Shpricha 3:2 - Pennsylvania Dutch Bible

² Fa si zayla diah en lang layva, langi yoahra, un fridda bringa.

Shpricha 3:2 ပူးပေါင်းရင်းမြစ်များ

1. Kaynicha 3:14

Un vann du in mei vayya lawfsht, un haldsht mei adninga un gebodda vi dei faddah da Dawfit hott, dann gevvich diah en lang layva.”

Hiob 5:26

Du kumsht an's grawb an en goodi eld, vi zeidichi vaytza-shayb an di eahn.

Psalm 119:165

Selli es dei ksetz leeb henn, henn grohsah fridda, un nix kann si shtolbahra macha.

Psalm 128:6

un du zaylsht layva fa dei kinnah iahra kinnah sayna. Fridda sei uf Israel!

Psalm 21:4

Eah hott dich kfrohkt fa layva, un du hosht eem's gevva, en lang layva, fa'immah un immah.

Psalm 91:16

Ich zayl een zufridda macha mitt en lang layva, un zayl eem mei saylichkeit veisa”.

Shpricha 10:27

Di furcht fumm Hah macht's layva lengah, avvah di yoahra funn di gottlohsa vadda fakatzt.

Shpricha 16:31

Veis-grohwi hoah is vi en krohn funn hallichkeit, un is fadeend bei en gerecht layva fiahra.

Shpricha 4:10

So heich mich ab, mei kind, un nemm oh vass ich sawk, no zaylsht du en lang layva havva.

Shpricha 4:4

hott mei daett mich gland un hott ksawt, “Nemm hohld funn mei vadda mitt deim gans hatz; hald mei gebodda un du zaylsht layva.

Shpricha 9:11

Fa deich mich vadda dei dawwa feel, un di yoahra funn deim layva vadda may.

Jesoiya 32:17

Di frucht funn gerechtichkeit zayld fridda sei, un sell vass aus gerechtichkeit kumd is shtilli roo un fadrauwes fa'immah.

Römer 14:17

Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht.

Römer 15:13

Ich bitt es da Gott funn hofning eich fild mitt frayt un fridda im glawva, so es diah vaxet in di hofning deich di graft fumm Heilicha Geisht.

Römer 5:1

Fasell, siddah es miah gerecht gmacht sinn deich da glawva, henn miah fridda mitt Gott deich unsah Hah Jesus Christus.

5. Mosi 11:21

Dess is so es diah un eiyah kinnah lang layvet im land es da Hah kshvoahra hott fa eiyah foah-feddah gevva so lang es da himmel ovvich di eaht bleibt.

5. Mosi 5:32

So nau gevvet acht es diah grawt doond vi da Hah eiyah Gott eich gebodda hott. Doond nett uf di rechts seit adda di lings seit drayya.

1. Timotheus 4:8

Es dutt samm goot fa's nadiahlich leib shaffa un's ksund halda, avvah di Gottheit in uns is goot in alli veyya, veil dess en fashpreching haybt fa dess layva un's nekshta.