Shpricha 3:9 - Pennsylvania Dutch Bible

⁹ Gebb em Hah eah bei eem gevva funn vass du hosht, un gebb eem's eahsht-frucht funn deim land.

Shpricha 3:9 ပူးပေါင်းရင်းမြစ်များ

1. Mosi 28:22

Deah shtay es ich uf's end kshteld habb fa en ohdenkes-shtay zayld Gott sei haus sei, un funn alles es du miah gebsht zayl ich geviss en zeyyadel zu diah gevva.”

2. Chronik 31:10

un da Asaria, da evvahsht preeshtah, im Zadok sei kshlecht, hott ksawt, “Siddah es di leit ohkfanga henn iahra sach an da tempel fumm Hah bringa, henn miah genunk katt zu essa, un henn noch feel ivvahrich, veil da Hah sei leit ksaykend hott. Sell is favass so feel sach ivvahrich is.”

2. Chronik 31:21

In alles es eah ohkfanga hott fumm deensht im Gott sei tempel fa's Ksetz un di gebodda halda hott eah gedu bei sei Gott folshtendich sucha. Deich sell hott's goot auskshaft fa een.

Psalm 144:13

Loss unsah sheiyahra foll sei mitt alli sadda frucht; loss unsah shohf sich fameahra bei di dausend, un bei di zeyya dausend in di feldah.

2. Mosi 22:29

Du solsht di frucht opfahra un di vei opfahra nett zrikk hayva. Da eahsht-geboahra sohn solsht du miah gevva.

2. Mosi 23:16

Du solsht's feiyah-dawk-fesht funn di eahn halda, vo du's eahsht-frucht funn dei eahvet bringsht es du ksayt hosht in deim feld. Un du solsht's feiyah-dawk-fesht funn eisamling halda. Dess is am end fumm yoah vann du awl's frucht funn dei eahvet rei aus em feld gebrocht hosht.

2. Mosi 23:19

Du solsht's eahsht-frucht funn deim land in's haus fumm Hah dei Gott bringa. Un du solsht en yung gaysli nett kocha in di millich funn sei muddah.

2. Mosi 34:26

'S besht fumm eahshta frucht fumm land solsht du an's haus fumm Hah dei Gott bringa. Du solsht kenn gaysli kocha in di millich funn sei muddah.”

Shpricha 11:25

Veah reichlich gebt, zayld goot ab sei, un veah anri reichlich gebt zu drinka, zayld selvaht nett fadashta.

Shpricha 14:31

Veah-evvah es di oahma nunnah drett, leshtaht Sellah es si gmacht hott, avvah ebbah es bamhatzich is zu selli in noht, eaht Gott.

Jesoiya 43:23

Du hosht miah kenn shohf gebrocht fa brand-opfah, un miah aw kenn eah gevva mitt shlacht-opfah. Ich habb dich nett nunnah glawda mitt shpeis-opfah, adda dich meet gmacht mitt insens brenna.

3. Mosi 19:25

No im fimfda yoah daufet diah's obsht essa. Sellah vayk greeya eiyah baym may obsht. Ich binn da Hah eiyah Gott.

4. Mosi 15:20

Fumm eahshta dayk sellet diah en kucha opfahra fa en hayb-opfah fumm dresha-floah.

Matthäus 25:17

So aw, is sellah vo zvay dausend dawlah katt hott ganga un hott zvay dausend may gmacht.

1. Korinther 16:2

Uf em eahshta dawk funn di voch loss alli-ebbah samm geld vekk du es en dayl is funn vass eem gevva voah. Dess is so es diah kenn geld uf macha misset vann ich moll kumm.

5. Mosi 14:29

Dess is fa di Lefiddah es kenn eahbshaft henn, fa di ausahra un fa di kinnah unni eldra un di vitt-veivah in eiyah shtett. Si kenna kumma un sich satt essa so es da Hah eiyah Gott eich saykna kann fa awl di eahvet funn eiyah hend.