Shpricha 31:4 - Pennsylvania Dutch Bible

⁴ Heich moll, Lemuel, kaynicha sedda nett vei drinka, roolahs sedda nett en falanges havva fa shteik drinkes,

Shpricha 31:4 ပူးပေါင်းရင်းမြစ်များ

1. Kaynicha 16:9

Em Ela sei gnecht, da Simri, es da ivvah-saynah voah funn dihelft fumm kaynich sei greeks-veyya, hott sich ufkokt geyyich da Ela. Da Ela voah ay dawk in Thirza am ksoffa vadda in di haymet fumm Arza, da mann es ivvah's kaynich-haus voah in Thirza.

1. Kaynicha 20:12

Da Benhadad hott dess vatt keaht diveil es eah un di anra kaynicha am drinka voahra in iahra tents. No hott eah ksawt zu sei mennah, “Rishtet eich fa fechta.” So henn si sich grisht fa di shtatt fechta.

Esther 1:10

Uf em sivvada dawk vo da kaynich in en goodah moot voah fumm vei, hott eah sei sivva kammah-gnechta bei groofa es eem abgvoaht henn. Dee voahra da Mehuman, da Bistha, da Harbona, da Bigtha, da Abagatha, da Sethar un da Karkas.

Esther 3:15

Veil da kaynich dess gebott gevva katt hott, sinn di mail-mennah naus ivvah's land ganga, un's gebott voah aw bekand gmacht in di kaynich-shtatt Susa. Da kaynich un da Haman henn sich anna kokt fa drinka, avvah di shtatt Susa voah fashtatzt.

Shpricha 20:1

Vei is en shpoddah, un shteik drinkes macht em vild, veah-evvah es fafiaht vatt dibei is nett shmeaht.

Shpricha 23:34

Du zaylsht sei vi ebbah am shlohfa draus uf em say, vi ebbah am zrikk un faddi shvinga drovva uf em shiff sei maest.

Breddichah 10:17

Avvah ksaykend bisht du, oh land, vann dei kaynich geboahra voah funn en kaynichi nohch-kummashaft, un dei evvahshti essa an di recht zeit— fa grefta greeya un nett fa ksoffa vadda.

Jesoiya 5:22

Vay zu selli es mayna si sinn grohs bei feel vei saufa, un shteiki mennah sinn bei shteik drinkes mixa,

Habakuk 2:5

Un veidah, vei drinkes dutt da shtols mann fafiahra, so es eah shtols un unruich is. Eah is greedich vi's grawb, un vi da doht, is nee nett zufridda. Eah sammeld awl di heida zu sich selvaht, un geddaht awl di leit zu sich.