Shpricha 3:18 - Pennsylvania Dutch Bible

¹⁸ Di veisheit is en layves-bohm zu selli es see ohnemma, un ksaykend sinn selli es zu iahra henka.

Shpricha 3:18 ပူးပေါင်းရင်းမြစ်များ

1. Mosi 2:9

Aus em grund hott Gott da Hah alli sadda baym vaxa glost es shay voahra fa ohgukka un goot fa essa. Da layves-bohm in di mitt fumm goahra, un da bohm funn di eisicht funn goot un evil voahra aw datt.

1. Mosi 3:22

Gott da Hah hott no ksawt, “Gukket moll, nau is da mann vadda vi ayns funn uns, un vayst goot funn evil. Nau so es eah nett sei hand naus shtrekt un nemd aw fumm layves-bohm, est difunn, un laybt fa'immah—”

Shpricha 11:30

Di frucht funn di gerechta is en bohm funn layva, un veah mensha sayla sammeld, hott veisheit.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Shpricha 15:4

En zung es hayld, is vi en bohm funn layva, avvah en fafiahrichi zung macht da geisht moot faliahra.

Shpricha 4:13

Hayb oh zu vass du gland hosht, loss nett gay difunn, du's oahrich heeda, fa's is dei layva.

Shpricha 8:32

Nau dann, mei kinnah, heichet mich ab, ksaykend sinn selli es mei vayya halda.

Shpricha 8:34

Ksaykend is da mann es mich abheicht, es alli dawk vatsht an mei deahra, un es voaht an di poshta funn mei doahra.

Breddichah 7:12

Veisheit gebt acht uf dich so vi geld acht gebt uf dich, avvah's goot ding veyyich veisheit is es es layva gebt zu sellah es es hott.

Di Offenbarung 2:7

Deah vo en oah hott, loss een heahra vass da Geisht sawkt zu di gmayna. Deah vo aushaybt un alles ivvah-kumd, zu eem gebb ich zu essa fumm bohm funn layva es in di mitt fumm Paradees funn Gott shtayt.’

Di Offenbarung 22:2

un is deich di mitt funn di shtrohs funn di shtatt gloffa. Uf yaydah seit fumm revvah hott da bohm funn layva kshtanna. Eah gebt zvelf sadda frucht, un gebt's alli moonet. Un di bleddah fumm bohm voahra fa di leit funn alli lendah hayla.