Shpricha 23:7 - Pennsylvania Dutch Bible

⁷ fa eah is en mann es immah am denka is veyyich vi feel es es kosht. Eah sawkt, “Drink un ess,” avvah sei hatz is nett mitt diah.

Shpricha 23:7 ပူးပေါင်းရင်းမြစ်များ

Psalm 12:2

Alli-ebbah leekt zu nannah; si shvetza gladdi vadda mitt iahra leftz un shvetza mitt zvay hatza.

Psalm 55:21

Sei kshvetz voah gladdah es buddah, avvah's voah greek in sei hatz. Sei vadda voahra vayyichah es ayl, doch voahra si vi en gezowwa shvatt.

Shpricha 19:22

Vass leeblich is in en mensh is bamhatzichkeit; 'sis bessah fa oahm sei es vi en leeyah sei.

Shpricha 26:23

Gladdi leftz un en evil hatz, sinn vi eahdich ksha es ivvah-gedekt is mitt silvahrichah shaum.

Shpricha 26:24

Ebbah es hast, fashteld's mitt sei lefts, avvah im hatz is eah falsh.

Shpricha 26:25

Vann eah glatt shvetzt, glawb eem's nett, fa's sinn sivva veeshti gedanka in seim hatz.

Daniel 11:27

No zayla di zvay kaynicha, mitt evil in iahra hatza, anna hokka un essa an aym dish un si sawwa leeya zu nannah an demm dish. Si zayla nett greeya vass si vella, veil di zeit fa sell noch nett kumma voah.

Lukas 7:39

Nau vo da Pharisayah es een kaysa katt hott, dess ksenna hott, hott eah zu sich selvaht ksawt, “Vann deah mann en brofayt veah, hett eah gvist vass fa en fraw es dess is vo een ohrayya dutt, fa see is en sindah.”

Richtah 16:15

No hott see ksawt, “Vee kansht du sawwa du hosht mich leeb vann dei hatz nett bei miah is? Du hosht mich dee drei mohl fafiaht un hosht miah nett ksawt vo dei grohsi graft is.”