Shpricha 29:4 - Pennsylvania Dutch Bible

⁴ En kaynich es recht richt macht's land shtandhaftich, avvah aynah es hinna rumm geld nemd fadaubt's land.

Shpricha 29:4 ပူးပေါင်းရင်းမြစ်များ

2. Samuel 8:15

So voah da Dawfit kaynich ivvah gans Israel, un eah hott gedu vass recht voah fa awl sei leit.

1. Kaynicha 2:12

Da Solomon hott no uf em kaynich-shtool funn seim daett da Dawfit kokt, un hott sei kaynich-reich fesht ufgebaut.

2. Chronik 9:8

Glohbt sei da Hah dei Gott es sich kfroit hott mitt diah un dich uf sei kaynich-shtool kokt hott fa kaynich sei fa da Hah dei Gott. Veil dei Gott Israel so leeb hott, un havva vill es si ayvichlich shtayn, dann hott eah dich kaynich gmacht ivvah di leit fa eahlich richtes un gerechtichkeit ausrichta.”

Hiob 11:6

un dayt diah di himlish veisheit veisa. Di voah veisheit hott may es ay seit, so fashtay dess, Gott hott even samm funn dei sinda fagessa.

Psalm 89:14

Gerechtichkeit un gericht hayva dei kaynich-shtool uf, shtandhaftichi-leevi un voahheit gayn fannich diah heah.

Psalm 99:4

Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

Shpricha 14:34

Gerechtichkeit haybt en folk uf, avvah sinda bringa en shohm zu ennichi leit.

Shpricha 16:10

Em kaynich sei leftz shvetza fa Gott; sei maul dutt nett letz richta.

Shpricha 16:12

Kaynicha hassa leit es unrecht doon, fa deich gerechtichkeit vatt iahra kaynich-shtool fesht gmacht.

Shpricha 20:8

Da kaynich es uf em kaynich-shtool hokt fa richta, sift raus awl's evil mitt sei awwa.

Shpricha 29:14

Vann en kaynich di oahma richt mitt voahheit, zayld sei kaynich-shtool shtay fa'immah.

Shpricha 8:15

Deich mich doon kaynicha iahra reich ausfiahra, un roolahs doon goodi gebodda macha.

Jesoiya 49:8

Dess is vass da Hah sawkt: “An di zeit funn gnawt havvich diah andvat gevva, un am dawk funn di saylichkeit havvich diah kolfa. Ich zayl dich heeda un macha es du en bund bisht zu di leit, fa's land zrikk nemma, un's fadauva land fadayla unnich di eahvah.

Jesoiya 9:7

Sei macht fa roola vatt graysah un graysah, un sei fridda zayld ayvichlich sei. Eah hokt uf em Dawfit sei kaynich-shtool, un roold ivvah sei Kaynich-Reich. Eah setzt's uf un macht's shteik deich richtes un mitt gerechtichkeit funn datt on un fa'immah. Da grohs eahnsht fumm Awlmechticha Hah zayld awl dess du.

Daniel 11:20

En anrah kumd no uf an sei blatz, un eah shikt en tax-einemmah naus fa sei kaynich-reich reich macha. No in en katzi zeit vatt eah doht gmacht, avvah nett deich zann adda im greek.

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

1. Samuel 13:13

Da Samuel hott ksawt, “Du hosht en dumm ding gedu. Du hosht's gebott nett kalda es da Hah dei Gott diah gevva hott. Vann du hetsht, dann hett da Hah dei kaynich-reich ivvah Israel ksetzt fa'immah.