Shpricha 3:25 - Pennsylvania Dutch Bible

²⁵ Feich dich nett veyyich unfahoft druvvel, adda veyyich's fadauves es uf di gottlohsa kumd,

Shpricha 3:25 ပူးပေါင်းရင်းမြစ်များ

Psalm 112:7

Eah feicht sich nett vann shlecht vatt bei kumd, sei hatz is shtandhaftich un draut in da Hah.

Psalm 73:19

Si vadda bletzlich zu nix gebrocht, si vadda vekk gekeaht zu en heslich end.

Psalm 91:5

Du zaylsht dich nett feicha veyyich em angsht funn di nacht, adda da arrow es fleekt deich da dawk,

Shpricha 1:27

Vann angsht ivvah eich kumd vi en shtoahm, vann druvvel ivvah eich kumd vi en vind-veahvel, un vann dreebsawl un druvvel ivvah eich kumd,

Jesoiya 54:14

In gerechtichkeit zaylsht du gegrund vadda; du zaylsht veit vekk funn nunnah-dreddes sei, un brauchsht dich nett feicha. Fagelshtaht sei is veit vekk, un kumd nett nayksht zu diah.

Micha 4:4

Alli-ebbah zayld unnich sei ayknah vei-shtokk hokka un unnich sei ayknah feiya-bohm. Nimmand zayld si macha sich feicha, fa da Awlmechtich Hah hott dess ksawt mitt seim maul.

Sacharia 9:8

Ich setz mich uf um mei haus rumm, un vatsh so es nimmand zrikk un faddi gayt. Mei leit vadda nee nimmi nunnah gedredda, funn nau on vatsh ich ivvah mei leit.

Matthäus 24:15

(Loss da laysah fashtay.) Vann diah dess veesht ding vo alles fadaubt saynet shtay im heilicha-blatz—dess is vass da brofayt Daniel kshvetzt hott diveyya—

Matthäus 24:6

Un diah zaylet heahra funn greek un kshvetzah funn greek. Saynet es diah nett gedruvveld sind, fa dess muss blatz nemma, avvah's end is noch nett do.

Markus 4:40

No hott eah ksawt zu eena, “Favass feichet diah eich? Hend diah kenn glawva?”

Lukas 21:9

Vann diah heahret funn greek un unroo, feichet eich nett; fa dess muss seahsht blatz nemma, avvah's end is noch nett grawt do.”

Johannes 14:1

“Losset eiyah hatza nett gedruvveld sei; glawvet an Gott un glawvet aw an mich.

1. Petrus 3:14

Avvah vann diah leida misset fa di sayk funn gerechtichkeit, dann sind diah ksaykend. Feichet eich nett veyyich iahra gedroi un seind nett gedruvveld,