Shpricha 6:12 - Pennsylvania Dutch Bible

¹² En gottlohsah un nix-nutzichah mensh, gayt rumm un sawkt leeya.

Shpricha 6:12 ပူးပေါင်းရင်းမြစ်များ

Psalm 10:3

Di gottlohsa braekka veyyich em evil es si im sinn henn; si saykna da greedich mann un drayya sich vekk fumm Hah.

Psalm 10:7

Sei maul is foll mitt fluch vadda, leeya un en gedroi; druvvel un evil sinn unnich sei zung.

Psalm 101:3

Ich loss kenn evil ding fannich mei awwa kumma; ich hass di eahvet funn selli es vekk falla, un ich loss iahra sacha nett ivvah-nemma in miah.

Psalm 36:3

Di vadda funn iahra maul sinn gottlohs un falsh, si henn kenn veisheit may fa goot du.

Psalm 59:7

Gukk moll, si fafolka mitt iahra meilah, shvadda kumma aus iahra leftz, fa si sawwa, “Veah heaht dess?”

Shpricha 10:32

Di leftz funn di gerechta shvetza kshikti sacha, avvah's maul funn di gottlohsa shvetzt falshheit.

Shpricha 11:6

Di gerechtichkeit funn di ufrichticha hald si aus di kfoah, avvah di uneahlicha vadda kfanga bei iahra ayknah lusht.

Shpricha 16:27

En nix-nutzichah mann hott evil im sinn, un sei kshvetz is vi hays feiyah.

Shpricha 16:30

Veah vinkt mitt sei awwa, hott nix goodes im sinn, un veah mohshend mitt di leftz hott evil in meind.

Shpricha 17:4

En evilah mensh heicht ab zu evili leftz, un aynah es leekt heicht ab zu en falshi zung.

Shpricha 2:12

un dich vekk halda fumm evila vayk, un funn mennah es ungettlich shvetza,

Shpricha 3:32

Da Hah hast ebbah es evil dutt, avvah eah is en freind zumm ufrichticha.

Shpricha 4:24

Loss dei maul nett leeya sawwa, un hald letzi kshvetzah veit vekk funn dei leftz.

Shpricha 6:14

diveil es eah am sich rishta is fa evil du mitt falshheit im hatz, un fa shtreit shtroiya.

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Jeremia 24:2

Ayns funn di keahb hott shayni feiya drinn katt, so vi selli es seahsht zeidich vadda. Da annah koahb hott shlechti feiya drinn katt, zu shlecht fa essa.

Matthäus 12:34

Diah kinnah funn shlanga! Vi kennet diah vo evil sind goodi sacha sawwa? Da mensh sawkt mitt em maul, vass fumm hatz ivvah-lawft.

Di Apostelgeschichte 20:30

Es zayla aw aus eich selvaht mennah kumma es sacha fadrayya zayla fa broviahra yingah zu sich zeeya.

1. Timotheus 5:13

Un nayvich sellem, si lanna fa faul vadda un rumm gay funn haus zu haus. Un's is nett yusht es si nimmi shaffa vella, avvah si drawwa kshvetzah un shtadda anri leit uf bei sacha sawwa es si nett sedda.

Jakobus 1:21

So dann, doond alles vekk es unsauvah un ungerecht is, un mitt daymoot nemmet's Vatt oh es in eich geblanst is. Dess is es Vatt vo eiyah sayl saylich macha kann.

Jakobus 3:6

Di zung is aw en feiyah. See is en veld foll ungerechtichkeit, un macht's gans ivvahrich fumm leib unrein. See shtekt unsah gans layva oh mitt feiyah un is selvaht ohkshtekt bei em feiyah funn di hell.

1. Samuel 17:28

Vo sei eldshtah broodah, da Eliab, da Dawfit keaht hott shvetza zu di mennah, hott eah gebrend mitt zann un hott een kfrohkt, “Favass bisht du do runnah kumma? Un mitt vemm hosht du selli poah shohf glost draus in di vildahnis? Ich vays vi grohs-feelich es du bisht un vi gottlohs es dei hatz is. Du bisht yusht do runnah kumma fa di leit vatsha fechta.”