Shpricha 29:2 - Pennsylvania Dutch Bible

² Vann di gerechta ivvah-hand henn, dann doon di leit sich froiya, avvah vann di gottlohsa roola, dann doon di leit yammahra.

Shpricha 29:2 ပူးပေါင်းရင်းမြစ်များ

Esther 3:15

Veil da kaynich dess gebott gevva katt hott, sinn di mail-mennah naus ivvah's land ganga, un's gebott voah aw bekand gmacht in di kaynich-shtatt Susa. Da kaynich un da Haman henn sich anna kokt fa drinka, avvah di shtatt Susa voah fashtatzt.

Esther 8:15

Da Mordecai hott no da kaynich falossa diveil es eah am kaynich-glaydah veahra voah. Si voahra bloh un veis un mitt en grohsah goldichah krohn. Un eah hott en purpelah rokk gvoahra es gmacht voah funn fei linnen. Di leit in di shtatt Susa henn sich kfroit un voahra fraylich.

Hiob 34:30

so es gottlohsi mennah nett ivvah-nemma, un en fall shtella fa di leit.

Shpricha 11:10

Vann alles goot gayt mitt di gerechta, dann dutt di shtatt sich froiya, un vann di gottlohsa umkumma, greisha di leit mitt frayt.

Shpricha 28:12

Vann di gerechta ivvah-hand henn, dann hott's grohsi hallichkeit, avvah vann di gottlohsa in di macht kumma, dann doon leit sich fashtekla.

Shpricha 28:15

En gottlohsah roolah ivvah oahmi leit, is vi en roahrichah layb un en hungahrichah beah.

Shpricha 28:28

Vann di gottlohsa ivvah-hand henn, dann doon leit sich fashtekla, avvah vann di gottlohsa umkumma, vadda di gerechta feel.

Breddichah 10:5

Es hott en evil es ich ksenna habb unnich di sunn; es is en faylah es roolahs macha.

Breddichah 10:6

Samm unksheidi leit vadda in hohchi bletz gedu, diveil es di reicha in niddahri bletz gedu vadda.

Breddichah 4:1

No habb ich viddah gegukt un habb awl's unrecht ksenna es am ohgay voah unnich di sunn: Ich habb's awwa-vassah ksenna funn di nunnah-gedreddana— si henn nimmand fa si drayshta. Di graft voah uf di nunnah-dreddah iahra seit— di nunnah-gedreddana henn kenn drayshtah.

Matthäus 2:16

Vo da Herodes ksenna hott es di mennah mitt veisheit een fafiaht henn, voah eah oahrich bays un hott addahs gevva fa awl di glenna boovlen doht macha in Bethlehem un nayksht datt rumm. Si henn sella awl dee doht macha es zvay yoah ald un yingah voahra. Dess hott eikseit mitt di zeit es eah auskfunna katt hott funn di mennah mitt veisheit.

Matthäus 2:3

Vo da Kaynich Herodes dess keaht hott, voah eah unruich, un awl di leit funn Jerusalem voahra aw.

Di Offenbarung 11:15

No hott da sivvet engel sei hann geblohsa, un's voahra laudi shtimma im Himmel vo ksawt henn, “Di kaynich-reicha funn di veld sinn di kaynich-reicha vadda funn unsah Hah un funn sei Christus, un eah zayld Kaynich sei fa immah un immah.”