Shpricha 4:11 - Pennsylvania Dutch Bible

¹¹ Ich habb dich gland im vayk funn di veisheit, un habb dich in grawdi pawda kfiaht.

Shpricha 4:11 ပူးပေါင်းရင်းမြစ်များ

Psalm 23:3

Eah gebt mei sayl neiyi grefta. Eah fiaht mich in di rechta pawda, fa da sayk funn sei nohma.

Shpricha 2:20

So musht du da vayk lawfa funn goodi mennah, un dich uf di pawda funn di gerechta halda.

Shpricha 4:4

hott mei daett mich gland un hott ksawt, “Nemm hohld funn mei vadda mitt deim gans hatz; hald mei gebodda un du zaylsht layva.

Shpricha 8:20

Ich lawf uf em vayk funn gerechtichkeit, un uf di pawt funn vass recht is.

Shpricha 8:6

Heichet, fa ich habb nohtvendichi sacha zu sawwa; mei leftz shvetza vass recht is.

Shpricha 8:9

Si sinn goodi vadda zu alli-ebbah es fashtayt, un sinn gans recht zu selli mitt eisicht.

Breddichah 12:9

Da Breddichah hott nett yusht veisheit katt, avvah eah hott aw di leit gland un eena eisicht gevva. Eah hott sacha ivvah-gedenkt un ausksucht un feel shpricha ufkokt.

Di Apostelgeschichte 13:10

un hott ksawt, “Oh du kind fumm Deivel. Du bisht foll falshheit un dusht leit fafiahra. Du bisht geyyich awl gerechtichkeit. Zaylsht du nee nett ufheahra di rechta vayya fumm Hah fadrayya?

5. Mosi 4:5

Gukket nau, ich habb eich di gebodda un adninga gland vi da Hah mei Gott mich gebodda katt hott. Dess is so es diah si haldet im land es diah am nei gay sind fa's ivvah-nemma.