Shpricha 23:10 - Pennsylvania Dutch Bible

¹⁰ Du nett da ald meik-shtay moofa, un gay nett in di feldah funn kinnah unni eldra,

Shpricha 23:10 ပူးပေါင်းရင်းမြစ်များ

Hiob 22:9

Du hosht di vitt-veivah leah vekk kshikt; du hosht di kinnah unni eldra nunnah gedredda.

Hiob 24:9

'S kind es kenn daett hott vatt funn di muddah-brusht vekk grissa, un em oahma sei kind is funn eem gnumma fa en shuld betzawla.

Hiob 6:27

Diah daydet even shteklen zeeya im lohs fa kinnah greeya unni en daett, un daydet eiyah freind vekk fahandla.

Psalm 94:6

Si bringa di vitt-fraw un da fremd mann um, un shlauwa doht di kinnah unni eldra.

2. Mosi 22:22

Du solsht en vitt-fraw un en kind unni eldra nett byoosa adda letz yoosa.

Shpricha 15:25

Da Hah reist's haus funn di shtolsa nunnah, avvah eah vatsht ivvah's land funn di vitt-fraw.

Shpricha 22:28

Moof nett da ald meik-shtay es di foah-feddah datt anna ksetzt henn.

Jeremia 22:3

Dess is vass da Hah sawkt: Gevvet leit iahra recht un shaffet gerechtichkeit. Machet sellah es grawbt voah frei funn di macht funn sellah es eem letz gedu hott. Doond nix veeshtes adda unfashtendiches zu auslendah, zu selli unni eldra un zu di vitt-veivah; un doond nett unshuldich bloot fageesa in demm blatz.

Jeremia 7:5

Vann diah eiyah vayya un eiyah verka folshtendich fa'ennahret un doond recht zu nannah,

Jeremia 7:6

vann diah di fremda, selli unni eldra un di vitt-veivah nett nunnah dreddet, un doond nett unshuldich bloot fageesa an demm blatz, un doond eich nett shawda bei anri gettah nohch gay,

Sacharia 7:10

Dreddet nett nunnah selli es vitt-veivah sinn adda kenn eldra henn, un aw nett selli es fremdi sinn unnich eich, adda selli es oahm sinn. Un denket nett evil in eiyah hatza geyyich eiyah broodah.’

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

5. Mosi 19:14

Im land es da Hah eiyah Gott am eich gevva is sellet diah di lein-meikah-shtay nett moofa zvishich di feldah es eiyah foah-feddah anna ksetzt henn.

5. Mosi 27:17

“Faflucht is ennich ebbah es sei nochbah sei lein-meikah-shtay mooft.” No sella awl di leit sawwa, “Amen!”

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.