Shpricha 26:25 - Pennsylvania Dutch Bible

²⁵ Vann eah glatt shvetzt, glawb eem's nett, fa's sinn sivva veeshti gedanka in seim hatz.

Shpricha 26:25 ပူးပေါင်းရင်းမြစ်များ

Nehemia 6:2

dann henn da Sanballat un da Gesem miah en breef kshikt es ksawt hott: “Kumm, vella zammah kumma in ayns funn di shtett draus in di vildahnis funn Ono.” Dess voah iahra shkeem fa miah shawda du.

Psalm 12:2

Alli-ebbah leekt zu nannah; si shvetza gladdi vadda mitt iahra leftz un shvetza mitt zvay hatza.

Psalm 28:3

Shlayf mich nett vekk mitt di gottlohsa, un mitt di evil-shaffah— selli es freindlich shvetza mitt iahra nochbahra, avvah hass henn in iahra hatza.

Shpricha 23:7

fa eah is en mann es immah am denka is veyyich vi feel es es kosht. Eah sawkt, “Drink un ess,” avvah sei hatz is nett mitt diah.

Shpricha 26:23

Gladdi leftz un en evil hatz, sinn vi eahdich ksha es ivvah-gedekt is mitt silvahrichah shaum.

Jeremia 12:6

Fa even dei breedah un dei aykni family, even si henn dich falossa un shvetza laut geyyich dich. Drau eena nett, even vann si shay shvetza zu diah.

Micha 7:5

Du daufsht dei nochbah nett drauwa, nett even dei freind. Gebb acht vass du sawksht, even zu dei fraw.

Matthäus 24:23

Un vann ennich ebbah sawkt zu eich, ‘Gukket moll, do is Christus!’ adda ‘Datt is eah!’ glawvet's nett.

1. Samuel 18:17

No hott da Saul ksawt zumm Dawfit, “Do is mei elsht maydel di Merab; ich gebb see zu diah fa dei fraw sei. Avvah du musht mich deena un hatt fechta im greek fa da Hah.” Fa da Saul hott gedenkt, “Ich layk mei hand nett uf een; ich loss di Philishtah sell du.”