soll da eahsht mann es see keiyaht katt hott see nett viddah heiyahra, nochdem es see unrein is. Sell veah en eiyahnis zumm Hah. Doond nett sind uf's land bringa es da Hah eiyah Gott am eich gevva is fa en eahbshaft.

5. Mosi 25:16

'Sis grauslich zumm Hah eiyah Gott vann ebbah so sach dutt un uneahlich is.

Di Offenbarung 21:27

Nix unreines zayld nei gay, un aw nett ennich ebbah es leekt adda shandlichi sacha dutt. Yusht selli vo iahra nayma im Lamm sei buch funn layva kshrivva grikt henn kenna nei gay.