Shpricha 27:22 - Pennsylvania Dutch Bible

²² Even vann du en unksheidah fashtambsht mitt en shtambah funn em famawld frucht, doch kansht du sei dumhayda nett aus eem nemma.

Shpricha 27:22 ပူးပေါင်းရင်းမြစ်များ

1. Kaynicha 13:33

Avvah even noch awl demm hott da Jerobeam nett vekk gedrayt funn sei gottlohsi vayya, un eah hott yusht noch may preeshtah eiksetzt fa di hohcha-bletz aus alli sadda leit. Ennich ebbah es en preeshtah vadda hott vella hott eah eiksetzt fa di hohcha-bletz.

2. Mosi 12:30

Da Pharao, awl sei gnechta un awl di Egyptah sinn uf kshtanna deich di nacht, un's voah vundahboah laut heiles in Egypta. Fa's voah kenn haymet datt es nett ebbah doht voah.

2. Mosi 14:5

Vo's ksawt voah zumm kaynich funn Egypta es di Kinnah-Israel difunn ganga sinn, hott da Pharao un sei gnechta viddah annahshtah gedenkt veyyich di Kinnah-Israel. Si henn ksawt, “Vass henn miah gedu? Miah henn di Kinnah-Israel gay glost, nau henn miah unsah shaff-gnechta faloahra!”

2. Mosi 15:9

Da feind hott gebraekt, ‘Ich gay eena nohch, ich fang si, ich fadayl iahra sach, un mei lusht vatt zufridda gmacht uf eena. Ich zeek mei shvatt raus, un mei hand macht si zu nix.’

Shpricha 14:24

Da krohn funn selli mitt veisheit is iahra reichheit, avvah di dumheit fiaht yusht zu noch may dumheit.

Shpricha 23:35

“Si henn mich kshlauwa,” zaylsht du sawwa, “avvah's dutt mich nett vay; si henn mich geglobt, avvah ich feel's nett. Vann zayl ich ufvekka so es ich noch en drink havva kann?”

Shpricha 26:11

Vi en hund es viddah frest vass eah ruff kshmissa hott, so is da unksheit es sei dumhayda viddah dutt.

Jesoiya 1:5

Favass haldet diah oh geyyich da Hah shaffa? Vellet diah noch veidah kshtrohft sei? Eiyah gansah kobb is grank, eiyah gans hatz is matt.

Jeremia 13:23

Kann en mann sei haut en anrah kollah macha, adda en leopard sei blakka abnemma? Grawt so kansht du nett goot du veil du gegvaynd bisht fa letz du.

Jeremia 5:3

Oh Hah, sinn nett dei awwa am gukka fa di voahheit? Du hosht si kshlauwa, avvah si kshpiahra's nett; du hosht si shiah ausgrivva, avvah si henn sich nett fabessaht. Si henn iahra ksichtah haddah gmacht es shtay, un henn's nett gedu fa sich bekeahra.

1. Samuel 19:21

Da Saul voah ksawt gvest veyyich demm, no hott eah noch may mennah kshikt un si henn aw gebroffetzeit. Eah hott's dritt moll mennah kshikt un si henn aw gebroffetzeit.