Shpricha 22:4 - Pennsylvania Dutch Bible

⁴ Daymoot un di furcht fumm Hah, bringa reichheit, eah un layva.

Shpricha 22:4 ပူးပေါင်းရင်းမြစ်များ

Shpricha 19:23

Di furcht fumm Hah fiaht zumm layva, no kann ebbah roowa un is frei funn druvvel.

Shpricha 21:20

Keshtlich sach un ayl is in di haymeda funn selli mitt veisheit, avvah dummi leit essa's alles uf.

Shpricha 21:21

Selli es gerechtichkeit un bamhatzichkeit nohch gayn, zayla layva, gerechtichkeit un eah finna.

Shpricha 22:3

En mann es denkt, saynd di kfoah un fashtekkeld sich, avvah di dumma gayn on un missa leida difoah.

Shpricha 22:5

In di pawt funn di gottlohsa sinn danna un fang-shtrikka, avvah sellah es sich vatsht hald sich veit vekk funn eena.

Shpricha 29:23

En shtolsah mann vatt niddah gebrocht, avvah en daymeedichah mann grikt hohchi eah.

Shpricha 3:16

Lang layva is in di veisheit iahra rechtsi hand, un in iahra lingsi hand is reichheit un eah.

Shpricha 31:30

En veibsmensh es sich shay ohshikt, kann em fafiahra, un en shay ksicht bleibt nett fa'immah, avvah en fraw es da Hah fircht, sett gepreist sei.

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Jesoiya 57:15

Dess is vass da Hohch un Heilich Gott sawkt— deah es ayvich laybt un es da nohma “Heilich” hott: “Ich voon in en hohchah un heilichah blatz, un aw mitt selli es bekeaht un daymeedich im geisht sinn, so es ich da geisht greftich macha kann funn selli es daymeedich sinn, un's hatz funn selli es bekeaht sinn.

Daniel 4:36

An selli zeit voah mei fashtand zrikk gevva; ich habb di eah un hallichkeit funn meim kaynich-reich zrikk grikt. Mei roht-gevvah un evvahshti sinn kumma gukka fa mich; ich habb mei kaynich-shtool zrikk grikt un habb graysahri eah katt es vi difoah.

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

1. Timotheus 4:8

Es dutt samm goot fa's nadiahlich leib shaffa un's ksund halda, avvah di Gottheit in uns is goot in alli veyya, veil dess en fashpreching haybt fa dess layva un's nekshta.

Jakobus 4:10

Daymeedichet eich fannich Gott un eah haybt eich uf.

Jakobus 4:6

Avvah Gott gebt may gnawt; fasell, sawkt's, “Gott shtayt geyyich di hohchmeedicha, avvah eah gebt gnawt zu di daymeedicha.”