Shpricha 26:27 - Pennsylvania Dutch Bible

²⁷ Vann en mann en loch grawbt, dann fald eah selvaht nei; vann en mann en shtay rold, dann rold eah zrikk uf een.

Shpricha 26:27 ပူးပေါင်းရင်းမြစ်များ

Esther 7:10

So henn si da Haman kanka uf em galya es eah grisht katt hott fa da Mordecai. No hott em kaynich sei zann sich glaykt.

Esther 9:25

Avvah vo dess vatt zumm kaynich kumma is, hott eah en gebott kshrivva so es em Haman sei evilah shkeem geyyich di Yudda zrikk uf sei ayknah kobb fald, un es eah un sei boova kanka vadda uf di galya.

Psalm 10:2

Di gottlohsa sinn grohs-feelich un gayn di oahma nohch; loss si kfanga sei in iahra aykni shkeema.

Psalm 57:6

Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Psalm 9:15

Di heida henn en loch gegrawva un sinn nei kfalla, iahra fees sinn kfanga in di net es si kshteld henn.

Shpricha 28:10

Ebbah es di ufrichticha in en evilah vayk fiaht, zayld in sei aykni fall falla, avvah di unshuldicha zayla en goodi eahbshaft greeya.

Shpricha 5:22

Di sinda funn en gottlohsah mann fanga een, un eah vatt kohva mitt di shtrikk funn sei sinda.

Breddichah 10:8

Veah-evvah es en loch grawbt mecht nei falla; veah-evvah es deich en vand brecht mecht gebissa vadda bei en shlang.

Jesoiya 3:11

Avvah vay zu di gottlohsa, es zayld nett goot gay mitt eena. Si vadda zrikk betzawld fa vass si fadeend henn.

Jesoiya 3:8

Yau, Jerusalem is kshtolbaht, un Juda is kfalla; iahra vadda un sell vass si doon is geyyich da Hah. Si shtella sich uf geyyich sei hallichkeit.