Shpricha 27:20 - Pennsylvania Dutch Bible

²⁰ Da doht un's grawb vella immah noch may einemma, un so vella di awwa fumm mensh.

Shpricha 27:20 ပူးပေါင်းရင်းမြစ်များ

Hiob 26:6

Es grawb is abgedekt fannich Gott, un's is uf gmacht zu sei awwa.

Shpricha 15:11

Da doht un's grawb sinn abgedekt fannich em Hah, vi feel may sinn di hatza funn mennah!

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Shpricha 27:19

Vi du dei ksicht sayna kansht in vassah, so kansht du dich selvaht sayna in deim hatz.

Breddichah 1:8

Alli-ebbes macht em falayt un meet, nimmand kann faddich vadda alles sawwa. Es awk kann nee nett faddich vadda alles sayna, un's oah kann nett faddich vadda alles heahra.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Breddichah 6:7

Alles es en mensh shaft difoah gayt in sei maul, avvah doch vatt eah nee nett satt.

Jesoiya 5:14

Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.

Jeremia 22:17

“Avvah dei awwa un hatz gukka yusht fa uneahlich geld macha, fa unshuldich bloot fageesa un fa leit nunnah dredda un si rawva.”

Habakuk 2:5

Un veidah, vei drinkes dutt da shtols mann fafiahra, so es eah shtols un unruich is. Eah is greedich vi's grawb, un vi da doht, is nee nett zufridda. Eah sammeld awl di heida zu sich selvaht, un geddaht awl di leit zu sich.

Haggai 1:9

“Diah hend gegukt fa feel, avvah's hott yusht vennich gevva. Un vass diah haym gebrocht hend, habb ich fatt geblohsa. Favass? Veil mei haus do nunnah-grissa leit, diveil es yaydah funn eich ufgnumma is mitt sei ayya haus,” sawkt da Awlmechtich Hah.

1. Johannes 2:16

Fa alles es in di veld is, da lusht fumm flaysh, da lusht funn di awwa, un da hohchmoot fumm layva, kumd nett fumm Faddah avvah funn di veld.