Shpricha 28:10 - Pennsylvania Dutch Bible

¹⁰ Ebbah es di ufrichticha in en evilah vayk fiaht, zayld in sei aykni fall falla, avvah di unshuldicha zayla en goodi eahbshaft greeya.

Shpricha 28:10 ပူးပေါင်းရင်းမြစ်များ

Psalm 139:24

Gukk un sayn eb ennichah gottlohsah vayk in miah is, un fiah mich uf em ayvicha vayk.

Psalm 37:11

Di daymeedicha zayla's land eahva, un zayla sich froiya mitt en grohsah fridda.

Psalm 57:6

Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Psalm 9:15

Di heida henn en loch gegrawva un sinn nei kfalla, iahra fees sinn kfanga in di net es si kshteld henn.

Shpricha 10:3

Da Hah lost di gerechta nett hungahrich gay, avvah eah hald di gottlohsa funn greeya vass si havva vella.

Shpricha 15:6

Im gerechta sei haus sinn feel keshtlichi sacha, avvah vass da gottlohs einemd gebt eem yusht druvvel.

Shpricha 2:21

Fa di ufrichticha zayla im land layva, un di unshuldicha zayla drinn bleiva.

Shpricha 21:20

Keshtlich sach un ayl is in di haymeda funn selli mitt veisheit, avvah dummi leit essa's alles uf.

Shpricha 26:27

Vann en mann en loch grawbt, dann fald eah selvaht nei; vann en mann en shtay rold, dann rold eah zrikk uf een.

Shpricha 28:18

Veah unshuldich lawft bleibt aus di kfoah, avvah veah uneahlich is zayld bletzlich in en loch falla.

Breddichah 10:8

Veah-evvah es en loch grawbt mecht nei falla; veah-evvah es deich en vand brecht mecht gebissa vadda bei en shlang.

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

Galater 2:4

Dee sach is uf kumma veil samm falshi breedah shlichtich rei gebrocht voahra. Si sinn rei kumma fa ausfinna vi veit es unsah freiheit gayt vass miah henn in Christus Jesus, so es si uns viddah gebunna macha kenda.

Hebräer 6:12

Dess is so es diah nett aldvannish vaddet, avvah es diah selli nohch machet vo deich da glawva un geduld sell eahva zayla vass fashprocha voah.

1. Petrus 3:9

Betzawlet nett zrikk evil fa evil adda baysi vadda mitt baysi vadda, avvah sayknet nannah. Fa diah visset es dess is vass diah groofa sind ditzu, so es diah en sayya greeyet.

Di Offenbarung 2:14

Avvah ich habb samm sacha geyyich dich: Du hosht samm datt es ohhayva zu di lanning fumm Bileam, deah vo da Balak gland hott fa di kinnah funn Israel fafiahra, so es si abgott-opfah flaysh essa un huahrahrei dreiva.

1. Samuel 26:19

Nau loss mei meishtah da kaynich abheicha zu seim gnecht sei vadda. Vann da Hah dich ufkshtatt hott geyyich mich, dann loss een mei opfah ohnemma. Avvah vann leit dess gedu henn, dann sinn si faflucht fannich em Hah. Fa si henn mich aus em Hah sei land un eahbshaft gedrivva, un henn ksawt, ‘Gay un deen anri gettah.’