Shpricha 28:16 - Pennsylvania Dutch Bible

¹⁶ En roolah es kenn fashtand hott, drett leit nunnah, avvah aynah es uneahlich geld hast, zayld lang layva.

Shpricha 28:16 ပူးပေါင်းရင်းမြစ်များ

1. Kaynicha 12:10

Di yunga mennah es ufgvaxa sinn mitt eem henn ksawt, “Sawk dee leit es ksawt henn zu diah, ‘Dei faddah hott en shveah yoch uf uns gedu, mach du's leichtah,’ sawk eena, ‘Mei glennah fingah is dikkah es mei faddah sei bauch voah.

1. Kaynicha 12:14

Eah hott da roht gnumma es di yunga mennah gevva henn un hott ksawt, “Mei faddah hott en shveah yoch uf eich gedu, avvah ich mach's noch shveahrah. Mei faddah hott eich kshvoahra mitt fitza; ich zayl eich shlauwa mitt scorpions.”

Nehemia 5:15

Avvah selli es govvenahs voahra eb ich henn en shveah gvicht uf di leit gedu. Si henn fatzich shtikkah silvah gnumma funn eena un aw ess-sach un vei. Iahra hilf hott aw di leit veesht nunnah gedrikt kalda. Avvah ich habb nett so gedu veil ich Gott kfircht habb.

2. Mosi 18:21

Un du setsht aw goodi mennah es Gottes-furcht henn raus laysa funn awl di leit. Dee sedda mennah sei funn di voahheit, un mennah es eahlich sinn. No setz dee mennah ivvah di leit fa ivvah-saynah sei funn en dausend, funn en hunnaht, funn fuftzich un funn zeyya.

Shpricha 15:27

Sellah es greedich is macht druvvel fa sei haus-hohld, avvah sellah es uneahlichi kshenkah hast zayld layva.

Breddichah 10:16

Vay zu diah, oh land, es en kind hott fa en kaynich, un dei evvahshti macha en grohs essa meiyets.

Breddichah 4:1

No habb ich viddah gegukt un habb awl's unrecht ksenna es am ohgay voah unnich di sunn: Ich habb's awwa-vassah ksenna funn di nunnah-gedreddana— si henn nimmand fa si drayshta. Di graft voah uf di nunnah-dreddah iahra seit— di nunnah-gedreddana henn kenn drayshtah.

Jesoiya 3:12

Oh mei leit, kinnah sinn am eich nunnah dredda, veibsleit roola ivvah eich. Mei leit, selli es eich fiahra, doon eich letz fiahra, si drayya eich vekk funn di pawt.

Amos 4:1

Heichet zu dee vadda, diah feddi kee funn Basan es uf em Berg funn Samaria sind, diah veibsleit es di oahma un selli in noht nunnah dreddet, un sawwet zu eiyah mennah, “Bringet uns vei zu drinka!”