Shpricha 23:23 - Pennsylvania Dutch Bible

²³ Kawf di voahheit un du see nett fakawfa, grikk veisheit, lanning un eisicht.

Shpricha 23:23 ပူးပေါင်းရင်းမြစ်များ

Psalm 119:127

Fasell habb ich dei gebodda leeblich, may es gold, yau, may es fei gold.

Psalm 119:72

Es ksetz funn dei maul is miah leevah, es dausends funn shtikkah silvah un gold.

Shpricha 10:1

Dess sinn em Solomon sei shpricha: En boo mitt veisheit macht sei daett froh, avvah en unksheidah boo macht sei maemm bedreebt.

Shpricha 16:16

Es is bessah fa veisheit greeya es vi fa gold havva, un's is bessah fa eisicht nemma es vi silvah.

Shpricha 17:16

Vass goot is geld fa veisheit kawfa in di hand funn en unksheidah, vann eah's nett dutt fa lanna?

Shpricha 18:15

Di shmeaht meind grikt noch may lanning, un's oah mitt veisheit sucht eisicht.

Shpricha 9:8

Du nett en shpoddah recht setza adda eah hast dich, avvah setz en mann mitt veisheit recht, un eah leebt dich.

Jesoiya 55:1

“Kummet, awl diah es dashtich sind, kummet zumm vassah; un diah es kenn geld hend, kummet, kawfet un esset! Kummet, kawfet vei un millich, unni geld un es nix kosht.

Matthäus 13:44

“Es Himmel-Reich is vi geld es fashtekkeld voah imma feld un en mann kfunna hott un hott's zu gedekt. No in seinra grohsi frayt gayt eah un fakawft alles es eah hott un kawft sell feld.

Matthäus 13:46

Un vo eah ayni kfunna hott es oahrich deiyah voah, is eah ganga un hott alles fakawft es eah katt hott un hott selli pearl gekawft.

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Di Apostelgeschichte 20:23

Ich vays yusht es da Heilich Geisht in alli shtatt zeiya gebt es banda un dreebsawl am voahra sinn fa mich.

Hebräer 11:26

Eah hott da shohm vass gayt mitt Christus haychah gacht es di reichheit funn di Egyptah, veil eah fanna naus gegukt hott zu di betzawling.

Di Offenbarung 12:11

Si sinn een ivvah-kumma deich's bloot fumm Lamm, un deich's vatt funn iahra zeiknis, un si henn iahra layva nett gleebt even biss an da doht.

Di Offenbarung 3:18

Fasell, gevvich diah roht fa gold kawfa funn miah es greinicht is im feiyah, so es du reich vasht; un fa veisi glaydah kawfa funn miah fa dich glayda un da shohm funn dei nakkichheit zu dekka; un es du dei awwa shmiahsht mitt awwa-shmiah so es du sayna kansht.