Shpricha 24:14 - Pennsylvania Dutch Bible

¹⁴ Grawt so is di veisheit goot fa dei sayl; vann du see finsht dann zayld's goot gay fa dich, un dei hofning vatt nett abkshnidda.

Shpricha 24:14 ပူးပေါင်းရင်းမြစ်များ

Psalm 119:103

Oh, vi sees sinn dei vadda zu miah, seesah es hunnich zu mei maul.

Psalm 119:111

Dei zeiknisa sinn mei eahbshaft fa'immah, fa si sinn di frayt funn meim hatz.

Shpricha 16:24

Blesiahlichi vadda sinn vi hunnich, si sinn sees zu di sayl un hayla di gnocha.

Shpricha 2:10

Fa veisheit zayld in dei hatz kumma, un eisicht zayld blesiahlich sei zu dei sayl.

Shpricha 22:18

Fa's zayld leeblich sei vann du dee vadda im sinn haldsht, un si awl grisht haldsht uf dei leftz.

Shpricha 23:18

'Sis gevislich en goodi hofning fa dich, un dei hofning zayld nett abkshnidda sei.

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Matthäus 19:21

Jesus hott ksawt zu eem, “Vann du folkumma sei vitt, gay un fakawf vass du hosht un gebb's zu di oahma, un du zaylsht reich sei im Himmel. No kumm un folk miah nohch.”

Jakobus 1:25

Avvah sellah vo in's folkumma Ksetz nei gukt vass em frei macht, vann eah ohhald un is nett yusht aynah es heaht un fagest, avvah's no aw dutt, sellah vatt ksaykend in vass eah dutt.